ՀՀ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ ԳՅՈՒՂԱՏՆՏԵՍԱԿԱՆ ԾՐԱԳՐԵՐԻ ԻՐԱԿԱՆԱՑՄԱՆ ՎԱՐՉՈՒԹՅՈՒՆ

Անհատ խորհրդատուի ընտրության նպատակով հետաքրքրվածության հայտի ներկայացման հրավեր

Երկիր՝ Հայաստանի Հանրապետություն
Ծրագիր՝ «Հայաստան-Ոռոգվող գյուղատնտեսության զարգացումը Արարատի և Արմավիրի մարզերում» ծրագիր
Ծրագրի համարը՝ CAM 1002 06 (IADAAM)
Դրամաշնորհի համարը՝ Դրամաշնորհ No. CAM 1002 06 D
Նշանակման անվանումը՝ Հաղորդակցության և տեսանելիության մասնագետ (ՀՏՄ) (Խորհրդատու)
Հղման համարը՝ IADAAM-S-25-7 /ըստ Գնումների պլանի/
 

1. Հայաստանի Հանրապետության կառավարությունը ԵՄ/Զարգացման ֆրանսիական գործակալության կողմից ստացել է դրամաշնորհ «Հայաստան-Ոռոգվող գյուղատնտեսության զարգացումը Արարատի և Արմավիրի մարզերում» ծրագրի (այսուհետ Ծրագրի) իրացման նպատակով և նախատեսվում է այդ գումարների մի մասով վճարել Ծրագրի Հաղորդակցության և տեսանելիության մասնագետի՝ տեղական փորձագետի ծառայությունները:
2. Խորհրդատվական ծառայությունների նպատակն է` աջակցել Ծրագրի իրականացմանը և աջակցել Ծրագրի ազգային ղեկավարին՝ ապահովելու բոլոր գործողությունների անխափան ընթացքը:
3. Խորհրդատուի ծառայությունները (այսուհետ՝ Ծառայություններ) ներառում են՝

1. Հաղորդակցության եւ տեսանելիության ռազմավարություն

• Մշակել հաղորդակցության ռազմավարություն և գործողությունների պլան՝ համահունչ ԵՄ արտաքին գործողությունների համար հաղորդակցության և տեսանելիության ձեռնարկին, 
• Մշակել ներառական հաղորդակցության մոտեցում՝ թիրախային լսարաններին, այդ թվում՝ ֆերմերներին, շահագրգիռ կողմերին և հայաստանյան հանրությանը, արդյունավետ հասնելու համար, 
• Ապահովել ԵՄ-ի և ԶՖԳ-ի ներդրումների տեսանելիությունը՝ հաղորդակցական միջոցառումներում նպաստելով թափանցիկությանն ու հաշվետվողականությանը։

2. Նյութերի մշակում եւ տարածում

• Համագործակցել ԷՆ տեղեկատվության և հասարակայնության հետ կապերի վարչության հետ՝ ստեղծելու հետաքրքրաշարժ բովանդակություն, այդ թվում՝ մամլո հաղորդագրություններ, հոդվածներ, հաջողված պատմություններ և վիդեոսցենարներ, 
• Կազմակերպել բովանդակության մշակում տարբեր ձևաչափերով և հաղորդակցական միջոցներով (օր.՝ մեդիա, սոցիալական մեդիա, զեկույցներ), 
• Համագործակցել դիզայնի և բովանդակության մասնագետների հետ՝ ծրագրի բարձրորակ նյութերի ստեղծման համար։

3. Շահագրգիռ կողմերի ներգրավվածություն և մեդիա կապեր

• Կապ հաստատել հիմնական մեդիա միջոցների հետ և պատասխանել մեդիա հարցերին
• Կազմակերպել հանրային քննարկումներ ծրագրով ազդված տարածքներում՝ ուշադրություն դարձնելով ներառականությանը (ապահովելով առնվազն 50% կանանց և երիտասարդների ներգրավվածություն)
• Ստեղծել գործընկերություններ նմանատիպ կազմակերպությունների և դոնոր գործակալությունների հետ՝ ծրագրի ազդեցության ընդլայնման համար։

4. Միջոցառումների կազմակերպում և հանրային իրազեկում

• Պլանավորել և կազմակերպել միջոցառումներ և հանրային հանդիպումներ՝ ծրագրի նպատակների և ազդեցությունների վերաբերյալ իրազեկվածությունը բարձրացնելու համար
• Օգտագործել ավանդական և թվային մեդիան՝ միջոցառումները խթանելու և հաղորդագրությունների հետևողականությունը պահպանելու համար։

5. Մոնիթորինգ եւ հաշվետվություն

• Մշակել և հետևել կատարման ցուցանիշներին՝ գնահատելու հաղորդակցության արդյունավետությունը
• Պատրաստել եռամսյակային հաշվետվություններ՝ մանրամասնելով հաղորդակցության արդյունքներն ու ազդեցությունները
• Վերլուծել սոցիալական մեդիայի ցուցանիշները և այլ տվյալներ՝ անհրաժեշտության դեպքում ռազմավարությունները ճշգրտելու համար

4. Աշխատանքները նախատեսվում է իրականացնել Ծրագրի իրականացման ողջ ընթացքում՝ 2025թ.-ի հունվարից մինչև 2026թ.-ի հունիսը, հնարավոր երկարաձգմամբ:

5. ՀՀ էկոնոմիկայի նախարարության Գյուղատնտեսական ծրագրերի իրականացման վարչությունը (ԳԾԻՎ) հրավիրում է իրավասու խորհրդատուներին ներկայացնելու իրենց հետաքրքրվածության հայտերը ծառայության մատուցման համար: Հետաքրքրված խորհրդատուները պետք է ներկայացնեն ինքնակենսագրական սեղմագրեր (CVs), որոնք ներառում են տեղեկատվություն Ծառայությունների իրականացման համար պահանջվող որակավորման և համապատասխան փորձի վերաբերյալ:

6.  Հետաքրքրված խորհրդատուները պետք է ունենան հետևյալ հիմնական որակավորումները՝

• Բակալավրի աստիճան հաղորդակցության, PR-ի, լրագրության կամ հարակից ոլորտում
• Առնվազն 5 տարվա փորձ հաղորդակցության ոլորտում, նախընտրելի է միջազգային ծրագրերի հետ
• Ապացուցված հմտություններ սոցիալական մեդիայի կառավարման, բովանդակության ստեղծման և հանրային կապերի ոլորտում
• ԵՄ հաղորդակցության քաղաքականության լավ իմացություն և միջազգային դոնորների հետ աշխատանքի փորձ
• Հայերենի և անգլերենի վարժ իմացություն, ֆրանսերենի իմացությունը առավելություն է։
   

7. Հետաքրքրված խորհրդատուների ուշադրությունը հրավիրվում է Ֆրանսիական Զարգացման Գործակալության ուղեցույցների «Արտասահմանյան երկրներում ՖԶԳ-ով ֆինանսավորվող պայմանագրերի գնումների ուղեցույցի» 1.3 ենթակետին (2017թ փետրվար/վերանայված 2019թ. հոկտեմբեր), որը հասանելի է առցանց՝ AFD-ի www.afd.fr կայքում:

8. Խորհրդատուի ընտրությունը կիրականացվի «Արտասահմանյան երկրներում ՖԶԳ-ով ֆինանսավորվող պայմանագրերի գնումների ուղեցույցի» Բաժին 2-ում սահմանված Անհատ խորհրդատուների  ընտրության մեթոդի ընթացակարգի համաձայն: Անհատ խորհրդատուի գնահատման չափանիշներն են. ա/Խորհրդատուի որակավորումը – 30 միավոր, բ/Ընդհանուր աշխատանքային փորձը - 30 միավոր, գ/Աշխատանքային փորձի համապատասխանությունը ոլորտում – 40 միավոր:

9.    Լրացուցիչ տեղեկություններ կարող են ձեռք բերվել ստորև նշված հասցեում, աշխատանքային օրերին, ժամը 10:00-ից մինչև 17:00:

10.  Հետաքրքրվածության հայտերը պետք ներկայացվեն Ծրագրի գնումների բաժին մինչև 2024թ. դեկտեմբերի 4-ը ժամը 17:00-ը ստորև նշված հասցեով:

Երևան, Մ. Մկրտչյան փող. 5, 8-րդ հարկ, 827 սենյակ, 

Հեռ․ 011-597-284

Էլ-փոստ. azata.tovmasyan@mineconomy.am