Վահան Քերոբյանն Արմավիրի մարզում քննարկել է խաղողի մթերումներին առնչվող հարցեր

12 Սեպտեմբերի, 2022

ՀՀ Էկոնոմիկայի նախարար Վահան Քերոբյանն ու նախարարի տեղակալ Արման Խոջոյանը սեպտեմբերի 10-ին այցելել են Արմավիրի մարզ՝ խաղողի մթերումներին ընդառաջ ոլորտում առկա խնդիրները քննարկելու նպատակով:

Այցի շրջանակում նախարարության պաշտոնյաները Արմավիրի մարզպետ Էդվարդ Հովհաննիսյանի հետ հանդիպել են Ամասիա, Սարդարապատ, Ակնալիճ և այլ հարակից համայնքների խաղողագործների հետ։ Հանդիպումների ընթացքում խաղողագործների հետ քննարկվել են մթերումների գործընթացին առնչվող մի շարք խնդիրներ, տրվել են պարզաբանումներ նրանց հուզող հարցերի վերաբերյալ։

Խաղողագործներին մտահոգող հիմնական խնդիրներն էին խաղողի բարձր ինքնարժեքը, խաղողի մթերման գինը, մթերման ծավալները և վճարման ժամկետները։ Խաղողի ինքնարժեքը նվազեցնելու նպատակով խաղողագործներին առաջարկվել է դիտարկել հողերի խոշորացման տարբերակը, իսկ ոռոգման ջուրն առավել արդյունավետ օգտագործելու նպատակով՝ այգիներում ներդնել ոռոգման կաթիլային համակարգեր։

Նույն օրը պաշտոնյաներն այցելել են նաև «Պռոշյանի կոնյակի գործարան» ՍՊԸ, «Երևանի «Արարատ» կոնյակի, գինու, օղու կոմբինատ» ԲԲԸ և «ՄԱՊ» ՓԲԸ։ Ընկերությունների ղեկավարների հետ նրւանք շրջել են գործարաններում, ծանոթացել արտադրական հզորություններին, ընթացիկ աշխատանքներին ու նախատեսվող ծրագրերին։

Խաղողագործների և մթերող ընկերությունների ներկայացուցիչների հետ զրույցների ընթացքում քննարկվել են մթերումներն առավել սահուն ու արդյունավետ կազմակերպելու հնարավորությունները։ Մթերող կազմակերպությունները բարձրաձայնել են հարցեր, որոնց պարագայում հնարավոր է ավելի շատ ծավալով մթերումներ իրականացնել։ Նախարարը հիշեցրել է ոլորտում գործող պետական աջակցության ծրագրերի վերաբերյալ։

Հանդիպումների ընթացքում նաև պարզվել է, որ կան ֆերմերներ, որոնք դեռ չունեն պայմանագրեր մթերողների հետ, իսկ այցելած գործարաններից մեկում մթերման համար ցուցակագրումը դեռ նոր է սկսվում։

Ընկերություններում ի թիվս այլ խնդիրների ղեկավարները մատնանշել են նաև ոլորտում բարձրորակ մասնագետների պակասը։ Ի պատասխան նախարար Վահան Քերոբյանն անդրադարձել է տնտեսության արդիականացման միջոցառմանը, որի շրջանակում տնտեսավարողները իրենց ընկերությունների արտադրողականության բարձրացման նպատակով լիզինգով կարող են ձեռք բերել արտադրական սարքավորումներ, իսկ բարձրակարգ մասնագետների ներգրավող հայկական ընկերություններին կարող է փոխհատուցվել վճարված աշխատավարձի և դրան հավասարեցված այլ վճարումների մի մասը։

Ընդհանուր առմամբ, Արմավիրի մարզում առկա է տեխնիկական խաղողի մոտ 4700 հա բերքատու այգի։ Կանխատեսվում է, որ այս տարի մարզում կարտադրվի մոտ 90-92 հազար տոննա խաղող։

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Հայաստանի հողերի տեղեկատվական համակարգ

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00