Հայտարարություն

Հայաստանի Հանրապետության էկոնոմիկայի նախարարությունը հայտարարում է մրցույթ՝ հանրային ներդրումների վարչությունում փորձագետ ներգրավելու վերաբերյալ

2024-07-26

Փորձագետը ներգրավվում է Էկոնոմիկայի նախարարության հանրային ներդրումների  գործառույթների և հանձնարարականների իրականացման համար:

1․ Ծրագրով նախատեսված աշխատանքների համառոտ նկարագիրը՝

Մասնակցում է հանրային ներդրումների կառավարման օրենսդրության, այդ թվում՝ հանրային ներդրումային ծրագրերի վերհանման, մշակման, գնահատման և առաջնահերթությունների սահմանման օրենսդրական հիմքերի, հանրային ներդրումային ծրագրերի և հայեցակարգերի նախագծերի (նախա)գնահատման և առաջնահերթությունների սահմանման մեթոդաբանության և ընթացակարգի մշակման աշխատանքներին, իրականացնում է հանրային ներդրումների կառավարման շրջանակներում կարողությունների զարգացմանն ուղղված միջոցառումների, ուսուցման և վերապատրաստման դասընթացների կազմակերպման աշխատանքներ։

2․ Փորձագետ ներգրավելու ժամկետն է 1 /մեկ/ տարի: 

3․ Աշխատանքային պարտականություններն են`

1. հանրային ներդրումների կառավարման օրենսդրության, հանրային ներդրումային ծրագրերի և հայեցակարգերի նախագծերի (նախնական) գնահատման և առաջնահերթությունների սահմանման մեթոդաբանության և ընթացակարգի մշակում․
2. հանրային ներդրումային ծրագրերի նախագծերի հավաքագրում և դիտանցում, մեթոդաբանական աջակցության տրամադրում հանրային ներդրումային ծրագրերի նախագծերի վերաբերյալ․
3. հանրային ներդրումային ծրագրերի նախագծերի (նախնական) գնահատում․
4. պետություն-մասնավոր գործընկերության քաղաքականության և պետություն-մասնավոր գործընկերության գործընթացներին առնչվող այլ նորմատիվ իրավական ակտերի մշակում․
5. մշակման փուլում գտնվող պետություն-մասնավոր գործընկերության պայմանագրերի նախագծերի և կնքված պետություն-մասնավոր գործընկերության պայմանագրերի ուսումնասիրություն․
6. պետություն-մասնավոր գործընկերության շրջանակում փաստաթղթերի օրինակելի ձևերի և խորհրդատվական ուղեցույցների մշակում, ըստ անհրաժեշտության դրանց վերաբերյալ լրացուցիչ պարզաբանումների տրամադրում․
7. կանաչ ներդրումների և կանաչ բաղադրիչով նորարարական լուծումներով արտադրության կազմակերպումը խթանող քաղաքականության մշակում։

4․  Փորձագետին ներկայացվող պահանջներն են՝

1. Հայաստանի Հանրապետության քաղաքացիություն․
2. կրթություն, որակավորման աստիճանը՝ բարձրագույն կրթություն․
3. տնտեսագիտության բնագավառի 1 տարվա ստաժ կամ հանրային ծառայության 1 տարվա ստաժ կամ մասնագիտական 1 տարվա ստաժ․
4. ծրագրով նախատեսվող աշխատանքների իրականացման հետ կապված անհրաժեշտ իրավական ակտերի իմացություն․
5. համակարգչով և ժամանակակից այլ տեխնիկական միջոցներով աշխատելու ունակություն․
6. գրական հայերենի տիրապետում, օտար լեզուների իմացությունը կդիտվի որպես առավելություն․
7. պատասխանատվության բարձր զգացում, ճշտապահություն, տրամաբանելու և տարբեր իրավիճակներում արագ կողմնորոշվելու ունակություն։

5․ Դիմումների ընդունման վերջին ժամկետն է 2024թ. հուլիսի 31-ը ներառյալ:

6․ Աշխատավայրը` ք.Երևան, Մհեր Մկրտչյան 5։

7. Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարագապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» ՀՀ օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում։

8․ Ընտրություն կատարելու եղանակը`

Դիմում ներկայացրած քաղաքացիների փաստաթղթերի և ինքնակենսագրականների ուսումնասիրություն:

9․ Դիմող քաղաքացիները պետք է ներկայացնեն հետևյալ փաստաթղթերը

• դիմում նախարարության գլխավոր քարտուղարի անունով (դիմումի ձևը կցվում է),
• հայտարարություն (ձևը կցվում է) ՀՀ կառավարության 02.08.2018թ. N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին,
• տվյալ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի/ների), վկայական/ների), աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները բնօրինակների հետ միասին, հայերեն ինքնակենսագրականներ (CV),
• արական սեռի անձինք` նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները` բնօրինակի հետ միասին, կամ համապատասխան տեղեկանք,
• մեկ գունավոր լուսանկար 3X4 սմ չափի,
• անձնագրի կամ նույնականացման քարտի պատճենը։

10․ Քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով՝ նշելով, թե որ ստորաբաժանման փորձագետի պաշտոնի համար է դիմում (առանց ստորաբաժանման անվանման նշման դիմումները չեն դիտարկվի)։

11․ Փաստաթղթերն ընդունվում են ամեն օր` ժամը 09.30-12.30-ը (բացի շաբաթ և կիրակի օրերից)։

Լրացուցիչ տեղեկությունների համար դիմել Նախարարության անձնակազմի կառավարման վարչություն (ք. Երևան, Մհեր Մկրտչյան 5, 7-րդ հարկ, 703 սենյակ, հեռ.` 011-59-71-98, էլեկտրոնային փոստի հասցեն naslanyan@mineconomy.am):