Ռաֆայել Գևորգյանն այցելել է Տավուշի մարզի տեքստիլ ընկերություններ
Նախարարի տեղակալ Ռաֆայել Գևորգյանը Հայաստանի տեքստիլ արդյունաբերության աջակցության ծրագրի շրջանակում հերթական այցերն է կատարել տեքստիլի ընկերություններ։
Այս անգամ այցելություններ են կատարվել Տավուշի մարզի «Տեքսուորլդ» և «Տավուշ տեքստիլ» ընկերություններ։
Այցի նպատակն էր տեղում ծանոթանալ ընկերությունների արտադրական հզորություններին, առաջիկա ծրագրերին և առկա խնդիրներին։
«Տեքսուորլդ» ընկերությունն արտադրում է արտահագուստ, որոշ խմբաքանակ արտադրվում է ՀՀ Զինված ուժերի համար։ Ընկերությունն ունի արտահագուստի իր սեփական՝ «Դելտա» ապրանքանիշը։
«Տավուշ տեքստիլ» ընկերությունը շինարարական ձեռնոցների արտադրության ոլորտի առաջատարներից է։ Արտադրանքի գերակշիռ մասն արտահանվում է: Ընկերությունն իր գործունեության ընթացքում գրանցել է զարգացման դինամիկ աճ՝ շարունակաբար ավելացնելով արտադրանքի և արտահանման ծավալները: Ընկերության Բերդ քաղաքի մասնաճյուղում աշխատում է շուրջ 400 աշխատակից։
Այցի ընթացքում Ռաֆայել Գևորգյանը հանդիպում է ունեցել նաև Տավուշի մարզի Առևտրաարդյունաբերական պալատի ներկայացուցիչների հետ։ Քննարկվել են մարզում տեքստիլ ոլորտի ընթացիկ զարգացումները, արտադրություւների ընդլայնման հնարավորությունները։
Ռաֆայել Գևորգյանը նշել է, որ Տավուշի մարզում թեթև արդյունաբերության ոլորտը զարգանալու մեծ ներուժ ունի, ինչը խիստ կարևոր է զբաղվածության ապահովման տեսանկյունից ևս։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`