Նախարարի տեղակալ Անուշիկ Ավետյանը մասնակցել է «Հզորացնելով առևտուրն ու մրցունակությունը Արևելյան գործընկերության երկրներում» համատեղ ծրագրի մեկնարկին
ՀՀ Էկոնոմիկայի նախարարի տեղակալ Անուշիկ Ավետյանը նոյեմբերի 13-ին մասնակցել է Տնտեսական համագործակցության և զարգացման կազմակերպության և Առևտրի միջազգային կենտրոնի կողմից մեկնարկած «Հզորացնելով առևտուրն ու մրցունակությունը Արևելյան գործընկերության երկրներում» համատեղ ծրագրի պաշտոնական մեկնարկին։
«Առևտրի խթանումը միայն արդյունավետության մասին չէ․ այն վերաբերում է ՓՄՁ-ների համար նոր հնարավորությունների ստեղծմանը, մեր կառույցների և համակարգերի նկատմամբ վստահության ամրապնդմանը և հայկական բիզնեսի գլոբալ մրցունակության բարձրացմանը։ Ծրագիրը կաջակցի կայուն քաղաքականության մշակմանը, թվայնացման խթանմանը և ՓՄՁ-ներին միջազգայնացմանը»,- իր խոսքում նշել է նախարարի տեղակալ Անուշիկ Ավետյանը:
Բացմանը ներկա է եղել և ելույթով հանդես եկել նաև Հայաստանում ԵՄ պատվիրակության ղեկավար, դեսպան Վասիլիս Մարագոսը։
Ծրագրի հիմնական նպատակն է աջակցել Արևելյան գործընկերության երկրներում տնտեսական մրցունակության և գործարար միջավայրի ապահովմանն ուղղված բարեփոխումներին։
Ծրագրի նախնական փուլում նախատեսվում է մեկնարկել 2025 - 2026թթ. Արևելյան Եվրոպայի և Հարավային Կովկասի երկրների մրցունակության հեռանկարի առաջին գնահատումը։ Ծրագիրը ֆինանսավորվում է ԵՄ կողմից։
Ծրագրի մեկնարկին նվիրված միջոցառմանը հաջորդել է Առևտրի խթանման վերաբերյալ համաժողովը։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`