Պաշտոն՝ 

Կաթիլային և անձրևային ոռոգման նորմերի գնահատման և զարգացման խորհրդատվական ծառայություններ
 

Նկարագրություն

Խորհրդատվական ծառայությունների նպատակն է գնահատել ջրման ու ոռոգման նորմերի, ջրասպառման, ջրումների հաճախականության և միջջրումային տևողությունների դինամիկան, ինչպես նաև ուսումնասիրել  և մշակել նորմեր կաթիլային և անձրևային ոռոգման համար։ 

Պարտականություններ

Ուսումնասիրությունն ու գնահատումը պետք է իրականացվի Արարատյան գոգահովտում (ոռոգման 4 գոտի), Շիրակում (ոռոգման 2 գոտի), Սևանի ավազանում (ոռոգման 2 գոտի), Հյուսիս արևելքում (ոռոգման 2 գոտի), Լոռի Փամբակում (ոռոգման 2 գոտի), Վայքում (ոռոգման 4 գոտի)։ Այս նպատակով Խորհրդատվական կազմակերպությունը պետք է համապատասխան գյուղատնտեսական գոտում անցկացնի հետևյալ պայմանների ուսումնասիրություն՝ հողային, կլիմայական, ագրոտեխնիկական, հիդրոերկրաբանական, տեղագրական, ապա հավաքած տեղեկության հիման վրա մշակի նորմեր՝ վերոնշյալ յուրաքանչյուր ոռոգման գոտու համար:

• Ուսումնասիրել և գնահատել գյուղատնտեսական գոտիների հողային, կլիմայական, ագրոտեխնիկական, հիդրոերկրաբանական, տեղագրական պայմանները,
• Կատարել հիդրոլոգիական հաշվարկներ 50%, 75% և 95% տեղումների ապահովվածությունների համար,
• Տվյալների հավաքում, հատակագծաքարտեզագրական նյութերի ճշգրտում,
• Ագրոկլիմայական ցուցանիշների վերլուծություն,
• Կաթիլային և անձրևային ոռոգմամբ գյուղատնտեսական մշակաբույսերի ագրոտեխնիկական պայմանների ուսումնասիրում՝ ըստ գյուղատնտեսական գոտիների,
• Առավելագույն էվապոտրանսպիրացիաների հաշվարկ,
• Հողերի ջրաֆիզիկական հատկությունների ուսումնասիրում,
• Հողերի տեղագրական պայմանների բնութագրում,
• Յուրաքանչյուր մշակաբույսերի համար ջրի պահանջի որոշում,
• Կաթիլային ոռոգման ռեժիմների սահմանում,
• Անրձևային ոռոգման ռեժիմների սահմանում։

Պահանջներ

Շահագրգիռ խորհրդատվական կազմակերպությունը պետք է ունենա իրավաբանական անձի կարգավիճակ, նմանատիպ աշխատանքների իրականացման առնվազն 5 տարվա փորձ: Ինչպես նաև պետք է ունենա (կամ ներգրավի) անհրաժեշտ մասնագետներ և տեխնիկական միջոցներ նշված աշխատանքներն իրականացնելու համար:

Անձնակազմը (աշխատանքային խումբը) պետք է կազմված լինի՝ Ծրագրի ղեկավարից, աշխատանքների համակարգողից, հողերի և ջրի գլխավոր փորձագետից, կաթիլային ոռոգման փորձագետից, անձրևային ոռոգման փորձագետից, ԱՏՀ փորձագետից, կլիմայի ուսումնասիրության գծով փորձագետից, գյուղատնտես-ագրոնոմներից, հարցումների անցկացման և տվյալների վերլուծության փորձագետներից:

Հավելյալ նշումներ

Նախատեսվում է աշխատանքներն իրականացնել 2022թ. հունվար-մայիս ամիսներին:

Ոլորտ
Գյուղատնտեսություն

Դիմումներն ուղարկել
Հետաքրքրվածության հայտերը պետք ներկայացվեն էլեկտրոնային ձևով մինչև 2022թ. հունվարի 17-ը:
 Էլ-փոստ. atovmasyan@agridf.am