ՀԱՅՏԱՐԱՐՈՒԹՅՈՒՆ

Հայաստանի հանրապետության էկոնոմիկայի նախարարությունը հայտարարում է մրցույթ՝

զբոսաշրջության կոմիտեի մարքեթինգի և խթանման վարչությունում փորձագետ ներգրավելու վերաբերյալ

2022-06-10

Փորձագետը ներգրավվում է Էկոնոմիկայի նախարարության զբոսաշրջության կոմիտեի մարքեթինգի և խթանման վարչության գործառույթների և հանձնարարականների իրականացման համար:

1․ Ծրագրով նախատեսված աշխատանքների համառոտ նկարագիրը՝

Իրականացնել սոցիալական հարթակներում Հայաստանի Հանրապետության վարկանիշի և հեղինակության բարձրացման, զբոսաշրջային գրավիչ և ժամանակակից բովանդակության ստեղծման, երկրի զբոսաշրջային ռեսուրսների, ինչպես նաև Կոմիտեի գործունեության վերաբերյալ հասանելի և լիարժեք տեղեկատվության տրամադրումը։

2․ Փորձագետ ներգրավելու ժամկետն է 1/մեկ/ տարի: 

3․ Աշխատանքային պարտականություններն են`

• Արդյունավետ սոցիալական մեդիա արշավների նախագծում և անցկացում՝ օգտատերերին ներգրավելու նպատակով,
• Նոր զբոսաշրջային պաշտոնական կայքի բովանդակության կառավարում և թարմացում,
• Մարքեթինգային արշավներ սոցիալական հարթակներում (SEO/SEM, social, paid media, experiential, across multiple touch points),
• Սոցիալական մեդիա հարթակների կառավարում, սոցիալական կոնտենտի ստեղծում, նոր սոցիալական էջերի ստեղծում (e.g. Instagram, Twitter, Facebook, YouTube, TikTok, Pinterest),
• Սոցիալական ցանցերում ազդեցիկ անձանց (influencer) հետ համագործակցում,
• Սոցիալական հարթակներում պարբերական գրառումների կատարում (ֆոտո, վիդեո բովանդակություն):

4․ Փորձագետին ներկայացվող պահանջներն են՝

• Հայաստանի Հանրապետության քաղաքացիություն,
• կրթություն՝ առնվազն միջնակարգ կրթություն,
• ծրագրով նախատեսվող աշխատանքների իրականացման հետ կապված անհրաժեշտ իրավական ակտերի իմացություն,
• համակարգչով և ժամանակակից այլ տեխնիկական միջոցներով աշխատելու ունակություն,
• գրական հայերենի տիրապետում, ռուսերեն և անգլերեն լեզուների իմացությունը ցանկալի է,
• սոցիալական մեդիա հարթակների իմացություն (e.g. Instagram, Twitter, Facebook, YouTube, TikTok, Pinterest),
• պատասխանատվության բարձր զգացում, ճշտապահություն, տրամաբանելու և տարբեր իրավիճակներում արագ կողմնորոշվելու ունակություն,
• սոցիալական հարթակներում գովազդի տեղադրման իմացություն,
• վիդեո և ֆոտո բովանդակության ստեղծման և մշակման հավելվածների իմացություն։

5․ Դիմումների ընդունման վերջին ժամկետն է 2022թ. հունիսի 15-ը ներառյալ:

6․ Աշխատավայրը` ք. Երևան, Մհեր Մկրտչյան 5:

7. Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարագապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» ՀՀ օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում։

8․ Ընտրություն կատարելու եղանակը`

Դիմում ներկայացրած քաղաքացիների փաստաթղթերի և ինքնակենսագրականների ուսումնասիրություն:

9․ Դիմող քաղաքացիները պետք է ներկայացնեն հետևյալ փաստաթղթերը.

• դիմում նախարարության գլխավոր քարտուղարի անունով (դիմումի ձևը կցվում է),
• հայտարարություն (ձևը կցվում է) ՀՀ կառավարության 02.08.2018թ. N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին,
• տվյալ պաշտոնն զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի/ների), վկայական/ների), աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները բնօրինակների հետ միասին, հայերեն ինքնակենսագրականներ (CV),
• արական սեռի անձինք` նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները` բնօրինակի հետ միասին, կամ համապատասխան տեղեկանք,
• մեկ գունավոր լուսանկար 3X4 սմ չափի,
• անձնագրի կամ նույնականացման քարտի պատճենը։

10․ Քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով՝ նշելով, թե որ ստորաբաժանման փորձագետի պաշտոնի համար է դիմում (առանց ստորաբաժանման անվանման նշման դիմումները չեն դիտարկվի):

11․ Փաստաթղթերն ընդունվում են ամեն օր` ժամը 09.30-12.30-ը (բացի շաբաթ և կիրակի օրերից)։

Լրացուցիչ տեղեկությունների համար դիմել Նախարարության անձնակազմի կառավարման վարչություն (ք. Երևան, Մհեր Մկրտչյան 5, 7-րդ հարկ, 703 սենյակ, հեռ.` 011-59-71-98, էլեկտրոնային փոստի հասցեն` lbaghdasaryan@mineconomy.am):