ՀԱՅՏԱՐԱՐՈՒԹՅՈՒՆ ԹԱՓՈՒՐ ՀԱՍՏԻՔԻ ՎԵՐԱԲԵՐՅԱԼ

(ԽՈՐՀՐԴԱՏՎԱԿԱՆ ԾԱՌԱՅՈՒԹՅՈՒՆՆԵՐ)

Ծրագրի իրականացման թիմի տնօրեն

Հայաստանի Հանրապետություն

Հայաստան: «Կլիմայական պայմաններին հարմարվողական պարենային անվտանգության բարձրացման ծրագրի» (CAFSEP)

Դրամաշնորհ No. 9241

Ծրագիր No. 57088-001

Տեղեկանք No. (գնումների պլանին համապատասխան): CAFSEP-S-24-1 

Հայաստանի Հանրապետության կառավարությունը՝ ի դեմս ՀՀ էկոնոմիկայի նախարարության ( ՀՀ ԷՆ) «Կլիմայական պայմաններին հարմարեցվող պարենային անվտանգության բարձրացման ծրագրի» (այսուհետ՝ CAFSEP կամ Ծրագիր) իրականացման նպատակով Ասիական զարգացման բանկի (ԱԶԲ) աջակցությամբ ֆինանսավորում է ստացել Բարգավաճ և դիմակայուն Ասիայի և Խաղաղօվկիանոսյան տարածաշրջանի ճապոնական հիմնադրամից (JFPR) և մտադիր է ստացված գումարի մի մասը ուղղել խորհրդատվական ծառայություններին:

JFPR-ի կողմից առաջարկվող $3 մլն․ դրամաշնորհը կաջակցի Հայաստանին բարձրացնելու գյուղատնտեսական կենսամիջոցների ճկունությունը և բարելավելու պարենային անվտանգությունը գյուղական վայրերում, որոնք խիստ խոցելի են կլիմայի փոփոխության ազդեցության նկատմամբ: Կլիմայական պայմաններին հարմարեցվող պարենային անվտանգության բարձրացման ծրագիրը (CAFSEP) կենտրոնանալու է ՀՀ երկու՝ Շիրակի և Տավուշի մարզերի վրա, որտեղ փոքր ֆերմերները բախվում են բարձր աղքատության, պարենային անապահովության և կլիմայական ռիսկերի: Դրամաշնորհը կտրամադրի հետևյալը.

• աջակցություն կայուն գյուղատնտեսությանը համայնքում վերաներդրումներ իրականացնելու միջոցով ՝ 10 գյուղերի կլիմայի նկատմամբ կայուն էներգետիկ լուծումներ տրամադրելով՝ նվազեցնել էներգիայի ծախսերը և նպաստել խնայողությունների ստեղծմանը,
• կենսապահովման աջակցություն 230 գյուղական տնային տնտեսություններին՝ կլիմայի նկատմամբ կայուն գյուղատնտեսության և տեղական համայնքների եկամուտներ ստեղծող ծրագրերի միջոցով, և
• ՀՀ ԷՆ ինստիտուցիոնալ կարողությունների հզորացում՝ աջակցելու կլիմայի հարմարվողականության պլանավորմանը և մշակելու կլիմայական պայմաններին համապատասխան ներդրումային ծրագրեր գյուղատնտեսության ոլորտում:

Ծրագրի ազդեցությունը. կայուն գյուղատնտեսության արտադրողականության բարելավում և գյուղական աղքատության կրճատում:

Ծրագրի արդյունք․ ընտրված համայնքների և տնային տնտեսությունների կլիմայական հարմարվողականության կարողությունների բարձրացում:

Ծրագիրն ունի երեք բաղադրիչ

• Կլիմայի նկատմամբ կայուն էներգետիկ լուծումների ներդնում, և հետագա կիրարկում
• Սննդի անվտանգության բարձրացման նպատակով կլիմայական խելացի տեխնոլոգիաների կիրարկում 
• ՀՀ ԷՆ կարողությունների ընդլայնում կլիմայական խելացի գյուղատնտեսության պլանավորման համար։

ՀՀ էՆ-ին կից Ծրագրի իրականացման թիմը (The Project Implementation Team (PIT)) հանդիսանում է ծրագրի իրականացնող մարմինը (Execuitng Agency (EA)), ներառյալ Ծրագրի նախագծով նախատեսված հիմնական գործողությունների հետ դրա համապատասխանության ապահովումը երաշխավորող մարմինը: Ծրագրի իրականացման թիմի տնօրենը (այսուհետ՝ PIT-ի տնօրեն) աշխատելու է որպես խորհրդատու ՀՀ ԷՆ Գյուղատնտեսական ծրագրերի իրականացման վարչությունում (Agriculture Programms Implementation Department of MOE (APID)) և պետք է հիմնականում զեկուցի APID-ի ղեկավարին և/կամ միջազգային ծրագրերի համակարգման բաժնի պետին:

Առաջադրանքի նպատակն է կառավարել ամբողջ Ծրագրի իրականացումը` համաձայն դրա կառավարման փաստաթղթերի և համապատասխան մարմինների հետ համաձայնեցված: PIT-ի տնօրենն իր աշխատանքում առաջնորդվելու է CAFSEP-ի JFPR Դրամաշնորհային համաձայնագրով (GA), Դրամաշնորհին աջակցության զեկույցով (GAR) և Ծրագրի կառավարման ձեռնարկով (PAM):

PIT-ի տնօրենը պատասխանատու է հետևյալ խնդիրների համար

1. Մշակել տարեկան աշխատանքային ծրագրեր յուրաքանչյուր արդյունքի համար՝ հիմնվելով նախագծման և մոնիտորինգի շրջանակի, գենդերային գործողությունների պլանի և PAM-ին կցված համաձայնեցված իրականացման պլանների և տեխնիկական առաջադրանքների վրա, և ներկայացնել Ծրագրի կոնտակտ անձերին՝ ձեռք բերելով նրանց համաձայնությունները.
2. խորհրդակցել ֆինանսական մենեջերի հետ, վերանայել մասհանման հարցումները, պատրաստել տարեկան բյուջեն և դրանք ներկայացնել Ծրագրի կոնտակտային անձին՝ համաձայնեցման նպատակով.
3. Բոլոր արդյունքներն իրականացնելու նպատակով ապահովել համապատասխան որակավորում ունեցող անձնակազմի հավաքագրում՝ ԱԶԲ-ի պահանջներին համապատասխան.
4. Ղեկավարում և համագործակցում է համապատասխան անձնակազմի հետ՝ վերահսկելու արդյունքների համապատասխանությունը Ծրագրի կառավարման ձեռնարկում (PAM) և հավելվածներում ներկայացված աշխատանքային ծրագրին.
5. Ծրագիրը ներկայացնելու համար անցկացնել կամ մասնակցել սեմինարների, աշխատաժողովների, մեդիա միջոցառումների և այլն.
6. Ծրագրի իրականացումը վերահսկելու և շտկելու համար պահանջներին համապատասխան կատարել այցելություններ.
7. Մշակել և առաջարկություններ ներկայացնել Ծրագրի կոնտակտային անձին` լուծելու այն խնդիրները, որոնք ծագում են Ծրագրի իրականացման ընթացքում.
8. Աջակցել Ծրագրի կոնտակտ անձին ծրագրի ընդհանուր կառավարման և  ՀՀ Կառավարության և նրա համապատասխան գործակալությունների համար հաշվետվությունների պատրաստման գործում.
9. Կառավարել Ծրագրի ողջ անձնակազմը, ներառյալ անձնակազմի բողոքարկման ընթացակարգերը և առաջարկություններ ներկայացնել Ծրագրի կոնտակտային անձին՝ աշխատանքի ընդունելու որոշումների վերաբերյալ.
10. Համապատասխան հիմնական անձնակազմի հետ համակարգել՝ Ծրագրի ամենօրյա գործողությունների պլանի ապահովման գործընթացը.
11. Տրամադրել գործառնական աջակցություն անձնակազմի հիմնական անդամներին իրենց պարտականությունների իրականացման գործում.
12. Նախագծել Ծրագրի հաշվետվողականության համապարփակ համակարգ, ներկայացնել այն Ծրագրի կոնտակտային անձին՝ համաձայնեցման և իրականացման համար.
13. Հանակարգել Ծրագրի արդյունքների իրականացումը ծրագրին առնչվող համապատասխան գործակալությունների հետ.
14. Աջակցել Ծրագրի կոնտակտային անձին՝ համաձայնեցնելու փոխգործակցությունը համապատասխան նախարարությունների և գերատեսչությունների հետ ըստ անհրաժեշտության,
15. Կապ հաստատել Ծրագրին մասնակցող տեղական ինքնակառավարման մարմինների հետ՝ ապահովելու ծրագրի գործողությունների հաջող իրականացումը.
16. Նախագծել Ծրագրի իրականացման հաշվետվությունները և ներկայացնել Ծրագրի կոնտակտային անձին համաձայնեցման և բաշխման համար.
17. Ապահովել Ծրագրի կայքէջի ստեղծումը.
18. Կապ հաստատել ԱԶԲ անձնակազմի և վերահսկիչ առաքելությունների հետ՝ ապահովելու առաքելությունների հաջող ավարտը և Ծրագրի շարունակական մոնիտորինգը.
19. Իրականացնել ԱԶԲ-ի վերահսկողական առաքելությունների և օժանդակ հուշագրերի վերաբերյալ առաջարկությունները՝ Ծրագրի կոնտակտային անձի համաձայնեցման հիմքով:

ՀՀ ԷՆ-ն այսուհետ հրավիրում է անհատ խորհրդատուների («Խորհրդատուներ»)՝ ցուցաբերելու Ծառայությունների մատուցման իրենց հետաքրքրությունը։ Հետաքրքրված խորհրդատուները պետք է տրամադրեն տեղեկատվություն, որը ցույց կտա, որ նրանք ունեն պահանջվող որակավորում և համապատասխան փորձ Ծառայությունների կատարումն ապահովելու համար:

Որակավորումներ և պահանջներ

• Ագրոնոմի կամ գյուղատնտեսի, կամ տնտեսագետի կամ հարակից բնագավառի համալսարանական կրթություն;
• Բարձր մակարդակի աշխատանքային կարողությունների դրսևորում գործընկերների լայն շրջանակի, ներառյալ պետական ​​գործակալությունների և դոնորների միջև.
• Առնվազն 5 տարվա կառավարման փորձ, ներառյալ բյուջեի կառավարման և հաշվետվությունների մշակման փորձառությունը։ Կարողությունների զարգացման ծրագրերի իրականացման կամ ապացույցների վրա հիմնված քաղաքականության մշակման ոլորտում վերապատրաստման փորձը կդիտվի որպես առավելություն։
• Հայաստանի պետական ​​կառույցների և ընթացակարգերի լավ իմացություն, որն ապացուցված է կառավարությունում կամ կառավարության հետ աշխատելու առնվազն 3 տարվա փորձով.
• Պետական ​​կառավարման համակարգում կամ համակարգի հետ աշխատելու փորձ.
• Զեկույց գրելու, վերլուծական և ներկայացուցչական գերազանց հմտություններ;
• Լավ առաջնորդության, հաղորդակցման և մեկնաբանման հմտություններ;
• Հայերենի վարժ իմացություն և անգլերենի գերազանց բանավոր, կարդալու և գրելու հմտություններ;
• Ընդհանուր գրասենյակային ծրագրային ապահովման տիրապետում:

Պաշտոնավարումը տևելու է Ծրագրի ողջ ընթացքում՝ 2024-ից մինչև 2026 թվականը ներառյալ:

Խորհրդատուն կընտրվի Անհատ խորհրդատուի ընտրության մեթոդով (IC) ԱԶԲ-ի Գնումների քաղաքականությանը (2017թ., որը ժամանակ առ ժամանակ փոփոխվում է ԱԶԲ գնումների քաղաքականությանը համապատասխան) և ԱԶԲ Վարկառուների համար Գնումների կանոնակարգին (2017թ., որը ժամանակ առ ժամանակ փոփոխվում է ԱԶԲ Վարկառուների համար գնումների կանոնակարգերին համապատասխան) համաձայն:

Լրացուցիչ տեղեկություններ կարող եք ստանալ ստորև նշված հասցեով աշխատանքային ժամերին 10:00-17:00:

Հետաքրքրության հայտերը պետք է գրավոր առաքվեն ստորև նշված հասցեով (էլեկտրոնային փոստով, փոստով կամ անձամբ հետաքրքրության արտահայտման թվային պատճեններով) մինչև 2024 թվականի հուլիսի 19-ը, տեղական ժամանակով ժամը 17:00-ն:

Հայաստանի Հանրապետության էկոնոմիկայի նախարարություն

Ենթակա է ներկայացման՝

Տիկին Լուսինե Անանյանին, ՀՀ ԷՆ գյուղատնտեսական ծրագրերի իրականացման վարչության միջազգային ծրագրերի համակարգման բաժնի պետ

5, Mher Mkrtchyan Str., Yerevan 0010, Armenia

Հայաստանի Հանրապետություն, ք․ Երևան, Մհեր Մկրտչյան 5

Հեռ․՝  +(374)-11-54-25-03

E-mail: luananyan@mineconomy.am