Հայտարարություն N 4

Հայաստանի Հանրապետության Էկոնոմիկայի նախարարությունը հայտարարում է մրցույթ՝ ներդրումային ծրագրերի վարչությունում փորձագետ ներգրավելու վերաբերյալ

2023-06-19

Փորձագետը ներգրավվում է Էկոնոմիկայի նախարարության ներդրումային ծրագրերի վարչության գործառույթների և հանձնարարականների իրականացման համար:

1․ Ծրագրով նախատեսված աշխատանքների համառոտ նկարագիրը՝

Մասնակցել ներդրումային ծրագրերի էլեկտրոնային հարթակի ստեղծման, կատարելագործման աշխատանքներին, վարել էլեկտրոնային հարթակը, մասնակցել խոշոր ներդրումային ծրագրերի իրականացման աշխատանքներին, մշակել և ներկայացնել ներդրումային միջավայրի զարգացման խոչընդոտների բացահայտման և դրանց վերացման ուղղությամբ առաջարկություններ, իրականացնել մասնավոր ներդրումային ծրագրերի իրագործման աջակցության տրամադրման աշխատանքները։

2․ Փորձագետ ներգրավելու ժամկետն է 1/մեկ/ տարի:

3․ Աշխատանքային պարտականություններն են`

1. մասնակցել ներդրումային ծրագրերի էլեկտրոնային հարթակի ստեղծման, կատարելագործման աշխատանքներին և իրականացնել էլեկտրոնային հարթակի վարումը,
2. մասնակցել խոշոր ներդրումային ծրագրերի իրականացման աշխատանքներին,
3. մշակել և ներկայացնել ներդրումային  միջավայրի զարգացման խոչընդոտների բացահայտման և դրանց վերացման ուղղությամբ առաջարկություններ,
4. իրականացնել մասնավոր ներդրումային ծրագրերի իրագործման աջակցության տրամադրման աշխատանքները,
5. իրականացնել Հայաստանի Հանրապետության օրենսդրությամբ իրեն վերապահված՝ նախարարության կանոնադրական խնդիրներից բխող այլ գործառույթներ:

4․ Փորձագետին ներկայացվող պահանջներն են՝

1.  Հայաստանի Հանրապետության քաղաքացիություն,
2.  կրթություն, որակավորման աստիճանը՝ բարձրագույն կրթություն,
3. հանրային ծառայության առնվազն երկու տարվա ստաժ կամ երեք տարվա մասնագիտական աշխատանքային ստաժ կամ տնտեսագիտության բնագավառում` երեք տարվա աշխատանքային ստաժ,
4.  ծրագրով նախատեսվող աշխատանքների իրականացման հետ կապված անհրաժեշտ իրավական ակտերի իմացություն,
5.  համակարգչով և ժամանակակից այլ տեխնիկական միջոցներով աշխատելու ունակություն,
6.  գրական հայերենի տիրապետում, օտար լեզուների իմացությունը կդիտվի որպես առավելություն,
7. պատասխանատվության բարձր զգացում, ճշտապահություն, տրամաբանելու և տարբեր իրավիճակներում արագ կողմնորոշվելու ունակություն։

 5․ Դիմումների ընդունման վերջին ժամկետն է 2023թ. հունիսի 22-ը ներառյալ:

6․ Աշխատավայրը` ք.Երևան, Մհեր Մկրտչյան 5:

7. Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարագապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» ՀՀ օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում։

8․ Ընտրություն կատարելու եղանակը`

Դիմում ներկայացրած քաղաքացիների փաստաթղթերի և ինքնակենսագրականների ուսումնասիրություն:

9․ Դիմող քաղաքացիները պետք է ներկայացնեն հետևյալ փաստաթղթերը.

• դիմում նախարարության գլխավոր քարտուղարի անունով (դիմումի ձևը կցվում է),
• հայտարարություն (ձևը կցվում է) ՀՀ կառավարության 02.08.2018թ. N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին,
• տվյալ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի/ների), վկայական/ների), աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները բնօրինակների հետ միասին, հայերեն ինքնակենսագրականներ (CV),
• արական սեռի անձինք` նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները` բնօրինակի հետ միասին, կամ համապատասխան տեղեկանք,
•  մեկ գունավոր լուսանկար 3X4 սմ չափի,
•  անձնագրի կամ նույնականացման քարտի պատճենը։

10․ Քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով՝ նշելով, թե որ ստորաբաժանման փորձագետի պաշտոնի համար է դիմում և ընդգծելով հայտարարության համարը (առանց ստորաբաժանման անվանման և հայտարարության համարի դիմումները չեն դիտարկվի):

11․ Փաստաթղթերն ընդունվում են ամեն օր` ժամը 09.30-12.30-ը (բացի շաբաթ և կիրակի օրերից)։

Լրացուցիչ տեղեկությունների համար դիմել Նախարարության անձնակազմի կառավարման վարչություն (ք. Երևան, Մհեր Մկրտչյան 5, 7-րդ հարկ, 704 սենյակ, հեռ.` 011-59-71-96, էլեկտրոնային փոստի հասցեն` rengibaryan@mineconomy.am):

Տեղեկատվություն էկոնոմիկայի նախարարության ներդրումային ծրագրերի վարչությունում փորձագետ ներգրավելու համար դիմած և պայմանագիր կնքած անձի մասին

Տեղեկատվություն փորձագետի կողմից հաշվետվություն ներկայացնելու մասին

Ղեկավարվելով Հայաստանի Հանրապետության կառավարության 2018 թվականի օգոստոսի 2-ի N 878-Ն որոշմամբ սահմանված հավելվածի 15-րդ կետով՝ ներկայացվում է Էկոնոմիկայի նախարարության ներդրումային ծրագրերի վարչության փորձագետ Նարե Փայլակի Հարոյանի կողմից իրականացված աշխատանքների վերաբերյալ ներկայացված հաշվետվությունը (վերջինս չորս ամիսը մեկ ներկայացնում է հաշվետվություններ՝ հաշվետու ժամանակաշրջանի ավարտից հետո 5 աշխատանքային օրվա ընթացքում։): 

Հաշվետվություն 1

Հաշվետվություն 2