Հայաստանի Հանրապետության տարածքից ջերմատնային արտադրության թարմ պտուղբանջարեղենի և ծաղիկների արտահանման աջակցության միջոցառման նպատակը ՀՀ տարածքից արտահանվող ջերմատնային արտադրության ելակի, լոլիկի, պղպեղի և ծաղիկի մրցունակության բարձրացումն է՝ արտահանված արտադրանքի համար փոխհատուցում տրամադրելու միջոցով։

Միջոցառման շրջանակներում 2026 թվականի հունիսի 1-ից մինչև հուլիսի 1-ը ելակի, լոլիկի, պղպեղի և ծաղիկի արտահանում իրականացրած ՀՀ ռեզիդենտ համարվող իրավաբանական անձանց կամ անհատ ձեռնարկատերերին կամ ֆիզիկական անձանց արտահանված արտադրանքի համար տրամադրվում է փոխհատուցում հետևյալ չափերով՝

1. ելակի յուրաքանչյուր 1 կիլոգրամի համար 770 ՀՀ դրամ,
2. լոլիկի յուրաքանչյուր 1 կիլոգրամի համար 275 ՀՀ դրամ,
3. պղպեղի յուրաքանչյուր 1 կիլոգրամի համար 400 ՀՀ դրամ,
4. ծաղիկի յուրաքանչյուր 1 հատի համար 37 ՀՀ դրամ։

Փոխհատուցման տրամադրման ընթացակարգը

Փոխհատուցում ստանալու նպատակով տնտեսավարող սուբյեկտը 2026 թվականի հուլիսի 1-ից հետո էլեկտրոնային կամ թղթային եղանակով դիմում է ներկայացնում Էկոնոմիկայի նախարարություն, որին կցում է՝

1. ապրանքի տարանցման հայտարարագր(եր)ի կամ ապրանքների հայտարարագր(եր)ի պատճեն(ներ)ը,
2. հաշվարկային փաստաթուղթ (հաշիվ ապրանքագիր)։

Ծրագրի մանրամասներին կարող եք ծանոթանալ հետևյալ հղումով։

Ծրագրի վերաբերյալ խորհրդատվություն ստանալու համար կարող եք զանգահարել՝

Ագրովերամշակման վարչություն` +374 11 597 236, +374 11 597 258, +374 11 597 180 

 ԹԵԺ ԳԻԾ` 81-40