«Doing business»-ում դիրքերը բարելավելու համար Հայաստանի կառավարությունը մի շարք միջոցառումներ է նախատեսել

Հայաստանը գործարար միջավայրի բարելավման և Համաշխարհային բանկի գործարարությամբ զբաղվելու դյուրինության «Գործարարություն» հաջորդ տարվա զեկույցում դիրքերն էլ ավելի բարելավելու նպատակով նախատեսել է մի շարք միջոցառումեր: Մեծ ուշադրություն է դարձվելու հատկապես զեկույցում դեռ ցածր դիրքերում գտնվող, սակայն կատարելագործման մեծ պոտենցիալ ունեցող շինթուլտվություններին, սնանկության ճանաչմանն ու հարկերի վճարմանը: «Արմենպրես»-ի հաղորդմամբ` ՀՀ տնտեսական զարգացման և ներդրումների փոխնախարար Ալբերտ Բաբայանը ներկայացրեց նախատեսվող միջոցառումները:

«Ապրիլին կառավարության հավանության արժանացած Գործարար միջավայրի բարելավման 2019-ի միջոցառումների ծրագիրը միտված է գործարար միջավայրի բարելավմանը և 2019-ի համար այն գործողությունների ծրագրի նախանշմանը, որոնք պետք է իրականացվեն` Համաշխարհային բանկի զեկույցում գնահատվելու համար: Համաշխարհային բանկի զեկույցը գնահատում է 10 ուղղությամբ իրականացվող գործողությունները, և այդ տեսանկյունից միջոցառումները ծածկում են բոլոր այդ ուղղությունները: Նախատեսված է 51 միջոցառում: Հայաստանում երեք ցուցանիշ գոյություն ունի, որոնք ունեն կատարելագործման մեծ պոտենցիալ, այսինքն` գտնվում են ցածր դիրքերում: Դրանք են շինթույլտվությունը, սնանկության ճանաչումն ու հարկերի վճարումը: Զեկույցում շինթույլտվությունը գտնվում է 98-րդ տեղում, սնանկությունը 95-ում, իսկ հարկեր վճարումը` 88-րդում: Համագործակցելով նաև Համաշխարհային բանկի փորձագետների հետ պետք է ամբողջապես վերանայենք շինթույլտվությունների գործընթացը: Նաև կներդրվի էլեկտրոնային շինթույլտվությունների համակարգ, ինչը կարագացնի գործընթացը, կավելացնի թափանցիկությունը»,-ասաց Բաբայանը:

Սնանկության մասով Հայաստանի հիմնական խնդիրը հետևյալն է` ձեռնարկությունները, որոնք ունեն ֆինանսական դժվարություններ, հաճախ գնում են լուծարման, և այդ տեսանկյունից պարտատերերը չեն կարողանում վերադարձնել ամբողջ ծավալով գումարը, որը տվել էին այդ ձեռնարկությանը: Իսկ մեթոդաբանությունն ասում է, որ ձեռնարկությունը պետք է շարունակի իր կյանքը` գնա ֆինանսական առողջացման, և վերականգնողական դրույքաչափը կլինի բարձր: Փոխնախարարի խոսքով` այդ տեսանկյունից ծրագրերում շեշտը դրված է ֆինանսական առողջացմանն ուղղված միջոցառումերին և առավելապես ապահովված պարտատերերի շահերի պաշտպանությանը:

Հարկերի վճարման մասով Հայաստանի` ցածր դիրքերում հայտնվելը պայմանավորված է ավելացված արժեքի հարկի դեբետային մնացորդների վերացմանը:« 2017-ի երկրորդ կիսամյակից սկսված սկսեցին հետ վերադարձնել այդ գումարները: Եվ ակնկալում ենք, որ պետք է բավականին մեծ առաջընթաց ունենանք գնահատման տեսանկյունից»,-նշեց Բաբայանը:

Համաշխարհային բանկի զեկույցը շեշտը դնում է ոչ միայն նրա վրա, թե պետական գերատեսչություններն ինչ բարեփոխումներ են իրականացրել, այլ նաև թե դրանք որքան են կիրառելի դարձել մասնավոր հատվածում: Զեկույցը գնահատում է նաև երկրի օրենսդրական դաշտը`տեսնելու, թե այն որքանով է միտված կազմակերպությունների առողջացման հնարավորություններ ընձեռելուն: Հաշվի առնելով սա` կառավարությունն օրենսդրության մեջ լայնածավալ փոփոխություններ է նախատեսում: Բաբայանը նշեց, որ հաշվի առնելով այս և մի շարք այլ փոփոխություններ` իրենց գնահատումները ցույց են տալիս, որ Հայաստանը մեծ շանսեր ունի հաջորդ տարվա զեկույցի առաջին քսանյակում, նույնիսկ տասնյակին մոտ հայտնվելու:

Հայաստանը 6 կետով բարելավել է իր դիրքերը` Համաշխարհային բանկի 2019-ի զեկույցում` զբաղեցնելով 41-րդ տեղը: Բաբայանի ներկայացրեց նաև այն փոփոխությունները, որոնք իրականացվել են այս տարի առաջընթաց ապահովելու համար: «Իրականացվել է ավելացված արժեք հարկի դեբետային մնացորդների հետվերադարձի ապահովումը: Պետք է հաշվի առնել նաև այն, որ գնահատվում է ոչ միայն հնարավորությունը, այլ պրակտիկ գործընթացը, այսինքն, թե որքան ժամանակ է հետևում հետվերադարձը: Բավականին լավ ցուցանիշ ունենք այդ մասով, գումարի հետվերադարձի միջին տևողությունը մոտ մեկ ամիս է: Բնապահպանական հաշվետվությունների ներկայացումներն ամբողջապես էլեկտրոնային են դարձել: Զեկույցում գնահատվում է նաև էլեկտրականության միացման ցուցիչը: Նախկինում տնտեսվարողը կամ քաղաքացին էլեկտրականությանը միանալու համար նախ պետք է գնար Հայաստանի էլեկտրական ցանցեր, դիմում ներկայացներ, կնքեր միացման պայմանագիր, հետո որոշ ժամանակ անց կնքեր մատակարարման պայմանագիր: Այդ գործողությունները մենք միացրեցինք, և տնտեսվարողն արդեն կարող է գնալ Հայաստանի էլեկտրական ցանցեր, ստանալ միակողմանի ստորագրված պայմանագիր և ըստ ժամանակացույցի միանալ հոսանքին»,-ասաց Բաբայանը:

Առևտրային վեճերի լուծման հնարավորության մեջ ևա գնահատվում է մի ցուցանիշ, թե որքան ժամանակում են իրականացվում կատարողական գործողությունները գույքի հետ: Եթե օրենքը սահմանում էր, որ կատարողական գործողությունները պետք է իրականացվեցին երկամսյա ժամկետում, ապա օրենսդրական փոփոխության արդյունքում կատարողական գործողությունները ներկայում պետք է իրականացվեցն 15-օրյա ժամկետում: Փոխնախարարի կարծիքով` Համաշխարհային բանկի կողմից սա ևս կգնահատվի: Իսկ ամենախոշոր փոփոխությունը փոխնախարարը համարեց ապրիլի 30-ին ուժի մեջ մտած Բաժնետիրական ընկերությունների մասին օրենքի փոփոխությունը, որով արմատապես վերանայվեց ընկերությունների կառավարման թափանցիկության սկզբունքը: Իսկ կորպորատիվ կառավարման լավագույն սկզբունքները ներդրվել են որպես պարտադիր բնույթ:

Հայաստանը «Գործարարություն 2019» զեկույցում գործարարությամբ զբաղվելու դյուրինության վարկանիշով առաջ է անցել հարևան Թուրքիայից, որը զբաղեցնում է 43 հորիզոնականը, սակայն զիջում է մյուս հարևան Վրաստանին, որը 6-րդն է աղյուսակում:

Armenpress.am 

Աննա Գրիգորյան

Սոցիալական փաթեթի հանգստի ապահովման ծառայություն

Արտադրողների և արտահանողների շտեմարան

Հուշաթերթ արտահանողի համար

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

Հանդիպումների ժամանակացույց․պետություն-մասնավոր հատված համագործակցություն

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00