ՀՀ կառավարության կողմից հաստատվել է «Հայաստանի Հանրապետության կառավարության 2025 թվականի հուլիսի 3-ի N 904-Ն որոշման մեջ փոփոխություն կատարելու մասին» Հայաստանի Հանրապետության կառավարության որոշումը /09.04.2026, N 449-Ն/։

 2025 թվականի դեկտեմբերի 25-ին ՀՀ կառավարության կողմից հաստատվել է «Հայաստանի Հանրապետության տարածք ներմուծվող առանձին տեսակի գյուղատնտեսական ապրանքների նկատմամբ սակագնային քվոտա կիրառելու մասին» N 1933-Ն որոշումը, որով 2026 թվականի համար Հայաստանի Հանրապետությանը հատկացվել են սակագնային քվոտա՝ 8,0 հազ․ տոննա ծավալով խոշոր եղջերավոր անասունների մսի, 13,0 հազ․ տոննա ծավալով խոզի մսի և 42,0 հազ․ տոննա ծավալով ընտանի թռչունների մսի հանդեպ։

Հայաստանի Հանրապետության կառավարության 2025 թվականի հուլիսի 3-ի N 904-Ն որոշման 1-ին կետի 1-ին ենթակետով հաստատված N 1 հավելվածի 30-րդ կետի համաձայն՝ Ներմուծման թույլատրելի ծավալի բաշխումից հետո առաջացած նոր բաշխման թույլատրելի ծավալի մասին լիազոր մարմնի սույն կարգի 29-րդ կետով նախատեսված ժամկետի ավարտից 3 աշխատանքային օր անց իր պաշտոնական կայքում տեղադրում է հայտարարություն՝ նշելով հայտերի ներկայացման վերջնաժամկետը։

Ուշադրություն

Հայտերի ներկայացման ժամկետը՝ 17.04.2026թ. – 29.04.2026թ.

Նշյալ սակագնային արտոնությունից օգտվելու համար տնտեսվարող սուբյեկտները Հայաստանի Հանրապետության կառավարության 2025 թվականի հուլիսի 3-ի N 904-Ն որոշման 1-ին կետի 1-ին ենթակետով հաստատված N 1 հավելվածի 18-րդ կետի համաձայն ՀՀ էկոնոմիկայի նախարարություն են ներկայացնում ուղեկցող գրություն` նշելով իրավաբանական անձի կամ անհատ ձեռնարկատիրոջ գտնվելու վայրը, պետական գրանցման կամ հաշվառման համարը, ՀՎՀՀ-ն, էլեկտրոնային փոստի հասցեն և հեռախոսահամարը, ինչպես նաև`

1. հայտ` համաձայն ձևի.
2. գլխավոր լիցենզիայի դեպքում` պայմանագրի կամ կողմերի մտադրությունների մասին վկայող այլ փաստաթղթի պատճենը, իսկ մեկանգամյա լիցենզիայի դեպքում` հաշիվ-ապրանքագրի պատճենը.
3. պետական տուրքի վճարման անդորրագրի պատճենը կամ պետական վճարումների էլեկտրոնային համակարգի կողմից գեներացված անդորրագիրը կամ անդորրագրի 20-նիշանոց ծածկագրի վերաբերյալ տեղեկություն։

Ուղեկցող գրությունը և դրան կից փաստաթղթերը անհրաժեշտ է ներկայացնել նախարարություն՝ էլեկտրոնային եղանակով (էլեկտրոնային հասցեն՝ secretariat@mineconomy.am), փոստային կամ առձեռն։