Նախարարի տեղակալ Նարեկ Տերյանը հանդիպել է դեղագործական ընկերությունների ներկայացուցիչների հետ
Էկոնոմիկայի նախարարի տեղակալ Նարեկ Տերյանը հուլիսի 11-ին հանդիպել է դեղագործական ընկերությունների ներկայացուցիչների հետ՝ ոլորտի խնդիրները քննարկելու նպատակով։
Քննարկվել են դեղագործական արդյունաբերության զարգացման հնգամյա ծրագիրը, ոլորտում իրականացվող պետական տնտեսական քաղաքականությունն ու ոլորտում գործող ընկերություններին տրամադրվող պետական աջակցության միջոցառումները, որոնք Կառավարության որոշմամբ ընդունվել են այս տարի։
Ոլորտի ներկայացուցիչները դրական են գնահատել Կառավարության ջանքերը դիվերսիֆիկացման և ներդրումային միջավայրի բարելավման ուղղությամբ, նշել, որ Հայաստանը Հարավային Կովկասի միակ երկիրն է, որն ապահովում է դեղագործական արտադրանքի ամբողջական ցիկլը։
Անդրադարձ է կատարվել արտադրական գործունեության միջազգային չափանիշներին համապատասխանելու հավաստագրերի, որակի ենթակառուցվածքների հետ կապված խնդիրներին։
Մտքեր են փոխանակվել տեղական դեղագործական արտադրանքի արտահանման դիվերսիֆիկացման, ծավալների ավելացման և դրանց բավարար ներուժի վերաբերյալ։
Արտասահմանյան շուկաներում տեղական արտադրանքի ճանաչելիությունը բարձրացնելու նպատակով ընդգծվել է միջազգային ցուցահանդեսներին ակտիվ մասնակացության կարևորությունը և Կառավարության գործուն ջանքերը դրանց համաֆինանսավորման ուղղությամբ։
Պայմանավորվածություն է ձեռք բերվել այս ձևաչափով պարբերական հանդիպումների անցկացման վերաբերյալ։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
(+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`