ՀՀ էկոնոմիկայի նախարարի տեղակալ Լիլյա Սիրականյանը հունիսի 20-ին մասնակցել է«ՓՄՁ մրցունակության ռազմավարական ծրագիր 2025-2030» թեմայով հանդիպում-քննարկամանը։

Բացման խոսքում նախարարի տեղակալը նշել է ՓՄՁ ոլորտի մրցունակության ամրապնդման և ներառական աճի խթանման կարևորությունը՝ որպես տնտեսության կայուն զարգացման առանցքային գործոն։ Նա ընդգծել է, որ ՓՄՁ ոլորտը զգալի ներդրում ունի ինչպես տնտեսության ընդհանուր աճի, այնպես էլ դրա առանձին բաղադրիչների զարգացման գործում:

Քննարկման ընթացքում ներկայացվել են ռազմավարական փաստաթղթի հիմնական ուղղությունները՝ նորարարություն, թվային փոխակերպում, տարածքային զարգացում, ներառական ձեռներեցություն։

Ազդարարվել է նաև ծրագրի հանրային շրջանառության մեկնարկը, որի արդյունքում շահագրգիռ կողմերը հնարավորություն կունենան ներկայացնելու իրենց առաջարկներն ու դիտարկումները։

Ռազմավարության մշակման աշխատանքները շարունակվում են ԵՄ կողմից ֆինանսավորվող՝ Միջազգային առևտրի կենտրոնի (ITC) աջակցությամբ։

Միջոցառմանը ներկա են եղել ԵՄ ներկայացուցիչներ, ինչպես նաև ֆինանսական կազմակերպությունների և մասնավոր հատվածը ներկայացնող բիզնես ասոցիացիաների ներկայացուցիչներ։