Վահան Քերոբյանն ընդունել է ՀԲ-ի ներկայացուցիչներին

07 Սեպտեմբերի, 2021

Սեպտեմբերի 6-ին նախարար Վահան Քերոբյանն ընդունել է Հարավային Կովկասում ՀԲ տարածաշրջանային տնօրեն Սեբաստիան Մոլինեուսին և ՀԲ հայաստանյան գրասենյակի նորանշանակ ղեկավար Կարոլին Գեգինատին։

Հանդիպմանը մասնակցել են նաև նախարարի տեղակալներ Արման Խոջոյանը և Ռաֆայել Գևորգյանը։

Նախարար Վահան Քերոբյանը բարձր է գնահատել Նախարարության՝ ՀԲ-ի հետ համագործակցությունը և ՀԲ-ի աջակցությունը Հայաստանում իրականացված բարեփոխումների իրականացմանը։ Նա ներկայացրել է կառավարության նոր ծրագրի տնտեսական հատվածում ներառված ծրագրերը և բարեփոխումները, որոնց իրականացման գործընթացում ՀԲ-ը կարող է մասնակցություն ունենալ։

Վահան Քերոբյանն ընդգծել է, որ կառավարության ծրագրի հենասյունային կետը արդյունավետության բարձրացումն է տնտեսության բոլոր ճյուղերում, հետևաբար՝ յուրաքանչյուր նոր նախագիծ և նախաձեռնություն պետք է ուղղված լինի տնտեսության տարբեր ճյուղերում արտադրողականության բարձրացմանը։

Կառավարության նոր ծրագրում նախարարն առանձնացրել է նախատեսվող ջրային և հողային բարեփոխումները՝ նշելով, որ ՀԲ-ը մեծ փորձառություն ունի այս երկու ոլորտներում ռեֆորմների իրականացման մեջ և կարող է մեծ ներդրում ունենալ՝ տրամադրելով խորհրդատվական ծառայություններ հնարավորինս սահուն այդ գործընթացները կազմակերպելու համար։    

Որպես համագործակցության հեռանկարային ուղղություններ առանձնացվել են նաև ՓՄՁ ոլորտի և աշխատանքային հմտությունների զարգացումը, ինչպես նաև տնտեսության թվայնացումը։

ՀԲ Հայաստանի գրասենյակի նորանշանակ ղեկավար Կարոլին Գեգինատը շնորհակալություն է հայտնել նախարարին ընդունելության համար։ Նշելով, որ ՀԲ-ն պատրաստակամ է աջակցել ՀՀ կառավարությանը բարեփոխումների իրականացման գործում՝ նա առանձնացրել է աշխատանքային հմտությունների զարգացման և ՓՄՁ ոլորտում աջակցության հարցը և ավելացրել, որ աջակցությունը կարող է լինել ոչ միայն ֆինասական, այլև խորհրդատվական և միջազգային լավագույն փորձի փոխանակման միջոցով։

Կարոլին Գեգինատը նաև տեղեկացրել է, որ աշխատանքային հմտությունների զարգացման նպատակով ՀԲ-ի կողմից իրականացվել է Հայաստանի աշխատանքի շուկայի լայնամասշտաբ ուսումնասիրություն և վերլուծություն, որի արդյունքում վեր են հանվելու առկա բոլոր խնդիրները, անհրաժեշտ հմտությունների պակասը։ Նա առաջարկել է առանձին հանդիպում կազմակերպել իրենց կողմից իրականացված վերլուծության արդյունքները քննարկելու և այս ոլորտում արդյունավետ համագործակցության ուղիներ գտնելու համար։

Հարավային Կովկասում ՀԲ տարածաշրջանային տնօրեն Սեբաստիան Մոլինեուսն առանձնացրել է այն ուղղությունները, որտեղ տեսնում է համագործակցության հեռանկարներ․ դրանք են՝ ներդրումային միջավայրի բարելավում, ֆինանսական միջոցների հասանելիություն, աշխատանքային հմտություններ, հարկային համակարգի բարեփոխումներ։ Կառավարության ծրագրի տնտեսական հատվածի իրականացման ճանապարհային քարտեզին համահունչ կհստակեցվեն երկարաժամկետ և կարճաժամկետ համագործակցության ուղղությունները։

ՀԲ-ի ներկայացուցիչները նաև նշել են, որ ուսումնասիրություն է արվում  Հայաստանի ներդրումային գրավչությունները բացահայտելու համար, այդ թվում՝ համայնքներում։ Փաստաթուղթը պատրաստ լինելուն պես կտրամադրվի էկոնոմիկայի նախարարությանը՝ ուսումնասիրության։

Հայաստանում 2021թ․ նախատեսվող ցուցահանդես-տոնավաճառների ցանկ

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

ԵՄ արտահանում ԵՄ «GSP+» REX միջոցով

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Հայաստանի հողերի տեղեկատվական համակարգ

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԹՈՒՐՔԱԿԱՆ ԾԱԳՄԱՆ ԱՊՐԱՆՔՆԵՐԻ ԱՐԳԵԼՔ

(+374 11) 597 150, (+374 11) 597 153

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00