Համաձայն «Եվրասիական տնտեսական միության մասին» 2014 թվականի մայիսի 29-ի պայմանագրի 36-րդ հոդվածի՝ զարգացող և (կամ) առավել թույլ զարգացած երկրների տնտեսական զարգացմանը նպաստելու նպատակով Եվրասիական տնտեսական միության ադամ երկրները  կարող են տրամադրել  սակագնային արտոնություններ՝ Եվրասիական տնտեսական միության սակագնային արտոնությունների միասնական համակարգից օգտվող՝ զարգացող երկրների և (կամ) առավել թույլ զարգացած երկրներից ծագում ունեցող ապրանքների նկատմամբ՝ միակողմանի հիմքով։

Զարգացող երկրների ծագում ունեցող արտոնյալ ապրանքների համար ԵԱՏՄ մաքսային տարածք  ներմուծման ժամանակ  կիրառվում է գործող Եվրասիական տնտեսական միության միասնական մաքսային սակագնի ներմուծման մաքսատուրքի 25%-ի չափով իջեցում, իսկ առավել թույլ զարգացած երկրների ծագում ունեցող արտոնյալ ապրանքների համար կիրառվում է 0% մաքսատուրքի դրույքաչափ։

Մաքսային միության Հանձնաժողովի 2009 թվականի նոյեմբերի 27-ի N 130 որոշմամբ հաստատվել են այն զարգացող և (կամ) առավել թույլ զարգացած երկրների ցանկերը, որոնք կարող են օգտվել սակագնային արտոնությունների միասնական համակարգից։

Եվրասիական տնտեսական հանձնաժողովի Խորհրդի 2017 թվականի հունվարի 13-ի N8 որոշմամբ հաստատվել են այն արտոնյալ ապրանքների ցանկերը, որոնց հանդեպ զարգացող և (կամ) առավել թույլ զարգացած երկրներից ծագած ապրանքների Եվրասիական տնտեսական միության մաքսային տարածք ներմուծման ժամանակ կիրառվում են սակագնային արտոնություններ։ 

«Եվրասիական տնտեսական միության և դրա անդամ պետությունների միջև՝ մի կողմից, և Վիետնամի Սոցիալիստական Հանրապետության միջև՝ մյուս կողմից, ազատ առևտրի մասին» 2015 թվականի մայիսի 29-ի համաձայնագիրն ուժի մեջ է մտել 2016 թվականի հոկտեմբերի 5-ին

«Եվրասիական տնտեսական միության և իր անդամ պետությունների` մի կողմից, և Չինաստանի Ժողովրդական Հանրապետության` մյուս կողմից, միջև տնտեսական և առևտրային համագործակցության մասին» համաձայնագիրը ստորագրվել է մայիսի 17-ին Աստանայում և ուժի մեջ է մտել 2019թ.-ի հոկտեմբերի 25-ից

Եվրասիական տնտեսական միության ու դրա անդամ պետությունների` մի կողմից, Իրանի Իսլամական Հանրապետության միջև` մյուս կողմից, ազատ առևտրի գոտու ձևավորմանն ուղղված ժամանակավոր համաձայնագիրը ստորագրվել է մայիսի 17-ին Աստանայում և ուժի մեջ է մտել 2019թ.-ի հոկտեմբերի 27-ից 

• Իրանի Իսլամական Հանրապետությունում ծագած և Եվրասիական տնտեսական միության տարածք ներմուծվող ապրանքների նկատամամբ արտոնյալ ներմուծման մաքսատուրքերի դրույքաչափերն հաստատված են Եվրասիական տնտեսական հանձնաժողովի Կոլեգիայի 2019 թվականի հունվարի 22-ի №10  որոշմամբ