Պետություն-մասնավոր երկխոսություն 

ԿԱՆԱՉ ՏՆՏԵՍՈՒԹՅՈՒՆ

ՓՄՁ Հայաստանի տնտեսության մրցունակության բարձրացման, ներառականության և կայուն զարգացման ապահովման կարևորագույն գործոններից է: ՀՀ Կառավարության 2019 թվականի ծրագրում մեծապես կարևորվում է ՓՄՁ զարգացումը, որը համարվում է ներառական տնտեսական աճի նախադրյալ։

2011 թվականին Հայաստանի Հանրապետությունում ՓՄՁ սահմանումը աշխատողների միջին ցուցակային թվաքանակի մասով համապատասխանեցվել է Եվրամիության անդամ երկրներում գործող ՓՄՁ սահմանման հետ, որի համաձայն, ՓՄՁ սուբյեկտները  վարչական նպատակներով դասակարգվում են ըստ ստորև ներկայացված չափանիշների.

2018 թվականին «Աջակցություն ՓՄՁ Զարգացմանը Հայաստանում»  ծրագրի շրջանակում, առաջին անգամ ԱՐՄՍՏԱՏ-ի կողմից պատրաստվել և  հրապարակվել է «ՓՄՁ Հայաստանի Հանրապետությունում․ 2018» տեղեկագիրը։ Շարունակաբար 2019 թվականին հրապարակվել են 2018 թվականն ամփոփող տեղեկագիրը,  որի հիմնական ցուցանիշները ներկայացված են ստորև: Հրապարակման մեջ օգտագործվել է ՓՄՁ դասակարգումը բացառապես աշխատողների թվաքանակով որոշվող չափերով՝ համաձայն վիճակագրական նպատակներով ՓՄՁ դասակարգման համար կիրառվող միջազգայնորեն ընդունված չափորոշիչների:

2018 թվականին գերփոքր, փոքր և միջին կազմակերպությունների կողմից արտադրված ավելացված արժեքի կշիռը ՀՀ  ընդհանուր տնտեսության ՀՆԱ-ում կազմել է 23.6 տոկոս։

2018 թվականին Հայաստանի Հանրապետությունում գործող ՓՄՁ շրջանակի տնտեսվարողների քանակը կազմել է 68780, որից միայն 126-ն են (շուրջ 0.18 տոկոս) դասվել որպես խոշոր տնտեսվարողներ։ ՓՄՁ-ների 52.1 տոկոսը գործունեություն են ծավալում Երևանում:

ՀՀ  ՓՄՁ ոլորտի տնտեսվարողների մեկ վարձու աշխատողի հաշվով ստեղծված ավելացված արժեքը 2018 թվականին տարեկան կտրվածքով կազմել է շուրջ 6.66  մլն ՀՀ դրամ (շուրջ 13.7 հազ. ԱՄՆ դոլար), խոշոր ընկերություններում այն կազմել է 9.55 մլն ՀՀ դրամ (մոտ 19.7 հազ. ԱՄՆ դոլար): Ստորև աղյուսակում ներկայացված են 2018թ. ՓՄՁ արտադրողականությունն ըստ ոլորտների․

Հայաստանում 1000 բնակչի հաշվով ՓՄՁ միջին խտությունը ցածր է և կազմում է 23.1: ՓՄՁ-ների կեսից ավելին գործունեություն են ծավալում Երևանում, որտեղ ՓՄՁ-ների խտությունը 1000 բնակչի հաշվով 33 է, իսկ մարզերում նույն ցուցանիշը զգալիորեն ցածր է: Երևանից դուրս գտնվող ՓՄՁ-ների մեջ աչքի է ընկնում Կոտայքի մարզը, որտեղ գտնվում է ՓՄՁ սուբյեկտների 8.6 տոկոսը, իսկ ՓՄՁ խտությունը 1000 բնակչի հաշվով 23.4 է [ԱՄՍՏԱՏ, Փոքր և միջին ձեռնարկատիրությունը Հայաստանի Հանրապետությունում, 2019]։

2018 թվականին Հայաստանում 1000 բնակչին բաժին ընկնող ստեղծվող ընկերությունների թիվը կազմել է 9.8։ Համաձայն ՀԲ (WB) զեկույցի բարձր-միջին եկամուտ ունեցող երկրներում այս ցուցանիշը հասնում է 30-ի։  Այժմ ՀՀ ցուցանիշը համապատասխանում է ցածր-միջին եկամուտ ունեցող երկրների ցուցանիշին։

Հայաստանի Հանրապետությունում ՓՄՁ ոլորտի ուժեղացման, մրցունակության բարձրացման համար ՀՀ կառավարության կողմից կարևորվում են հետևյալ ռազմավարական ուղղությունները․

1. Ֆինանսական ռեսուրսների հասանելիության ավելացում,
2. ՓՄՁ սուբյեկտների կարողությունների և ձեռնարկատիրական մշակույթի զարգացում,
3. ՓՄՁ սուբյեկտների համար շուկաների հասանելիության ապահովում,
4. ՓՄՁ զարգացման համար բարենպաստ ինստիտուցիոնալ և իրավական միջավայրի ապահովում։

ՓՈՔՐ ԵՎ ՄԻՋԻՆ ՁԵՌՆԱՐԿԱՏԻՐՈՒԹՅԱՆ ԶԱՐԳԱՑՄԱՆ 2020-2024 ԹՎԱԿԱՆՆԵՐԻ ՌԱԶՄԱՎԱՐՈՒԹՅՈՒՆ

2020 թվականի օգոստոսի 27-ին ՀՀ կառավարության նիստում հաստատվել է ՀՀ էկոնոմիկայի նախարարության կողմից մշակված Փոքր և միջին ձեռնարկատիրության զարգացման 2020-2024 թվականների ռազմավարությունը և դրանից բխող 2020-2022 թվականների գործողությունների ծրագիրը:

Ռազմավարության նպատակը Հայաստանի Հանրապետության ՓՄՁ-ների համար բարենպաստ միջավայրի ստեղծումն է՝ ձեռնակատիրական հմտությունների զարգացման,  գաղափարների իրագործման, մրցունակության բարձրացման միջոցով, որը հնարավորություն կտա նաև ապահովել ՓՄՁ-ների համար ներքին և արտաքին շուկաների հասանելիությունը։

Ռազմավարության թիրախային միջոցառումներն ուղղված են ՓՄՁ-ների համար ֆինանսական ռեսուրսների հասանելիության բարձրացմանը, կարողությունների զարգացմանը, ինչպես նաև ձեռնարկատիրական մշակույթի խթանման նպատակով անհրաժեշտ ինստիտուցիոնալ և իրավական միջավայրի ձևավորմանը։

Ռազմավարությամբ սահմանված միջոցառումների իրականացման արդյունքում նախատեսվում է նպաստել ՓՄՁ-ների արտադրողականության աճին՝ 2020-2023 թվականների արտադրողականությունը բարձրացնելով 3%-ով, իսկ 2024 թվականին՝ 7.5%-ով։ Մասնավորապես, ՓՄՁ-ներում մեկ զբաղվածի կողմից ստեղծված ավելացված արժեքը 2024 թվականին կկազմի 12 մլն ՀՀ դրամ, որը 2018 թվականի նույն ցուցանիշի գրեթե կրկնապատիկն է (2018թ․ ցուցանիշը՝ 6.7 մլն ՀՀ դրամ)։

Ռազմավարությամբ սահմանված թիրախային գործողությունների արդյունքում ՓՄՁ-ներում զբաղվածների թիվը կաճի տարեկան միջինում 2.5 %-ով։

Համավարակի հետևանքները մեղմելու նպատակով առավել մեծ կարևորություն է տրվել սնանկության գործընթացի և երկրորդ հնարավորության մեխանիզմների բարելավմանը, ֆինանսների հասանելիության հետ կապված լրացուցիչ բարդությունների հաղթահարմանը, ՓՄՁ-ների՝ խոշոր արժեշղթաներում ներգրավման անհրաժեշտությանը։ Իրականացվող գործողությունների արդյունքում ոչ միայն էապես բարելավվելու է ՓՄՁ-ների արտադրողականությունը և աճելու է զբաղվածների թիվը, այլ նաև փոխանցվող հմտությունների և բարելավված միջավայրի շնորհիվ ձեռներեցությամբ զբաղվելը կարող է դառնալ արտագնա աշխատանքի, կորցրած աշխատատեղերի և եկամուտների վերականգնման այլընտրանք։ 

Փոքր և միջին ձեռնարկատիրության զարգացման 2020-2024 թթ.-ի ռազմավարության 2020-2022 թթ-ի գործողությունների ծրագրի 2020 թ․ կատարողականի հաշվետվություն

ՓՄՁ սուբյեկտներին աջակցության ծրագրի համակարգում և կառավարում

2020 թվականի օգոստոսի 27-ի թիվ 1443-Լ որոշմամբ հաստատվել է Փոքր և միջին ձեռնարկատիրության զարգացման 2020-2024 թվականների ռազմավարությունը և դրանից բխող 2020-2022 թվականների գործողությունների ծրագիրը։

Ռազմավարության նպատակ։ Ռազմավարությունը նպատակ է հետապնդում միջնաժամկետում նպաստել Հայաստանում ձեռներեցության զարգացմանը և ՓՄՁ-ների արտադրողականության բարձրացմանը։

Ռազմավարության թիրախները։ Ռազմավարության համար առանձնացվել են հետևյալ հիմնական թիրախները․

• Արտադրողականության աճ՝ 2021-2023 թվերի համար միջինում տարեկան 3%, իսկ  2024 թվականի համար 7․5%։
• ՓՄՁ-ում զբաղվածների աճ՝ տարեկան միջինում 2.5 %։

Ռազմավարության հիմնական ուղղությունները

ՀՀ-ում ՓՄՁ ոլորտի ուժեղացման, մրցունակության բարձրացման համար կարևորվել են հետևյալ ռազմավարական ուղղությունները՝

1. Ֆինանսական ռեսուրսների հասանելիության ավելացում,
2. ՓՄՁ սուբյեկտների կարողությունների և ձեռնարկատիրական մշակույթի զարգացում ,
3. ՓՄՁ սուբյեկտների համար շուկաների հասանելիության ապահովում,
4. ՓՄՁ զարգացման համար բարենպաստ ինստիտուցիոնալ և իրավական միջավայրի ապահովում։

ԱՌԿԱ ԻՐԱՎԻՃԱԿ

2021 թվականին ՀՀ-ում գրանցված և փաստացի գործունեություն իրականացնող կազմակերպությունների քանակը կազմել է 89 964  (Փոքր և միջին ձեռնարկատիրությունը Հայաստանի Հանրապետությունում, 2022) , որոնց․

• Գերփոքր՝ 85 150, որից վարձու աշխատող չունեցող՝ 44 602,
• Փոքր՝ 3 994,
• Միջին՝ 687,
• Խոշոր՝ 133

Ընդ որում, առավել մեծ թվով տնտեսավարողներ գործում են Երևան քաղաքում, ընդհանուր տնտեսավարողների մոտ 50%-ը։ Մարզերից, տնտեսական գործունեության տեսանկյունից, առավել ակտիվ են Կոտայքը, Արմավիրը, Արարատը, Շիրակը և Լոռին։ 

Աշխատակիցների թվաքանակի վերաբերյալ պատկերը 2021 թվականին հետևյալն է․

• Գերփոքր կազմակերպություններում աշխատում են 96 837 վարձու աշխատակիցներ,
• Փոքր կազմակերպություններում աշխատում են 74 712 վարձու աշխատակիցներ,
• Միջին կազմակերպություններում աշխատում են 69 107 վարձու աշխատակիցներ,
• Խոշոր կազմակերպություններում աշխատում են 105 231 վարձու աշխատակիցներ։

Դիտարկվող տնտեսական գործունեության տեսակների դասակարգչի հատվածի շրջանակներում վարձու աշխատատեղերի մոտ 69.5%-ը ապահովվում է ՓՄՁ-երի կողմից(Փոքր և միջին ձեռնարկատիրությունը Հայաստանի Հանրապետությունում, 2022):



2021 թվականին դիտարկվող ոլորտներում տնտեսավարողների կողմից ստեղծված համախառն ավելացված արժեքը կազմել է․

• Գերփոքր կազմակերպությունների կողմից՝ 787 701.9 մլն դրամ,
• Փոքր կազմակերպությունների կողմից՝ 556 637.9 մլն դրամ,
• Միջին կազմակերպությունների կողմից՝ 588 104.6 մլն դրամ,
• Խոշոր կազմակերպությունների կողմից՝ 1 115 311.5 մլն դրամ։

Ընդհանուր առմամբ, դիտարկվող ոլորտներում կազմակերպությունների կողմից ստեղծվող համախառն ավելացված արժեքում ՓՄՁ-երի կողմից ստեղծված համախառն ավելացված արժեքի ծավալը կազմել է 63,4% (Փոքր և միջին ձեռնարկատիրությունը Հայաստանի Հանրապետությունում, 2022:

ԻՐԱԿԱՆԱՑՎԱԾ ԱՇԽԱՏԱՆՔԸ ԸՍՏ ՌԱԶՄԱՎԱՐՈՒԹՅԱՆ ՀԻՄՆԱԿԱՆ ՈՒՂՂՈՒԹՅՈՒՆՆԵՐԻ

 ՖԻՆԱՆՍՆԵՐԻ ՀԱՍԱՆԵԼԻՈՒԹՅՈՒՆ

1. Տնտեսության արդիականացման միջոցառում

Միջոցառման նպատակ

• ստեղծել մատչելի ֆինանսական միջոցների հասանելիություն՝ արդիականացնելու արտադրական կարողությունները
• խթանել արտադրվող ապրանքների և մատուցվող ծառայությունների մրցունակության
• խթանել աշխատանքի արտադրողականության աճը:

Աջակցության գործիք․  տնտեսավարողների կողմից Միջոցառման իմաստով նպատակային համարվող ոլորտներում օգտագործելու նպատակով մեքենա-սարքավորումների ձեռքբերման համար վարկի և լիզինգի տարեկան տոկոսադրույքի 6-10% սուբսիդավորում մինչև 48 ամիս։

Արդյունքային ցուցանիշներ

• 903 վարկային/լիզինգային պայմանագիր՝
• 56․2 մլրդ պորտֆել
• 4․3 մլրդ դրամ տոկոսագումարների սուբսիդավորում

Ընդհանուր պորտֆելից 30․5 մլրդ դրամը ձևավորվել է ՓՄՁ սուբյեկտների կողմից, ընդ որում․

• Գերփոքր կազմակերպություններ՝ կնքվել է 356 պայմանագիր՝ 14․7 մլրդ դրամ պորտֆելով,
• Փոքր կազմակերպություններ՝ կնքվել է 189 պայմանագիր՝ 7․9 մլրդ դրամ պորտֆելով,
• Միջին կազմակերպություններ՝ կնքվել է 156 պայմանագիր՝ 7․8 մլրդ դրամ պորտֆելով,
  
  
  Միջոցառման շրջանակներում սուբսիդավորման ենթակա գործունեության ոլորտներ․ 
  
  
  
  
  
  

1.    Կորոնավիրուսի տնտեսական հետևանքների չեզոքացման 19-րդ միջոցառում (ֆինանսական բաղադրիչ)

Միջոցառման շրջանակներում տրամադրվող արտոնյալ պայմաններով վարկ․

- 100% երաշխիք՝ ՆԱԿ-ի կողմից (նախկին ՓՄՁ ԶԱԿ)

- առավելագույն գումար՝ 10 մլն դրամ,

- տարեկան տոկոսադրույք՝ տղամարդկանց համար՝ 9%, կանանց համար՝ 7%,

- առավելագույն ժամկետ՝ 60 ամիս,

- արտոնյալ ժամանակահատված՝ 6 ամիս։

Արդյունքային ցուցանիշներ

2020-2022 թվականների ընթացքում արտոնյալ պայմաններով վարկից օգտվել են 108 շահառուներ՝ ընդհանուր 965,753,800․00 դրամով, որոնցից 32-ը 2022 թվականին՝ ընդհանուր 296,304,000:

Տրամադրված վարկային երաշխավորությունների մարզային բաշխվածքը ունի հետևյալ տեսքը․

 ԿԱՐՈՂՈՒԹՅՈՒՆՆԵՐԻ ԶԱՐԳԱՑՈՒՄ

1.    Կորոնավիրուսի տնտեսական հետևանքների չեզոքացման 19-րդ միջոցառում (կրթական բաղադրիչ)

Միջոցառման նպատակ

• Սկսնակ ձեռներեցների գործունեության ընդլայնում ՀՀ մարզերում
• Ձեռնարկատիրական հմտությունների զարգացում 

Միջոցառման շրջանակներում տրամադրվող օժանդակությունը ներառում է․

• Ձեռնարկատիրական հմտությունների զարգացման մեկամսյա առցանց դասընթաց,
• Արտոնյալ պայմաններով վարկային երաշխավորության տրամադրում․ (մանրամասների համար տես ֆինանսների հասանելիության ռազմավարական ուղղություն)

Արդյունքային ցուցանիշներ

Միջոցառման շրջանակներում՝ միջոցառման մեկնարկից մինչև 2022 թվականի դեկտեմբերի 31-ը․

o  Կազմակերպված դասընթացին մասնակցել են 601 դիմումատուներ, ընդ որում, ըստ տարիների․

• 2020 - 194 մասնակից, որոնցից կին` 70 (36.4%),
• 2021 - 298 մասնակից, որոնցից կին՝ 138 (46.3%)
• 2022 - 109 մասնակից, որոնցից կին՝ 64 (58.7%)

2.    ԱՔՍԵԼԵՐԱՏՈՐ #5

ՄԱԿԶԾ և Աշխատանքի և սոցիալական հարցերի նախարարության հետ համատեղ ծրագիր

Միջոցառման նպատակ

• Սկսնակ կից ձեռներեցների գործունեության ընդլայնում
• Կին ձեռնարկատերերի հմտությունների զարգացում 

Միջոցառման շրջանակներում տրամադրվող օժանդակությունը ներառում է․

• Նախա-աքսելերատոր կամ pre-accelerator, որը նախատեսված է սկսնակ ձեռնարկատերերի համար, ովքեր ունեն ձեռնարկատիրական գաղափար, սակայն չունեն համապատասխան գիտելիքներ։
• Աքսելերատոր, որը նախատեսված է որոշակի ձեռնարկատիրական գիտելիքներ ունեցող անձանց համար, ովքեր կարիք ունեն դրանք առավել խորացնելու որոշակի ուղղվածությամբ։
• Արդյունքային ցուցանիշներ
• Սկսնակ ձեռներեցների ծրագրի շրջանակներում թիրախ է սահմանվել 50 մասնակից, դիմել է 225 կին ձեռներեց, ՄԱԶԾ լրացուցիչ ֆինանսավորմամբ մասնակցում են 209-ը,
• Գործող ձեռներեցների ծրագրի շրջանակներում թիրախ է սահմանվել 50 մասնակից, դիմել է 54-ը, ՄԱԶԾ լրացուցիչ ֆինանսավորմամբ մասնակցում են 54-ը։
  
  
  

1.    Բարձր որակավորում ունեցող մասնագետների ներգրավման միջոցառում

Կառավարության 2022 թվականի օգոստոսի 4-ի 1224-Լ որոշում

Միջոցառման նպատակ

• բարձրացնել աշխատանքի արտադրողականությունը
• ստեղծել բարենպաստ ներդրումային միջավայր՝ գիտատար կազմակերպությունների ստեղծման համար

Միջոցառման շահառուներ են  համարվում ՀՀ կամ ԼՂ տարածքում գրանցված և փաստացի գործունեություն իրականացնող առևտրային և ոչ առևտրային կազմակերպությունները։

Միջոցառման շրջանակներում բարձր որակավորում ունեցող մասնագետ է համարվում այն մասնագետը, ով բավարարում է ստորև ներկայացված պահանջներից գոնե մեկին․

Միջոցառման շրջանակներում օժանդակությունը՝ ԲՈՈՒՄ-ին վճարված աշխատավարձի փոխհատուցում, մասնավորապես․

• Մասնագետին վճարված աշխատավարձի 20%-ը, սակայն ոչ ավելի, քան ամսական 1 000 000 (մեկ միլիոն) դրամ
• Եթե մասնագետը ունի PhD, ապա կփոխհատուցվի 50%-ը, սակայն ոչ ավելի, քան ամսական 1 500 000 (մեկ միլիոն հինգ հարյուր հազար) դրամը,
• Եթե PhD-ունեցող մասնագետը կդասավանդի նաև ՀՀ ԲՈՒՀ-երում ապա կփոխհատուցվի նաև ԲՈՒՀ-ի կողմից վճարված աշխատավարձի 70%-ը, սակայն ոչ ավելի, քան գումարային ամսական 2 000 000 (երկու միլիոն) դրամը։

       ՓՄՁ ԶԱՐԳԱՑՄԱՆ ՀԱՄԱՐ ԲԱՐԵՆՊԱՍՏ ԻՆՍՏԻՏՈՒՑԻՈՆԱԼ ԵՎ ԻՐԱՎԱԿԱՆ ՄԻՋԱՎԱՅՐԻ ԱՊԱՀՈՎՈՒՄ՝

Պետություն մասնավոր երկխոսություն

Պետություն-մասնավոր երկխոսության շրջանակներում՝ կարևորելով ասոցիացիաների և գործարար միությունների կողմից բարձրաձայնված հարցերին պետության կողմից լուծում տալու կարևորությունը, 2011 թվականին ստեղծվել և արդեն 15 տարի գործում է ՀՀ փոխվարչապետին կից գործող ՓՄՁ զարգացման խորհրդը և ենթախորհուրդը, որի ներքո 2021-2022 թվականներին ընդհանուր առմամբ կայացել է մոտ 15 նիստ։

Նիստերի շրջանակներում  քննարկվել և առաջարկություններ են ներկայացվել ոլորտի համար կենսական նշանակության ավելի քան 50 նախագիծ։ Դրանց մեջ գերակշիռ տեղ են զբաղեցնում ՓՄՁ-երի գործունեությանն առնչվող իրավակարգավորումներնի, այդ թվում՝ հարկային վարչարարությանը և քաղաքականությանը, աշխատանքային օրենսգրքին, պարտադիր ապահովագրությանն և այլ խնդիրներին առնչվող  մի շարք հարցեր։

Խորհրդի և ենթախորհրդի աշխատանքների արդյունքներով մշակվել և շրջանառվել են մի շարք նախագծեր, մասնավորապես ուղղված՝

• Հայաստանում գործող ածանցյալ ֆինանսական գործիքների կիրառման խրախուսմանը,
• Մշակող արդյունաբերության ոլորտում ոչ ակտիվ աշխատուժից մասնագետների ներգրավմանը,
• Ռազմական գործողությունների հետևանքով տուժած մարզերում՝ Վայոց Ձորի և Սյունիքի մարզերում զբոսաշրջության խթանման իրավակարգավորումների ներդրմանը։

ԱՄՆ ՄԶԳ (USAID) աջակցությամբ մշակվել և 2022 թվականի դեկտեմբերի 12-ին Էկոնոմիկայի նախարարի կողմից թիվ Հ/3956-2022 հրամանով հաստատվել է Պետություն-մասնավոր երկխոսության նախաձեռնման, երկխոսության հարթակների ձևավորման ծրագիրը, որով Պետություն-մասնավոր երկխոսության հարթակների քարտուղարության գործառույթները վերապահվել են Էկոնոմիկայի նախարարության Ձեռներեցության վարչության Պետություն-մասնավոր երկխոսության բաժնին։

Տեքստիլ արդյունաբերության զարգացման ծրագիրը և դրանից բխող 2023-2026 թվականների գործողությունների ծրագիրը

Տեքստիլ ոլորտի զարգացման ծրագրի գլխավոր ռազմավարական նպատակն է ապահովել ոլորտի մրցունակության բարելավումը՝

• խթանելով ավելացված արժեքի և արտադրողականության աճը,
• մեծացնելով արտահանման ծավալները՝ հանդես գալով սեփական ապրանքանիշների ներքո,
• նպաստելով աշխատուժի ծավալների ընդլայնմանը` կարողությունների կայուն զարգացմամբ,

Տեքստիլ արդյունաբերության զարգացման գործողությունների ծրագիրը բաղկացած է 10 հիմնական գործողություններից, որոնք են․

1. Իրականացնել ինստիտուցիոնալ լուծումներ, որոնք կփոխեն տեքստիլ արդյունաբերության մակրոկառավարման և մոնիտորինգի գործընթացները,
2. Բարելավել տեքստիլ ոլորտի աշխատողների մրցունակությունը (հմտություններ, որակ և արտադրողականություն),
3. Օպտիմալացնել և արդիականացնել բիզնես գործընթացները՝ նպաստելով արդյունավետության և արտադրողականության բարձրացմանը,
4. Արդիականացնել տեքստիլ արդյունաբերության արտադրական օբյեկտները՝ ներդնելով բարձր տեխնոլոգիաներ, որոնք կնպաստեն ավելի բարդ և բարձր ավելացված արժեքով արտադրանքի ստեղծմանը,
5. Նպաստել տեքստիլ ոլորտում կայունության զարգացմանը,
6. Նպաստել և խթանել հայկական ապրանքանիշերի զարգացմանն ու արդյունավետ կառավարմանը,
7. Դիվերսիֆիկացնել մատակարարման շղթան (հումքի շուկաներ)` շուկայի կայունությունը բարձրացնելու և այն հավասարակշռելու նպատակով,
8. Ապահովել և խրախուսել հայկական ապրանքանիշերի ներկայացվածությունը նոր սպառողական շուկաներում,
9. Հավասարակշռել տեքստիլ արդյունաբերության զարգացումը Հայաստանի բոլոր մարզերում՝ մասնավորապես ռազմավարական նշանակություն ունեցող և սահմանամերձ տարածքներում՝ նպաստելով երկրի հավասարաչափ սոցիալ-տնտեսական զարգացմանը,
10. Զարգացնել բարդ ապրանքների արտադրությունը՝ նպաստելով Հայաստանի տեքստիլ ոլորտի բարդության ցուցանիշի (PCI) բարձրացմանը։

Գործողությունների ծրագրի իրականացման արդյունքում՝ կանխատեսվող ժամանակահատվածում (2023-2026թթ․) ակնկալվում է․

• Տեքստիլ արդյունաբերության ոլորտում արտահանման ծավալների կրկնապատկում,
• Ոլորտում արտադրողականության աճ՝ 1․8 անգամ,
• Ոլորտում աշխատակիցների ավելացում՝ 1․6 անգամ։

2021-2022 թթ. մտավոր սեփականության ոլորտում իրականացված օրենսդրական աշխատանքներ

• ՀՀ Կառավարության քննարկմանն են ներկայացվել «Արտոնագրերի մասին» և «Արդյունաբերական դիզայնի մասին» նոր ՀՀ օրենքներից բխող թվով 11 նոր ենթաօրենսդրական ակտերի նախագծեր, որոնք Կառավարության կողմից հաստատվել են 2022թ. մայիսի 26-ին:
• Մշակվել և ներկայացվել է «Աշխարհագրական նշումների մասին» Հայաստանի Հանրապետության օրենքում փոփոխություններ կատարելու մասին օրենքի նախագիծը (Օրենքը ուժի մեջ է մտել 24.11.2022թ.) և ««Աշխարհագրական նշման, ծագման տեղանվան և երաշխավորված ավանդական արտադրանքի հայտերը լրացնելու, ներկայացնելու և քննարկելու» կարգում փոփոխություններ կատարելու մասին» Կառավարության որոշման նախագիծը։
• Մշակվել են ««Ապրանքային նշանների մասին» ՀՀ օրենքում փոփոխություններ և լրացումներ կատարելու մասին» և ««Պետական տուրքի մասին» ՀՀ օրենքում փոփոխություններ և լրացումներ կատարելու մասին» օրենքների նախագծերը, որոնք 2022թ. հաստատվել են ՀՀ կառավարության կողմից:
• Հայաստանի արդյունաբերության և սպասարկման ոլորտների թվային փոխակերպման նպատակով 2022 թվականին մշակվել է Տնտեսության մեջ թվային գործիքների կիրառման խթանման հայեցակարգի նախագիծը։
• Հայեցակարգում ներկայացված է առաջարկվող ծրագրերի, միջոցառումների և արդյունքների նկարագրություն։ Նախատեսվող 24 ծրագրերն ուղղված են․

        o   թվային էկոհամակարգում կարողությունների զարգացմանը (2 ծրագիր),

        o   շահառուների հզորացմանը (4 ծրագիր),

        o   թվային տեխնոլոգիաների ներդրմանը (18 ծրագիր)։

Հայեցակարգի նախագիծը ներկայումս քննարկվում է բիզնես ասոցիացիաների և միջազգային կազմակերպությունների հետ։