ՀԱՅՏԱՐԱՐՈՒԹՅՈՒՆ

Դաշտային հետազոտողների (ապրոբատորի) հավատարմագրման դիմումների ընդունման մասին

Հայաստանի Հանրապետության էկոնոմիկայի նախարարի 2023 թվականի օգոստոսի 18-ի N 1535-Ն հրամանի համաձայն, «Գյուղատնտեսական հետազոտությունների և հավաստագրման կենտրոն» պետական ոչ առևտրային կազմակերպությունը հայտարարում է տնկարանային տարածքների դաշտային հետազոտողների հավատարմագրման նպատակով հայտերի ընդունման մեկնարկի մասին:

Անհրաժեշտ է ներկայացնել՝

• հավատարմագրման համար պահանջվող դիմումը (հայտը),
• անձը հաստատող փաստաթղթի պատճենը,
• ագրոնոմիա կամ անտառային տնտեսություն կամ կենսաբանություն մասնագիտական որակավորման դիպլոմի պատճեն(ները)։

Դիմումների ուսումնասիրությունից հետո կիրականացվեն տեսական և գործնական դասընթացներ։ Դասընթացներին մասնակցությունը և հավատարմագրումն անվճար են:

Դիմումներն (հղում) ընդունվում են սույն թվականի հոկտեմբերի 1-ից մինչև հոկտեմբերի 13-ը ներառյալ:

Հարցերի դեպքում կարող եք դիմել «Գյուղատնտեսական հետազոտությունների և հավաստագրման կենտրոն» պետական ոչ առևտրային կազմակերպություն (Հեռ. (060) 500677,  (095) 500677, էլ֊փոստ՝ inf.carc@gmail.com, հասցե՝ ՀՀ, Արմավիրի մարզ գ. Մերձավան, Երևանյան խճուղի 2֊րդ փակուղի, շենք N 4):