Հանրային ներդրումների կառավարումը հանրային ֆինանսների կառավարման շրջանակներում հանրային ներդրումային ծրագրերի վերհանման, մշակման, ընտրության և դրանց իրականացման նկատմամբ կիրառելի կարգավորումներ և վերահսկողական մեխանիզմներ նախատեսող համակարգ է: Վերջինիս նպատակն է hանրային ներդրումային միջոցներն արդյունավետ բաշխելու և վերաբաշխելու միջոցով ապահովել ենթակառուցվածքների ստեղծմանն ու զարգացմանն ուղղված հանրային ներդրումային միջոցների առավել նպատակային օգտագործումը, ինչպես նաև նպաստել հանրային ներդրումների արդյունավետության բարձրացմանը։

2023 թվականի փետրվարի 9-ին ընդունվել է ՀՀ կառավարության «Հանրային ներդրումային ծրագրերի վերհանման, մշակման, գնահատման և առաջնահերթությունների որոշման կարգը հաստատելու մասին» N 175-Ն որոշումը: 

ՀՀ կառավարության 2023 թվականի փետրվարի 9-ի N 175-Ն որոշմամբ հաստատված Հանրային ներդրումային ծրագրի նախագծի օրինակելի ձև։

ՀՀ կառավարության 2023 թվականի փետրվարի 9-ի թիվ 175-Ն որոշման Հավելված 1-ի 3-րդ կետի 9-րդ և 10-րդ ենթակետերի ապահովման և Հանրային ներդրումների կառավարման օրենսդրական դաշտի ամբողջականացման  նպատակով՝ ՀՀ էկոնոմիկայի նախարարության կողմից մշակվել և ՀՀ էկոնոմիկայի նախարարի 2024 թվականի սեպտեմբերի 11-ի թիվ 2284-Լ հրամանով հաստատվել է տեխնիկատնտեսական ուսումնասիրության իրականացման ուղեցույցը (Հավելված 1), տեխնիկատնտեսական ուսումնասիրության իրականացման ուղեցույց. մեթոդաբանական հավելվածը (Հավելված 2) և տեխնիկատնտեսական ուսումնասիրության որակի ստուգաթերթը (Հավելված 3)։

ՀԱՆՐԱՅԻՆ ՆԵՐԴՐՈՒՄԱՅԻՆ ԿՈՄԻՏԵ

Հանրային ներդրումային կոմիտեն ղեկավարում է ՀՀ վարչապետը։

Հանրային ներդրումային կոմիտեի կայացած նիստերի վերաբերյալ տեղեկատվություն․

• Ներդրումային կոմիտեի 1-ին նիստ
• Ներդրումային կոմիտեի 2-րդ նիստ  
• Ներդրումային կոմիտեի 3-րդ նիստ 
• Ներդրումային կոմիտեի 4-րդ նիստ 
• Ներդրումային կոմիտեի 5-րդ նիստ 
• Ներդրումային կոմիտեի 6-րդ նիստ