ՀՀ կառավարության 2023 թվականի նոյեմբերի 30-ի 2070-Լ որոշմամբ հաստատվել է  «Մշակող արդյունաբերության ոլորտում աշխատողների ներգրավման միջոցառումը», որի նպատակն է նպաստել ՀՀ տարածքում գործող մշակող արդյունաբերությամբ զբաղվող տնտեսավարողների կողմից նոր աշխատող­ների, աշխատանքային փորձ չունեցող կամ վերաորակավորման կարիք ունեցող անձանց ներգրավմանը, աշխատանքային պայմաններում արդյունա­վետ ուսուցմանը և գործատուի համար կայուն աշխատուժի ներգրավմանը:

Փոխհատուցում տրամադրվում է մշակող արդյունաբերության ոլորտի տնտեսավարողներին՝ այն ՀՀ քաղաքացիների համար, որոնք․

• 12 ամիս անընդմեջ տնտեսավարողի հետ գտնվել են աշխատանքային հարաբերությունների մեջ,
• աշխատանքային հարաբերությունների մեջ մտնելուն նախորդող 3 տարվա ընթացքում չեն աշխատել մշակող արդյունաբերության ոլորտում
• Լեռնային Ղարաբաղից բռնի տեղահանված անձանց դեպքում չափորոշիչներ չեն սահմանվում

Միջոցառմամբ նախատեսվում է գործատուին փոխհատուցել յուրաքանչյուր աշխատողի համար 12 ամսվա եկամտային հարկի գումար, բայց ոչ ավելի, քան 500.000 դրամ։

Միջոցառումից օգտվելու նպատակով շահառուն պետք է․

1. Մուտք գործի ՀՀ ՊԵԿ հաշվետվությունների ներկայացման էլեկտրոնային համակարգ (https://file-online.taxservice.am/pages/loginPage.jsf)
2. Հաշվետվություններ բաժնում լրացնի 282-րդ Հայտը (անվանում՝ «Մշակող արդյունաբերության ոլորտում աշխատողների ներգրավման վերաբերյալ»)՝  ծրագրին համապատասխանելիությունը ստուգելու համար։
3. ՊԵԿ-ի կողմից ծրագրին համապատասխանելիությունը ստուգելուց հետո լրացնի 288-րդ դիմումը։

Ծրագրի մանրամասներին կարող եք ծանոթանալ այս հղմամբ։  

Լրացուցիչ տեղեկատվության համար կարող եք զանգահարել՝ +374 11 597 182 հեռախոսահամարով։

Մշակող արդյունաբերության ոլորտում աշխատողների ներգրավման միջոցառման կատարման վերաբերյալ, տեղեկատվություն 2025

Մշակող արդյունաբերության ոլորտում աշխատողների ներգրավման միջոցառման կատարման վերաբերյալ տեղեկատվություն 2026 1-ին կիսամյակ