Նախարարի տեղակալ Էդգար Զաքարյանն ընդունել է ՉԺՀ Շանհայ քաղաքի պատվիրակությանը
ՀՀ էկոնոմիկայի նախարարի տեղակալ Էդգար Զաքարյանը հուլիսի 29-ին ընդունել է Չինաստանի Ժողովրդական Հանրապետության Շանհայ քաղաքի պատվիրակությանը, որի կազմում էին Շանհայի քաղաքապետարանի Պուդոն նոր շրջանի, Շանհայի Ազատ առևտրի գոտու, ներդրումային, տնտեսական զարգացման և կառավարման ստորաբաժանումների ղեկավարներ։
Պատվիրակությունը Հայաստան է ժամանել «Հայ-չինական գործընկերության կենտրոն» ՀԿ-ի հրավերով՝ հայկական ընկերությունների ներկայացվածությունը Շանհայի Ազատ առևտրի գոտում ընդլայնելու, ինչպես նաև փոխադարձ հետաքրքրություն ներկայացնող նախագծերում համագործակցություն հաստատելու նպատակով։
Շանհայի Պուդոն նոր շրջանի Ազատ գոտին Չինաստանի ամենաարագ զարգացող տեխնոլոգիական կենտրոններից է, որտեղ գործունեություն են ծավալում չինական խոշորագույն տեխնոլոգիական ընկերություններ՝ մասնագիտացած ռոբոտաշինության, բժշկական սարքավորումների, անօդաչու սարքերի, անվտանգության համակարգերի, ինչպես նաև նորագույն ինժեներական և համակարգչային լուծումների արտադրության ոլորտներում։
Հանդիպման ընթացքում կողմերը քննարկել են տնտեսության տարբեր ոլորտներում համագործակցության ուղիները և գործարար կապերի զարգացման հեռանկարները։ Էդգար Զաքարյանն առաջարկել է դիտարկել տարբեր ձևաչափերով գործարար հանդիպումների կազմակերպման, ինչպես նաև չինական կապիտալով արդյունաբերական կլաստերի ստեղծման հնարավորությունը։
Նախարարի տեղակալը պատրաստակամություն է հայտնել աջակցելու այն նախաձեռնություններին, որոնք ուղղված կլինեն Հայաստանի և Չինաստանի միջև տնտեսական համագործակցության խթանմանն ու գործարար կապերի ամրապնդմանը։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`