ՀՀ կառավարության 2020 թվականի 355-Լ որոշման N 1 հավելվածով հաստատվել է «Արտադրողականության խթանման նպատակային ծրագիրը», որի նպատակն է աջակցել տնտեսավարողներին արտադրական կարողությունների արդիականացման և նոր տեխնոլոգիաների ներդրման գործընթացում։

Միջոցառման շրջանակներում շահառուներին հնարավորություն է ընձեռնվում ստանալ ՀՀ տարածքում գործող ֆինանսական կազմակերպությունների կողմից տրամադրված ՀՀ դրամով կամ արտարժույթով վարկի/լիզինգի տոկոսադրույքի սուբսիդավորում: Վարկի/լիզինգի առարկա կարող է հանդիսանալ՝ նոր (չօգտագործված) մեքենասարքավորումներ և դրանց բաղկացուցիչ մասեր։

Սուբսիդավորման չափը սահմանվում է՝

• վարկի դեպքում՝ ՀՀ դրամով մինչև 6 տոկոս, արտարժույթով մինչև 4 տոկոս,
• լիզինգի դեպքում՝ ՀՀ դրամով մինչև 8 տոկոս, արտարժույթով մինչև 6 տոկոս։

Վարկի կամ լիզինգի պայմանագրի առավելագույն ժամկետը կարող է կազմել մինչև 120 ամիս, իսկ տոկոսադրույքի սուբսիդավորման ժամկետը՝ մինչև 42 ամիս։ Մայր գումարի մարման համար կարող է սահմանվել մինչև 6 ամիս արտոնյալ ժամանակահատված։

Ծրագրից կարող են օգտվել  հետևյալ ոլորտներում գործունեություն իրականացնող տնտեսավարողները

• C (ՍԻ) «Մշակող արդյունաբերություն»,
• B (ԲԻ) «Հանքագործական արդյունաբերություն և բացահանքերի շահագործում»,
• D(ԴԻ) «Էլեկտրականության, գազի, գոլորշու և լավորակ օդի մատակարարում»,
• J (ՋԵՅ) «Տեղեկատվություն և կապ»,
• F (ԷՖ) «Շինարարություն»,
• G45.2(ՋԻ) «Ավտոմեքենաների տեխնիկական սպասարկում և նորոգում»,
• H (ԷՅՋ) «Փոխադրում և պահեստային տնտեսություն»,
• I 55 (ԱՅ) «Կացության կազմակերպում» (բացառությամբ Երևան քաղաքի վարչական սահմաններում կացության կազմակերպման գործունեություն իրականացնող տնտեսավարողների,
• M (ԷՄ) «Մասնագիտական, գիտական և տեխնիկական գործունեություն»,
• N77 (ԷՆ) «Վարձույթ և լիզինգ»,
• P (ՓԻ) «Կրթություն»,
• Q (ՔՅՈՒ) «Առողջապահություն և բնակչության սոցիալական սպասարկում»,
• R (ԱՌ) 90 «Ստեղծագործական, արվեստի և հանդիսադիր ներկայացումների կազմակերպման բնագավառում գործունեություն։

Դիմելու կարգ

• Ծրագրի շահառու դառնալու համար անհրաժեշտ է դիմել գործընկեր ֆինանսական կառույց.
• Ֆինանսական կառույցը՝ իր ընթացակարգին համապատասխան ձևակերպում է Միջոցառման պայմանները բավարարող մեքենասարքավորում ձեռքբերելու վարկ/լիզինգ։
• Էկոնոմիկայի նախարարության կողմից բանկի ներկայացման հայտի ստուգումից հետո իրականացվում է տոկոսադրույքի սուբսիդավորում։

Անհրաժեշտ փաստաթղթեր

Անհրաժեշտ փաստաթղթերի ցանկը տրամադրում է ֆինանսական կառույցը։

Ծրագրի մանրամասներին կարող եք ծանոթանալ  այս հղմամբ։

Լրացուցիչ տեղեկատվության համար կարող եք դիմել՝ 

Էլ․ հասցե՝ modernization@mineconomy.am, (հեռ. (+37411) 597-118)։