Սեպտեմբերի 7-ին նախարար Վահան Քերոբյանն ընդունել է Վերակառուցման և զարգացման եվրոպական բանկի (ՎԶԵԲ) Կովկասի, Մոլդովայի և Բելառուսի տարածաշրջանային տնօրեն Կատարինա Բյորլին Հանսենին և ՎԶԵԲ Հայաստանյան գրասենյակի ղեկավար Դմիտրի Գվինդաձեին:

Հանդիպմանը մասնակցել է նաև նախարարի տեղակալ Ռաֆայել Գևորգյանը։

Ողջունելով հյուրերին՝ նախարարը կարևորել է ՎԶԵԲ-ի հետ համագործակցությունը և ընդգծել ՎԶԵԲ-ի աջակցությամբ համատեղ իրականացվող ծրագրերի արդյունավետությունը։

Նախարարը ներկայացրել է կառավարության ծրագրի տնտեսական հատվածը՝ նշելով ծրագրի առաջնահերթություններն ու այն ոլորտները, որտեղ հնարավոր է համագործակցել։ Վահան Քերոբյանը կարևորել է նոր ծրագրով նախատեսվող բարեփոխումները և դրանց իրականացման գործընթացում ՎԶԵԲ-ի աջակցությունը։

ՎԶԵԲ ներկայացուցիչները շնորհակալություն են հայտնել նախարարին ընդունելության համար և նշել, որ ՎԶԵԲ-ը կարևորում է Հայաստանի հետ համագործակցության ընդլայնումը, ինչպես նա պատրաստակամություն հայտնել շարունակելու աջակցել Հայաստանի տնտեսության զարգացմանը:

Հանդիպման ընթացքում քննարկվել են համագործակցության առանցքային ուղղությունները։ Անդրադարձ է կատարվել համատեղ իրականացվող ծրագրերին, մտքեր են փոխանակվել պետություն-մասնավոր հատված համագործակցության, փոքր և միջին ձեռնարկատիրության  զարգացման,  զբոսաշրջության, գյուղատնտեսության, մետաղագործության և այլ բնագավառներում համատեղ ծրագրերի իրականացման վերաբերյալ։ Անդրադարձ է կատարվել նաև ենթակառուցվածքների զարգացման, այդ թվում՝ էներգետիկայի, ջրամբարաշինության, ճանապարհաշինության և այլ ոլորտներում համագործակցության հեռանկարներին։

Երկուստեք կարևորվել է նաև տարածաշրջանային ենթակառուցվածքային ծրագրերի իրականացումը։