Հետաքրքրության արտահայտման

հրավեր խորհրդատվական ծառայությունների մատուցման համար

Երկիր՝ Հայաստանի Հանրապետություն
Ծրագիր՝ Համայնքների Գյուղատնտեսական ռեսուրսների կառավարման և մրցունակության երկրորդ (ՀԳՌԿՄ 2-րդ) ծրագիր
Ծրագրի համարը՝ P133705
Վարկի/Փոխառության համարը՝ Վարկ No.8374-AM
Նշանակման անվանումը՝ Ծրագրի ճարտարագետ-շինարար
Հղման համարը՝ SOE-18-21  /ըստ Գնումների պլանի/
 

Հայաստանի Հանրապետության կառավարությունը Համաշխարհային բանկի կողմից ստացել է վարկ «Համայնքների Գյուղատնտեսական ռեսուրսների կառավարման և մրցունակության» երկրորդ ծրագիրի (ՀԳՌԿՄ 2) իրացման նպատակով և նախատեսվում է այդ գումարների մի մասով վճարել Ծրագրի ճարտարագետ-շինարարի ծառայությունները:

Խորհրդատվական ծառայությունների նպատակն է` աջակցել ՀԳՌԿՄ 2-րդ Ծրագրի շրջանակներում կատարվող շինարարական և նախագծա-նախահաշվային աշխատանքներին:    

Խորհրդատուի ծառայությունները (այսուհետ՝ Ծառայություններ) ներառում են՝  

Ø  իրականացնել վերահսկողություն Ծրագրի կողմից ֆինանսավորվող շինարարական և նախագծային աշխատանքների ամբողջ ընթացքի նկատմամբ մինչև վերջնական ակտով աշխատանքների ընդունում-հանձնումը` համաձայն կապալառուի հետ կնքված պայմանագրի,

Ø  սերտորեն համագործակցել շինարարական աշխատանքների կապալառուների, նախագծային աշխատանքներն իրականացնողների և ՀԳՌԿՄ2 ծրագրի համակարգողների հետ,

Ø  ծրագրի իրականացման ընթացքում կատարել և ՀԳՌԿՄ2 ծրագրի ղեկավարին տրամադրել նախագծային և շինարարական աշխատանքների մանրամասն վերլուծություն,

Ø  կապալառուների նկատմամբ իրականացնել տեխնիկական և շինարարական աշխատանքների ընթացքի հսկողություն,

Ø  նախագծային կազմակերպությանը տրամադրել նախագծային-տեխնիկական պայմանները,

Ø  համախմբել համապատասխան տարածքում ինժեներական ենթակառուցվածքները/ջրամատակարարում, ջրահեռացում, էլեկտրամատակարարում, ոռոգում/ սպասարկող իրավասու կազմակերպությունների կողմից կառուցապատողին տրամադրվող տվյալները, որտեղ ամրագրվում են գոյություն ունեցող ինժեներական ենթակառուցվածքներին միանալու կամ ինքնավար սպասարկման հնարավոր լավագույն լուծումները, 

Ø  նախագծային կազմակերպությանը տրամադրել կառույցի տեխնիկական պայմանները և նախագծային առաջադրանքը,   

Ø  մինչ նախագծի փորձաքննություն կատարելը նախագծողի հետ անցկացնել նախագծի քննարկում,

Ø  փորձաքննության դրական եզրակացություն ստանալուց հետո այն սահմանված կարգով համաձայնեցնել տեղական ինքնակառավարման մարմինների հետ,

Ø  նախագիծը համապատասխան մարմինների հետ սահմանված կարգով համաձայնեցնելուց հետո այն ներկայացնել ՀԳՌԿՄ2 ծրագրի ղեկավարի հաստատմանը,

Ø  կառույցի շինարարության ընթացքում վերահսկել շինարարական կազմակերպության գործունեությունը համաձայն ՀՀ Քաղաքաշինության նախարարության 1998 թ. ապրիլի 28-ի` «Շինարարության որակի տեխնիկական հսկողության իրականացման հրահանգի» մասին ՔՆ հ. 44 հրամանի,

Ø  վերահսկել շինարարական գործընթացը կառույցի ժամանակացույցի համաձայն,

Ø  շինարարության ընթացքում համակարգել կապալառուի, տեխնիկական հսկողության և նախագծային կազմակերպության, հեղինակային հսկողության աշխատանքները,

Ø  ընդունել աշխատանքների որակի տեխնիկական և հեղինակային հսկողության կազմակերպությունների կողմից պատրաստված հաշվետվությունները,

Ø  խախտումներ հայտնաբերելու դեպքում զեկուցել տնօրենին,

Ø շինարարության ավարտից հետո գործող օրենքին համապատասխան կազմակերպել կառույցի ընդունում-հանձնումը` ներգրավելով համապատասխան շահագրգիռ կազմակերպություններին,

Ø  մուտքագրել ԿՏՀ «Շինարարության մոդուլում» ընգրկված ցուցանիշների վերաբերյալ պահանջվող տվյալները և ապահովել դրանց լրամշակումը:

ՀՀ էկոնոմիկայի նախարարության Գյուղատնտեսության ծրագրերի իրականացման վարչությունը (ԳԾԻՎ) սույնով հրավիրում է իրավասու խորհրդատուներին ներկայացնելու իրենց հետաքրքրվածության հայտերը ծառայության մատուցման համար: Հետաքրքրված խորհրդատուները պետք է ներկայացնեն ինքնակենսագրական սեղմագրեր (CVs), որոնք ներառում են տեղեկատվություն ծառայությունների իրականացման համար պահանջվող որակավորման և համապատասխան փորձի վերաբերյալ:

Կարճ ցուցակում ընդգրկվելու չափանիշներն են.

Բարձրագույն կրթություն ճարտարագիտության, շինարարության, գյուղատնտեսության կամ հարակից ոլորտներում;
Առնվազն 7 տարվա աշխատանքային փորձ, որից առնվազն 3 տարվա փորձ զարգացմանն ուղված միջազգային/ազգային ծրագրերում;
Դոնորների հետ աշխատելու փորձ, պետական և հասարակական կազմակերպությունների հետ աշխատելու փորձ, ինչպես նաև շինարարական և նախագծա-նախահաշվային աշխատանքների լավ իմացություն;
Հայերերեն լեզվի (գրավոր և բանավոր) գերազանց տիրապետում, անգլերեն լեզվի իմացությունը դիտարկվում է որպես առավելություն,
Համակարգչի՝ հատկապես MS Office ծրագրային փաթեթի լավ իմացություն:
 

Կարճ ցուցակում ընդգրկվելու փուլին խորհրդատուները չեն գնահատվելու:

Հետաքրքրված խորհրդատուների ուշադրությունը հրավիրվում է Համաշխարհային Բանկի ուղեցույցների 1.9 կետին. ՎԶՄԲ վարկի և ՄԶԸ փոխառությունների և դրամաշնորհների շրջանակներում խորհրդատուների ընտրություն և վարձում Համաշխարհային Բանկի Վարկառուների կողմից, հունվար 2011 («Խորհրդատուների ընտրության ուղեցույց»), որտեղ մասնավորապես նշվում է Համաշխարհային Բանկի քաղաքականությունը շահերի բախման վերաբերյալ:

Խորհրդատուի ընտրությունը կիրականացվի Խորհրդատուների ընտրության ուղեցույցով սահմանված Խորհրդատուների Որակավորման վրա հիմնված ընտրության ընթացակարգով:

Լրացուցիչ տեղեկություններ կարող են ձեռք բերվել ստորև նշված հասցեում, աշխատանքային օրերին, ժամը 10:00-ից մինչև 17:00:

Հետաքրքրվածության հայտերը պետք ներկայացվեն էլեկտրոնային ձևով մինչև 2021թ. օգոստոսի 19-ը ժամը 17:00-ը ստորև նշված հասցեով:

Էլ-փոստ. atovmasyan@agridf.am