ՀԱՅՏԱՐԱՐՈՒԹՅՈՒՆ

Էկոնոմիկայի նախարարությունը հայտարարում է մրցույթ՝ Էկոնոմիկայի նախարարության «Գյուղատնտեսական ծառայությունների կենտրոն» պետական ոչ առևտրային կազմա­կեր­պության տնօրենի թափուր պաշտոն զբաղեցնելու համար
 

• Տնօրենը`

առանց լիազորագրի հանդես է գալիս կազմակերպության անունից, ներկայացնում նրա շահերը և կնքում գործարքներ (պայմանագրեր),

Հայաստանի Հանրապետության օրենսդրությամբ, հիմնադրի ու լիազորված պետական մարմնի որոշումներով ու կանոնադրությամբ սահմանված կարգով տնօրինում է կազմակերպության գույքը, այդ թվում՝ ֆինանսական միջոցները,

տալիս է կազմակերպության անունից հանդես գալու լիազորագրեր, այդ թվում՝ վերալիազորման իրավունքով լիազորագրեր,

բանկերում բացում է հաշվարկային հաշիվներ,

կատարում է աշխատանքի բաշխումն իր տեղակալների միջև,

սահմանում է կազմակերպության կառուցվածքը և կառուցվածքային ստորաբաժանումների իրավասությունը,

աշխատանքի նշանակում և աշխատանքից ազատում է կազմակերպության աշխատողներին, նրանց նկատմամբ կիրառում խրախուսման միջոցներ և նշանակում կարգապահական տույժեր,

իրականացնում է օրենքով և կազմակերպության կանոնադրությամբ սահմանված այլ լիազորություններ:

• Նշված թափուր պաշտոնը զբաղեցնելու համար պահանջվում է՝
   

1. «Տնտեսագիտություն» կամ «Կառավարում» կամ «Ծառայություններ (սերվիս)» կամ  «Անասնաբուժություն» կամ «Ագրոքիմիա» կամ «Իրավագիտություն» մասնագիտությամբ բարձրագույն կրթություն,
2. հանրային ծառայության առնվազն չորս տարվա ստաժ կամ առնվազն հինգ տարվա մասնագիտական աշխատանքային ստաժ կամ կառավարման կամ ֆինանսատնտեսագիտական կամ գյուղատնտեսության բնագավառի առնվազն երեք տարվա աշխատանքային ստաժ,
3. առնվազն մեկ օտար լեզվի իմացություն։

• Դիմող ՀՀ քաղաքացիները պետք է ներկայացնեն հետևյալ  փաստաթղթերը՝

1. լրացված դիմում, ձևը կցվում է
2. ինքնակենսագրություն, ձևը կցվում է
3. անձնագիր կամ նույնականացման քարտ (բնօրինակը և պատճենը)
4. 2 գունավոր լուսանկար` 3 x 4
5. բարձրագույն կրթությունը հավաստող դիպլոմը (դիպլոմները) (բնօրինակը (բնօրինակները) և պատճենը (պատճենները),
6. աշխատանքային գործունեությունը հավաստող վավերացված համապատասխան տեղեկանք (փաստաթուղթ), որը կբավարարի սահմանված պահանջներին և հաշվառման համակարգի տեղեկատվական բազայում առկա տվյալները ներառող տեղեկանք նախկին աշխատանքային գործունեության վերաբերյալ,
7. օտար լեզվի իմացությունը հավաստող փաստաթուղթը (բնօրինակը (բնօրինակները) և պատճենը (պատճենները) առկայության դեպքում, իսկ էլեկտրոնային եղանակով դիմելու դեպքում՝ բնօրինակի (բնօրինակների) սկանավորված տարբերակը)` առկայության դեպքում: 

Քաղաքացին մրցույթին մասնակցելու համար փաստաթղթերը հանձնում է առձեռն:

Փաստաթղթերն ընդունվում են առձեռն եղանակով ք. Երևան, Մհեր Մկրտչյան 5 հասցեով` 704 սենյակ, երկուշաբթի, երեքշաբթի, չորեքշաբթի օրերին`  ժամը 09:30-ից մինչև 12:30-ն, հինգշաբթի, ուրբաթ օրերին` ժամը 14:30-ից մինչև 17:30-ն։

Մրցույթի թեստավորման փուլը կանցկացվի 2025 թ. ապրիլի 4-ին, ժամը 10:00-ին, իսկ հարցազրույցի փուլը՝ 2025թ.ապրիլի 9-ին՝ ժամը 16:30-ին, ք. Երևան, Մհեր Մկրտչյան 5 հասցեում:

Թեստավորման փուլին նախապատրաստվելու համար անհրաժեշտ նորմատիվ իրավական ակտերի շրջանակն է՝

ՀՀ Սահմանադրություն

ՀՀ աշխատանքային օրենսգիրք

«Պետական ոչ առևտրային կազմակերպությունների մասին» ՀՀ օրենք

«Գնումների մասին» ՀՀ օրենք

«Բյուջետային համակարգի մասին» ՀՀ օրենք

Հողային օրենսգիրք

«Անասնաբուժության մասին» ՀՀ օրենք

«Բուսասանիտարիայի մասին» ՀՀ օրենք

«Տոհմային անասնաբուծության մասին» ՀՀ օրենք,

«Մեղվաբուծության մասին» ՀՀ օրենք

ՀՀ կառավարության 2022 թվականի ապրիլի 22-ի N 539-Ն որոշում

ՀՀ կառավարության 2024 թվականի օգոստոսի 22-ի  N 1392-Լ որոշում

ՀՀ կառավարության 2021 թվականի հունիսի 3-ի N 927-Լ որոշում (Հայաստանի Հանրապետությունում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության ծրագիր)

ՀՀ կառավարության 2023 թվականի ապրիլի 13-ի N 532-Լ որոշում (Հայաստանի Հանրապետությունում արդյունաբերական խեցգետնաբուծության զարգացման 2024-2026 թվականների ծրագիր)

Հարցազրույցի փուլին նախապատրաստվելու համար անհրաժեշտ նորմատիվ իրավական ակտերի և հմտությունների շրջանակն է՝

ՀՀ Սահմանադրություն

ՀՀ աշխատանքային օրենսգիրք

«Պետական ոչ առևտրային կազմակերպությունների մասին» ՀՀ օրենք

«Գնումների մասին» ՀՀ օրենք

Հողային օրենսգիրք  

«Անասնաբուժության մասին» ՀՀ օրենք

«Տոհմային անասնաբուծության մասին» ՀՀ օրենք,

«Բուսասանիտարիայի մասին» ՀՀ օրենք

 «Մեղվաբուծության մասին» ՀՀ օրենք

«Բարեվարքություն» կոմպետենցիա

https://www.gov.am/u_files/file/Haytararutyunner/3.pdf

«Աշխատակազմի (անձնակազմի) կառավարում» կոմպետենցիա

https://www.gov.am/u_files/file/Haytararutyunner/1.pdf

«Որոշումների կայացում» կոմպետենցիա

https://www.gov.am/u_files/file/Haytararutyunner/7.pdf

Թեստի հարցերի նմուշ

Հարցազրույցի փուլ անցած մասնակիցները մինչև 2025 թվականի ապրիլի 7-ը՝ ժամը 12:00-ը պետք է hանձնաժողովին նախապես ներկայացնեն նշված պետական կազմակերպության զարգացման և բարեփոխման իրենց մշակած հայեցակարգը՝ էլեկտրոնային տարբերակով,  l_nanagulyan@mineconomy.am էլ․ հասցեին :

 Հայեցակարգը պետք է`

1) լինի առավելագույնը 20 էջ. 

2) պարունակի պետական կազմակերպության ոլորտի առկա խնդիրների համակարգային վերլուծությունը և գնահատումը.

3) ներառի պետական կազմակերպության բնագավառի զարգացման և բարեփոխման առաջարկները:

Դիմումների ընդունման վերջին ժամկետն է 2025 թվականի մարտի 20-ը:     

Հիմնական աշխատավարձի չափն է 580000  ՀՀ դրամ:       

Լրացուցիչ տեղեկություններ ստանալու համար դիմել Էկոնոմիկայի նախարարության անձնակազմի կառավարման վարչություն՝ 011-597-196 հեռախոսահամարով: