Հ Ա Յ Տ Ա Ր Ա Ր ՈՒ Թ Յ ՈՒ Ն

Հայաստանի Հանրապետության էկոնոմիկայի նախարարության «Երկրագործության գիտական կենտրոն» փակ բաժնետիրական ընկերությունը հայտարարում է բաց մրցույթ գործադիր մարմնի ընտրության

Մրցույթը կանցկացվի 24.08.2023թ. ժամը 11.00-ին    ՀՀ էկոնոմիկայի նախարարության շենքում, ք. Երևան, Մհեր Մկրտչյան 5:

Նշված պաշտոնը զբաղեցնելու համար պահանջվում է`

• ագրոնոմիա կամ կենսաբանություն, կամ տնտեսագիտություն, կամ կառավարում մասնագիտությամբ բարձրագույն կրթություն,
• ձեռնարկատիրական կամ կառավարման ոլորտի առնվազն 3 տարվա կամ առնվազն 5 տարվա մասնագիտական աշխատանքային ստաժ.
• իր պարտականությունների կատարման համար անհրաժեշտ իրավական ակտերի իմացություն` այդ թվում Հայաստանի Հանրապետության Սահմանադրություն, Հայաստանի Հանրապետության աշխատանքային օրենսգրքի,  «Գնումների մասին» և «Հաշվապահական հաշվառման մասին» Հայաստանի Հանրապետության օրենքների, համապատասխան ոլորտի Հայաստանի Հանրապետության օրենսդրություն՝ «Սերմերի մասին», «Բույսերի սորտերի պահպանության մասին» ՀՀ օրենքների, ՀՀ կառավարության 2005 թվականի օգոստոսի 18-ի, նոյեմբերի 24-ի և դեկտեմբերի 22-ի «Սերմերի հավաստագրման կարգը հաստատելու մասին» N 1479-Ն,  «Հայաստանի Հանրապետություն մշակաբույսերի սերմերի ներմուծման և Հայաստանի Հանրապետությունից դրանց արտահանման կարգը հաստատելու մասին» N 2122-Ն և  «Բույսերի սորտերի տնտեսական օգտակարության պետական փորձարկումների կազմակերպման, Հայաստանի Հանրապետությունում օգտագործման թույլտվություն ունեցող բույսերի սորտերի ցանկում  դրանց  գրանցման  և  գրանցումից հանելու կարգը հաստատելու մասին» N 2292-Ն որոշումների․
• պետական կազմակերպության զարգացման և բարեփոխման ծրագիր (հայեցակարգ, հիմնադրույթներ) մշակելու կարողություն:

Նշված պաշտոնը զբաղեցնելու համար պահանջվում է նաև`

• գիտական աստիճան,
• տրամաբանելու և տարբեր իրավիճակներում կողմնորոշվելու ունակություն,
• ֆինանսատնտեսական գործունեության իրականացման կարողություն,
• համակարգչով և ժամանակակից այլ տեխնիկական միջոցներով աշխատելու ունակություն,
• աշխատանքի կազմակերպման և ղեկավարման անհրաժեշտ հմտություն,
• ենթակաների հետ վարվելու անհրաժեշտ էթիկայի կանոնների իմացություն,
• առնվազն մեկ օտար լեզվի իմացություն:

Դիմող քաղաքացիները ՀՀ էկոնոմիկայի նախարարության անձնակազմի կառավարման վարչություն պետք է ներկայացնեն հետևյալ փաստաթղթերը՝

• դիմում՝ (ձևը լրացվում է փաստաթղթերը ներկայացնելիս),
• գունավոր լուսանկար,
• քաղվածք աշխատանքային գրքույկից,
• ինքնակենսագրություն,
• բարձրագույն կրթության դիպլոմի պատճենը,
• կադրերի հաշվառման անձնական թերթիկ (լրացված),
• տեղեկանք` մշտական բնակության վայրից,
• հրատարակված հոդվածների ցանկ, կամ գիտական կոչումը հավաստող փաստաթուղթ (դրանց առկայության դեպքում),
• բնութագիր` վերջին աշխատավայրից ( եթե կազմակերպությունը չի լուծարվել),
• արական սեռի անձինք՝ նաև զինվորական գրքույկի պատճենը՝ բնօրինակի հետ միասին,
• անձնագրի պատճենը:

Քաղաքացին մրցույթին մասնակցելու համար փաստաթղթերը հանձնում է անձամբ՝ ներկայացնելով անձնագիր:

Փաստաթղթերն ընդունվում են ամեն օր, ժամը 10։00-ից մինչև 12։00-ը, բացի շաբաթ և կիրակի օրերից: Դիմումների ընդունման վերջին ժամկետն է՝  24.07.2023թ.:

Մրցույթին մասնակցել ցանկացող քաղաքացիները լրացուցիչ տեղեկություններ ստանալու համար կարող են դիմել ՀՀ էկոնոմիկայի նախարարություն, 7-րդ հարկ, 704 սենյակ (Երևան, Մ․Մկրտչյան 5, հեռ․ 011-597-196):