Հայտարարություն

Հայաստանի Հանրապետության էկոնոմիկայի նախարարությունը հայտարարում է մրցույթ՝ ձեռներեցության զարգացման վարչությունում փորձագետ ներգրավելու վերաբերյալ

2023-07-06

Փորձագետը ներգրավվում է Էկոնոմիկայի նախարարության ձեռներեցության զարգացման վարչության կանոնադրական խնդիրներից բխող կոնկրետ գործառույթների իրականացման ծավալների կտրուկ ավելացման համար:

1․ Ծրագրով նախատեսված աշխատանքների համառոտ նկարագիրը՝

Իրականացնել Կառավարության 2020 թվականի թիվ 355-Լ որոշման 1-ին հավելվածով հաստատված Արտադրողականության խթանման միջոցառման համակարգում, ֆինանսական կազմակերպությունների հետ մշտական կապի ապահովում, բանկերի կողմից ներկայացված հայտերի և հաշվետվությունների հավաքագրում և դրանց հիման վրա սուբսիդավորման գործընթացի կազմակերպում, ինչպես նաև նույն միջոցառման շրջանակներում գործընկեր ֆինանսական կառույցների և տնտեսավարողների կողմից առաջացած հարցերին գրավոր կամ բանավոր պատասխանների տրամադրման աշխատանքները։

2․ Փորձագետ ներգրավելու ժամկետն է 1/մեկ/ տարի:

3․ Աշխատանքային պարտականություններն են`

1. Կառավարության 2020 թվականի թիվ 355-Լ որոշման 1-ին հավելվածով հաստատված Արտադրողականության խթանման միջոցառման համակարգում, ֆինանսական կազմակերպությունների հետ մշտական կապի ապահովում, բանկերի կողմից ներկայացված հայտերի և հաշվետվությունների հավաքագրում և դրանց հիման վրա սուբսիդավորման գործընթացի կազմակերպում, ինչպես նաև նույն միջոցառման շրջանակներում գործընկեր ֆինանսական կառույցների և տնտեսավարողների կողմից առաջացած հարցերին գրավոր կամ բանավոր պատասխանների տրամադրում,
2. Ձեռներեցության զարգացմանն ուղղված նախագծերի մշակման նպատակով հետազոտությունների իրականացում,
3. Վարչության կողմից իրականացվող ծրագրերի վերաբերյալ տեղեկատվական նյութերի կազմում, բյուջետային ծրագրերի վերաբերյալ հաշվետվությունների կազմում,
4. ձեռներեցության աջակցության ծրագրերի մշակման, իրականացման և մշտադիտարկման աշխատանքներին մասնակցություն,
5. սկսնակ ձեռներեցների աջակցության գործիքակազմի ընդլայնման ուղղությամբ շարունակական աշխատանքների իրականացում՝ ֆինանսների, ձեռնարկատիրական հմտությունների ու կապերի, ինչպես նաև գիտելիքի հասանելիության բարձրացման նպատակով,

4․ Փորձագետին ներկայացվող պահանջներն են՝

1. Հայաստանի Հանրապետության քաղաքացիություն,
2. կրթություն, որակավորման աստիճանը՝ բարձրագույն կրթություն,
3. հանրային ծառայության առնվազն երկու տարվա ստաժ կամ տնտեսագիտության բնագավառում երկու տարվա ստաժ կամ երկու տարվա մասնագիտական ստաժ։
4. ծրագրով նախատեսվող աշխատանքների իրականացման հետ կապված անհրաժեշտ իրավական ակտերի իմացություն,
5. համակարգչով և ժամանակակից այլ տեխնիկական միջոցներով աշխատելու ունակություն,
6. գրական հայերենի տիրապետում, օտար լեզուների իմացությունը կդիտվի որպես առավելություն,
7. պատասխանատվության բարձր զգացում, ճշտապահություն, տրամաբանելու և տարբեր իրավիճակներում արագ կողմնորոշվելու ունակություն։

5․ Դիմումների ընդունման վերջին ժամկետն է 2023թ. հուլիսի 11-ը ներառյալ:

6․ Աշխատավայրը` ք.Երևան, Մհեր Մկրտչյան 5:

7. Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարագապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» ՀՀ օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում։

8․ Ընտրություն կատարելու եղանակը`

Դիմում ներկայացրած քաղաքացիների փաստաթղթերի և ինքնակենսագրականների ուսումնասիրություն:

9․ Դիմող քաղաքացիները պետք է ներկայացնեն հետևյալ փաստաթղթերը.

• դիմում նախարարության գլխավոր քարտուղարի անունով (դիմումի ձևը կցվում է),
• հայտարարություն (ձևը կցվում է) ՀՀ կառավարության 02.08.2018թ. N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին,
• տվյալ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի/ների), վկայական/ների), աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները բնօրինակների հետ միասին, հայերեն ինքնակենսագրականներ (CV),
• արական սեռի անձինք` նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները` բնօրինակի հետ միասին, կամ համապատասխան տեղեկանք,
• մեկ գունավոր լուսանկար 3X4 սմ չափի,
• անձնագրի կամ նույնականացման քարտի պատճենը։

10․ Քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով՝ նշելով, թե որ ստորաբաժանման փորձագետի պաշտոնի համար է դիմում (առանց ստորաբաժանման անվանման դիմումները չեն դիտարկվի):

11․ Փաստաթղթերն ընդունվում են ամեն օր` ժամը 09.30-12.30-ը (բացի շաբաթ և կիրակի օրերից)։

Լրացուցիչ տեղեկությունների համար դիմել Նախարարության անձնակազմի կառավարման վարչություն (ք. Երևան, Մհեր Մկրտչյան 5, 7-րդ հարկ, 703 սենյակ, հեռ.` 011-59-71-98, էլեկտրոնային փոստի հասցեն` naslanyan@mineconomy.am):

Տեղեկատվություն էկոնոմիկայի նախարարության ձեռներեցության վարչությունում փորձագետ ներգրավելու համար դիմած և պայմանագիր կնքած անձի մասին