Հայաստանում մարտի 12-ից մեկնարկել է Լաբորատորիաների ղեկավարների և առաջնորդների համար նախատեսված գլոբալ ծրագիր (GLLP), որն իրականացվում է ԱՄՆ Հիվանդությունների վերահսկման և կանխարգելման կենտրոնների  (US-CDC) աջակցությամբ։ Հայաստանում ծրագրի տեխնիկական ներդրման համար պատասխանատու գործընկերը ֆրանսիական «Լաբորատոր որակյալ ինտեգրացված ծառայություններ» (IQLS) կազմակերպությունն է։

Ծրագիրն առաջարկում է համապարփակ, ունակությունների վրա հիմնված, «Մեկ առողջապահության» մոտեցմամբ ուղղորդվող, ուսումնական ծրագիր, որը նախատեսված է բժշկական և անասնաբուժական լաբորատորիաների ղեկավարների և առաջնորդների համար։ Ծրագրի նպատակն է դասընթացների միջոցով ազգային լաբորատոր համակարգերում ստեղծել, խթանել, ուժեղացնել և ապահովել կայուն զարգացման հնարավորություններ ոլորտում գործող առաջնորդների համար։

Մրցույթի տեսակը` Ծրագրի մենթորների և մասնակիցների ընտրութուն

Ընտրության չափորոշիչները և գործընթացը` Ներկայացված են հավելված 1-ում՝  Ծրագրի մենթորների ընտրության չափորոշիչներ և 2-ում՝ Ծրագրի մասնակիցների ընտրության չափորոշիչներ

Մրցույթի անցկացման ամսաթվերը՝  2020 թվականի ապրիլի 8-ից - ապրիլի 22 ժ. 17:00

Մրցույթի անցկացման վայրը` Երևան

Ուսուցման ծրագրի տևողությունը՝

• Մենտորների համար` 6 ամիս
• Մասնակիցների համար` 2 տարի

Մրցույթին մասնակցության համար հայտերի ներկայացման գործընթացը` հայտերն անհրաժեշտ է ուղարկել հետևյալ էլ-փոստի հասցեին՝ gllp@ncdc.am 

Հայտերը պետք է ներկայացվեն հայերեն լեզվով՝ ոչ ուշ քան նշված վերջնաժամկետը։

Հայտը ներառում է․

1. մանրամասն ինքնակենսագրականը  (CV)
2. նպատակի մասին հայտարարությունը (ուղեկցող նամակ, որտեղ ներկայացված են տեղեկություններ իրենց ընթացիկ պաշտոնի և առաջնորդության նկատմամբ իրենց հանձնառության վերաբերյալ)։

Հայտում անհրաժեշտ է հստակ նշել մենթորների, թե մասնակիցների մրցույթի համար է այն ներկայացվում։

Մասնակցության ծանուցում`
Ծանուցում կստանան միայն ընտրված մենթորները և մասնակիցները՝ հայտն ուղարկելուց հետո մեկ շաբաթվա ընթացքում: