ՀԱՅՏԱՐԱՐՈՒԹՅՈՒՆ ԹԱՓՈՒՐ ՀԱՍՏԻՔԻ ՎԵՐԱԲԵՐՅԱԼ

(ԽՈՐՀՐԴԱՏՎԱԿԱՆ ԾԱՌԱՅՈՒԹՅՈՒՆՆԵՐ)

Ծրագրի իրականացման թիմի վճարումների մասնագետ

Հայաստանի Հանրապետություն

Հայաստան: «Կլիմայական փոփոխություններին հարմարեցվող պարենային անվտանգության բարձրացման ծրագիր» (CAFSEP)

Դրամաշնորհ. 9241

Ծրագիր No. 57088-001

Տեղեկանք No. (գնումների պլանին համապատասխան): CAFSEP-S-25-7 

Հայաստանի Հանրապետության կառավարությունը՝ ի դեմս ՀՀ էկոնոմիկայի նախարարության ( ՀՀ ԷՆ) «Կլիմայական փոփոխություններին հարմարեցվող պարենային անվտանգության բարձրացման ծրագրի» (այսուհետ՝ CAFSEP կամ Ծրագիր) իրականացման նպատակով Ասիական զարգացման բանկի (ԱԶԲ) աջակցությամբ ֆինանսավորում է ստացել Բարգավաճ և դիմակայուն Ասիայի և Խաղաղօվկիանոսյան տարածաշրջանի ճապոնական հիմնադրամից (JFPR) և մտադիր է ստացված գումարի մի մասը ուղղել խորհրդատվական ծառայություններին:

JFPR-ի կողմից առաջարկվող $3 մլն․ դրամաշնորհը կաջակցի Հայաստանին բարձրացնելու գյուղատնտեսական կենսամիջոցների ճկունությունը և բարելավելու պարենային անվտանգությունը գյուղական վայրերում, որոնք խիստ խոցելի են կլիմայի փոփոխության ազդեցության նկատմամբ: Կլիմայական պայմաններին հարմարեցվող պարենային անվտանգության բարձրացման ծրագիրը (CAFSEP) կենտրոնանալու է ՀՀ երկու՝ Շիրակի և Տավուշի մարզերի վրա, որտեղ փոքր ֆերմերները բախվում են բարձր աղքատության, պարենային անապահովության և կլիմայական ռիսկերի: Դրամաշնորհը կտրամադրի հետևյալը.

(i)    աջակցություն կայուն գյուղատնտեսությանը համայնքում վերաներդրումներ իրականացնելու միջոցով ՝ 10 գյուղերի կլիմայի նկատմամբ կայուն էներգետիկ լուծումներ տրամադրելով՝ նվազեցնել էներգիայի ծախսերը և նպաստել խնայողությունների ստեղծմանը,

(ii)   կենսապահովման աջակցություն 230 գյուղական տնային տնտեսություններին՝ կլիմայի նկատմամբ կայուն գյուղատնտեսության և տեղական համայնքների եկամուտներ ստեղծող ծրագրերի միջոցով, և

(iii)  ՀՀ ԷՆ ինստիտուցիոնալ կարողությունների հզորացում՝ աջակցելու կլիմայի հարմարվողականության պլանավորմանը և մշակելու կլիմայական պայմաններին համապատասխան ներդրումային ծրագրեր գյուղատնտեսության ոլորտում:

Ծրագրի ազդեցությունը՝  կայուն գյուղատնտեսության արտադրողականության բարելավում և գյուղական աղքատության կրճատում։ Իսկ ծրագրի արդյունքը կլինի  ընտրված համայնքների և տնային տնտեսությունների կլիմայական հարմարվողականության կարողությունների բարձրացումը։

Ծրագիրն ունի երեք բաղադրիչ

• Կլիմայի նկատմամբ կայուն էներգետիկ լուծումների ներդնում, և հետագա կիրարկում,
• Սննդի անվտանգության բարձրացման նպատակով կլիմայական խելացի տեխնոլոգիաների կիրարկում, և
• ՀՀ ԷՆ կարողությունների ընդլայնում կլիմայական խելացի գյուղատնտեսության պլանավորման համար։

ՀՀ էՆ-ին կից Ծրագրի իրականացման թիմը (The Project Implementation Team (PIT)) հանդիսանում է ծրագրի իրականացնող մարմինը (Execuitng Agency (EA)), ներառյալ Ծրագրի նախագծով նախատեսված հիմնական գործողությունների հետ դրա համապատասխանության ապահովումը երաշխավորող մարմինը.  Այս տեխնիկական առաջադրանքը նախատեսված է ՀՀ ԷՆ նախարարության (այսուհետ՝ Գործատու) և Ծրագրի իրականացման թիմի վճարումների մասնագետի միջև կնքված պայմանագրի շրջանակներում խորհրդատվական ծառայություններ մատուցելու համար: Ծրագրի իրականացման թիմի վաճարումների մասնագետը (այսուհետ՝ PIT վաճարումների մասնագետ) աշխատելու է որպես խորհրդատու ՀՀ ԷՆ Գյուղատնտեսական ծրագրերի իրականացման վարչությունում (Agriculture Programms Implementation Department of MOE (APID)) և պետք է հիմնականում զեկուցի Ծրագրի իրականացման թիմի տնօրենին:

Առաջադրանքի հիմնական նպատակն է աջակցել ՀՀ ԷՆ-ին և Ծրագրի իրականացման թիմին (PIT) Ծրագրի իրականացման ֆինանսական կառավարման գործում: PIT-ի առաքման մասնագետի աշխատանքն առաջնորդվելու է CAFSEP-ի JFPR դրամաշնորհային համաձայնագրով (GA), դրամաշնորհային աջակցության զեկույցով (GAR) և Ծրագրի կառավարման ձեռնարկով (PAM):

Ծրագրի իրականացման թիմի վճարումների մասնագետը պատասխանատու է հետևյալ խնդիրների համար.

1. Ասիական զարգացման բանկի (ԱԶԲ) վճարումների վերաբերյալ ուղեցույցների և Հայաստանի կանոնակարգերի համաձայն պատրաստել և ներկայացնել մասհանման հայտեր, հատկացման վաուչերներ և հատուկ պարտավորություններ, ուղղակի վճարումներ, ներառյալ համապատասխան օժանդակ փաստաթղթերը,
2. Հատկացնել ծրագրի ծախսերի կատարման հետ կապված վճարումները՝ համաձայն համապատասխան հայտերի և PIT ծախսերի վճարումները ծրագրի կանխավճարային հաշիվներից,
3. Ապահովել  ծրագրի հետ կապված բոլոր ծախսերի վճարումների կատարումը,
4. Պահպանել ստացված բոլոր հաշիվ-ապրանքագրերի վճարման գրառումները,
5. Մշակել PIT-ի առաջնային փաստաթղթերն ու հաշվետվությունները, բոլոր ֆինանսական գործարքները, ներառյալ բանկի ամենօրյա գործառնությունները (որտեղ ստեղծվում են կանխավճարային հաշիվներ) ներմուծել հաշվապահական հաշվառման համակարգ՝ ըստ բանկային հաշվետվությունների և ապահովել դրանց ճշգրիտ դասակարգումն ու հարաբերակցությունը ծախսերի հետ՝ ըստ իրենց կատեգորիաների,
6. Ֆինանսական կառավարման մասնագետի հետ սերտ համաձայնեցմամբ պատրաստել ծրագրի պայմանագրի շնորհման և հատկացման կանխատեսումներ ըստ եռամսյակի,
7. Պատրաստել առաջարկներ վարկային/դրամաշնորհային միջոցների վերաբաշխման համար, երբ ծախսերի կատեգորիաների մնացորդները բավարար չեն հատկացվելիք կամ վճարվելիք գումարները ծածկելու համար,
8. Ամսական դրամական միջոցների հոսքերի հաշվետվությունների պատրաստում բոլոր հասանելի նախագծերի հաշիվների համար ոչ ուշ, քան յուրաքանչյուր ամսվա 10-րդ օրը,
9. Անհրաժեշտության դեպքում աջակցել աուդիտի առաջարկությունների իրականացմանը,
10. Կատարել այլ հարակից գործառույթներ, պարտականություններ և առաջադրանքներ, որոնք կարող են պահանջվել PIT տնօրենի կողմից:

ՀՀ ԷՆ-ն այսուհետ հրավիրում է անհատ խորհրդատուների («Խորհրդատուներ»)՝ ցուցաբերելու Ծառայությունների մատուցման իրենց հետաքրքրությունը։ Հետաքրքրված խորհրդատուները պետք է տրամադրեն տեղեկատվություն, որը ցույց կտա, որ նրանք ունեն պահանջվող որակավորում և համապատասխան փորձ Ծառայությունների կատարումն ապահովելու համար:

Որակավորումներ և պահանջներ

1. Բարձրագույն կրթություն տնտեսագիտության, ֆինանսների, հաշվապահական հաշվառման կամ հարակից այլ բնագավառներում: Մասնագիտական ​​հաշվապահի որակավորում, օրինակ. CAP, CIPA, կդիտարկվի որպես առավելություն
2. Հաշվապահական հաշվառման, բյուջետավորման և ծախսերի հաշվարկման ընթացակարգերի խորը գիտելիքներ
3. Համաշխարհային բանկի և/կամ Ասիական զարգացման բանկի դրամաշնորհային ընթացակարգերի իմացությունը կդիտվի որպես առավելություն
4. Հայաստանի հարկային օրենսդրության իմացություն
5. Առնվազն 5 տարվա փորձ ներդրումային ծրագրերում կամ նմանատիպ ոլորտներում, որից 2 տարին որպես վճարումների մասնագետ
6. Microsoft Word, Excel-ի, Internet Explorer-ի և հաշվապահական համակարգերի հետ աշխատելու ունակություն
7. Անգլերենի գրավոր և բանավոր լավ իմացություն, հայերենի սահուն իմացություն:
    

Պաշտոնավարումը տևելու է Ծրագրի ողջ ընթացքում՝ 2025-ից մինչև 2026 թվականը։

Խորհրդատուն կընտրվի Անհատ խորհրդատուի ընտրության մեթոդով (IC) ԱԶԲ-ի Գնումների քաղաքականությանը (2017թ., որը ժամանակ առ ժամանակ փոփոխվում է ԱԶԲ գնումների քաղաքականությանը համապատասխան) և ԱԶԲ Վարկառուների համար Գնումների կանոնակարգին (2017թ., որը ժամանակ առ ժամանակ փոփոխվում է ԱԶԲ Վարկառուների համար գնումների կանոնակարգերին համապատասխան) համաձայն:

Լրացուցիչ տեղեկություններ կարող եք ստանալ ստորև նշված հասցեով աշխատանքային ժամերին 10:00-17:00:

Հետաքրքրության հայտերը պետք է գրավոր առաքվեն ստորև նշված հասցեով (էլեկտրոնային փոստով, փոստով կամ անձամբ հետաքրքրության արտահայտման թվային պատճեններով) մինչև 2024 թվականի դեկտեմբերի 25-ը, տեղական ժամանակով ժամը 17:00-ն:

Ենթակա է ներկայացման՝ Տիկին Լուսինե Անանյանին, ՀՀ ԷՆ գյուղատնտեսական ծրագրերի իրականացման վարչության միջազգային ծրագրերի համակարգման բաժնի պետ

Հայաստանի Հանրապետության էկոնոմիկայի նախարարություն

5, Mher Mkrtchyan Str., Yerevan 0010, Armenia

Հայաստանի Հանրապետություն, ք․ Երևան, Մհեր Մկրտչյան 5

Հեռ․՝  +(374)-11-54-25-03

E-mail: luananyan@mineconomy.am