ՀԱՅՏԱՐԱՐՈՒԹՅՈՒՆ ԹԱՓՈՒՐ ՀԱՍՏԻՔԻ ՎԵՐԱԲԵՐՅԱԼ

Ծրագրի իրականացման թիմի վարորդ

Հայաստանի Հանրապետություն

Հայաստան: «Կլիմայական փոփոխություններին հարմարեցվող պարենային անվտանգության բարձրացման ծրագիր» (CAFSEP)

Դրամաշնորհ No. 9241

Ծրագիր No. 57088-001

Բաժանմունք՝ ՀՀ էկոնոմիկայի նախարարության Գյուղատնտեսական Ծրագրերի Իրականացման Վարչություն (այսուհետ՝ ԳԾԻՎ)

Տեղեկանք No. (գնումների պլանին համապատասխան): CAFSEP-S-25-8

Հայաստանի Հանրապետության կառավարությունը՝ ի դեմս ՀՀ էկոնոմիկայի նախարարության (այսուհետ՝ ՀՀ ԷՆ) «Կլիմայական փոփոխություններին հարմարեցվող պարենային անվտանգության բարձրացման ծրագրի» (այսուհետ՝ CAFSEP կամ Ծրագիր) իրականացման նպատակով Ասիական զարգացման բանկի (այսուհետ՝ ԱԶԲ) աջակցությամբ ֆինանսավորում է ստացել Բարգավաճ և դիմակայուն Ասիայի և Խաղաղօվկիանոսյան տարածաշրջանի ճապոնական հիմնադրամից (JFPR) և մտադիր է ստացված գումարի մի մասը ուղղել Ծրագրի իրականացման թիմի վարորդի ծառայություններին:

Նպատակը. Ծրագրի գրասենյակի վարորդը իր սեփական ավտոմեքենայով կապահովի հիմնական աջակցության դերը ԳԾԻՎ-ի շրջանակներում՝ ուղղակիորեն զեկուցելով Ծրագրի իրականացման թիմի տնօրենին: Այս պաշտոնի առաջնային նպատակն է համակողմանի աջակցություն ցուցաբերել Ծրագրի արդյունավետ իրականացման գործում:

Պարտականություններ. Ծրագրի վարորդը  պատասխանատու կլինի մի շարք խնդիրների համար, ներառյալ, բայց չսահմանափակվելով հետևյալով.

• Կազմակերպել Ծրագրի իրականացման թիմի տնօրենի և անդամների ժամանակին և անվտանգ տեղափոխում (քաղաք Երևանում և ՀՀ տարածքում),
• Վարել սեփական տրանսպորտային միջոցը (էլեկտրական)՝ համաձայն ստացված առաջադրանքների,
• Խնամքով շահագործել տրանսպորտային միջոցը՝ հետևելով տեխնիկական վիճակին,
• Ապահովել տրանսպորտային միջոցի անվտանգ աշխատանքը և խնդիրների առաջացման դեպքում անմիջապես տեղեկացնել:
• Մեքենան պահպանել կանոնավոր վիճակում՝ մաքուր, տեխնիկապես պատրաստ շահագործման համար,
• Իր հաշվին ապահովել ավտոմեքենայի անխափան շահագործումը և անհրաժեշտ պահեստամասերը,
• Ճշգրիտ պահպանել երթևեկության կանոնները,
• Ապահովել ավտոմեքենայի տեխնիկական անվտանգությունը,
• Կատարել անմիջական ղեկավարի կողմից հանձնարարաված այլ առաջադրանքներ։

ՀՀ ԷՆ-ն այսուհետ հրավիրում է սեփական ավտոմեքենայով (էլեկտրական) վարորդներին ցուցաբերելու Ծառայությունների մատուցման իրենց հետաքրքրությունը։ Հետաքրքրված վարորդները պետք է տրամադրեն տեղեկատվություն, որը ցույց կտա, որ նրանք ունեն պահանջվող որակավորում և համապատասխան փորձ Ծառայությունների կատարումն ապահովելու համար:

Որակավորումներ և պահանջներ

• Վարորդական իրավունք և վարելու նվազագույնը 10 տարվա փորձ,
• Սեփական ավտոմեքենայի առկայություն (էլեկտրական ավտոմեքենա առնվազն 2023թ․ արտադրության),
• Մեքենաների և դրանց տեխնիկական սպասարկման տարրերի լավ իմացություն,
• Մեքենայի կանոնավոր և սարքին վիճակի պահպանում՝ մաքուր, տեխնիկապես պատրաստ շահագործման,
• Մեքենայի անխափան շահագործման համար անհրաժեշտ պահեստամասերի ապահովում,
• Կիրթ, լուրջ, խելացի, հետևողական և պատասխանատու անձ,
• Ներկայացուցչական արտաքին,
• Հաղորդակցման գերազանց ունակություններ՝ միջանձնյա հարաբերություններ հաստատելու և պահպանելու ունակություն:

Ծառայությունը տևելու է Ծրագրի ողջ ընթացքում՝ 2025-ից մինչև 2027 թվականի հունիս ամիսը ներառյալ։

Լրացուցիչ տեղեկություն կարող եք ստանալ ստորև նշված հասցեով աշխատանքային ժամերին 10:00-17:00:

Դիմումները պետք է գրավոր ներկայացվեն ստորև նշված հասցեով (էլեկտրոնային փոստով, փոստով կամ անձամբ) մինչև 2025 թվականի նոյեմբերի 14-ը, տեղական ժամանակով ժամը 17:00-ն:

Հայաստանի Հանրապետության էկոնոմիկայի նախարարություն

ք. Երևան, Մհեր Մկրտչյան 5

Հեռ.՝  +(374-11)-597-284;   Էլ. փոստ: azata.tovmasyan@mineconomy.am