ՀՀ կառավարության 2025 թվականի հունիսի 5-ի 737-Ն որոշմամբ հաստատվել է   «Կառավարման համակարգերի և արտադրանքի համապատասխանության սերտիֆիկատների ստացման աջակցության ծրագիրը», որի նպատակն է խթանել գյուղատնտեսական և արդյունաբերական արտադրանքի արտադրությունը և նպաստել արտադրության կառավարման համակարգերի կատարելագործմանը՝ մասնակի փոխհատուցելով տնտեսավարողների կողմից միջազգային սերտիֆիկատների ստացման համար կատարված ծախսերը։

Աջակցությունը տրամադրվում է արտադրությունում ներդրված կառավարման համակարգերի սերտիֆիկացման գործընթացների, ինչպես նաև միջազգային ճանաչում ունեցող սերտիֆիկատների (օրինակ՝ Global G.A.P., «հալալ», տեքստիլ արդյունաբերության ոլորտին հատուկ և այլ) ստացման համար իրականացված ծախսերի մասնակի փոխհատուցման միջոցով։

Շահառուների շրջանակը

Ծրագրի շահառու կարող են հանդիսանալ Հայաստանի Հանրապետությունում պետական ռեգիստրում գրանցված և փաստացի գործունեություն իրականացնող կազմակերպությունները կամ անհատ ձեռնարկատերերը (բացառությամբ միկրոձեռնարկատիրության սուբյեկտների), որոնք՝

• հանդիսանում են հարկման ընդհանուր կամ շրջանառության հարկի համակարգում գործունեություն իրականացնող հարկ վճարողներ,
• դիմում ներկայացնելու պահին չունեն մեկ միլիոն դրամ և ավելի հարկային պարտավորությունների գանձման որոշում կամ ժամկետանց հարկային պարտավորություններ,
• չեն գտնվում սնանկության կամ լուծարման գործընթացում,
• իրենց տնտեսական գործունեության առնվազն 80 տոկոսը իրականացնում են Տնտեսական գործունեության տեսակների դասակարգչի՝«A» բաժնի (գյուղատնտեսություն) կամ «C» բաժնի (մշակող արդյունաբերություն)
  շրջանակներում։

Փոխհատուցման ենթակա սերտիֆիկատներ

Ծրագրի շրջանակում փոխհատուցվում են միջազգային ճանաչում ունեցող սերտիֆիկատների ստացման հետ կապված ծախսերը, այդ թվում՝

• ISO 9001, ISO 14001, ISO 22000 և FSSC 22000 կառավարման համակարգերի սերտիֆիկատներ,
• Global G.A.P., «հալալ», «օրգանական» և «անցումային շրջանի օրգանական» սերտիֆիկատներ,
• Տեքստիլ արդյունաբերության ոլորտին հատուկ BSCI, SA8000, WRAP, SEDEX OEKO-TEX®, GOTS, BCI և Fairtrade International,EU Ecolabel և Cradle to Cradle (C2C) սերտիֆիկատներ։

Փոխհատուցման չափը

Ծրագրի շրջանակում փոխհատուցվում է սերտիֆիկացման ծախսի մինչև 50 տոկոսը, հետևյալ առավելագույն սահմաններով՝

• ISO 9001 և ISO 14001 սերտիֆիկատների դեպքում՝ մինչև 1,000,000 դրամ,
• ISO 22000 և FSSC 22000 սերտիֆիկատների դեպքում՝ մինչև 1,500,000 դրամ,
• Global G.A.P., «հալալ», «օրգանական» և Տեքստիլ արդյունաբերության ոլորտին հատուկ սերտիֆիկատների դեպքում՝ մինչև 1,500,000 դրամ։

Դիմելու կարգը

Շահառուն պետք է դիմում ներկայացնի սերտիֆիկատը ստանալուց հետո, բայց ոչ ուշ, քան 4 ամսվա ընթացքում։

Դիմում-հայտը ներկայացվում է էլեկտրոնային եղանակով՝
secretariat@mineconomy.am  էլեկտրոնային հասցեին։

Դիմումին կցվում են՝

• սերտիֆիկատը և դրա պատճենը,
• սերտիֆիկացման ծախսերը հիմնավորող փաստաթղթերը,
• վճարումը հաստատող բանկային փաստաթղթերը,
• կազմակերպության պետական գրանցման վերաբերյալ տվյալները,
• շահառուի բանկային հաշվեհամարը և այլ անհրաժեշտ փաստաթղթեր։

Ծրագիրը գործում է մինչև 2027 թվականի նոյեմբերի 1-ի առաջին տասնօրյակը։

Շահառուի դիմումների N 1 և N 2 Ձևերը ներկայացված են  Կառավարության՝ 2025 թվականի հունիսի 5-ի N 737-Ն որոշմամբ  

Ծրագրի մանրամասներին կարող եք ծանոթանալ այս հղումով 

Լրացուցիչ տեղեկատվության համար կարող եք զանգահարել՝ +374 11 597 183, +374 11 597 166 կամ +374 11 597 182 (Տեքստիլ արդյունաբերության ոլորտին հատուկ սերտիֆիկատների դեպքում) հեռախոսահամարով։