ՀԱՅՏԱՐԱՐՈՒԹՅՈՒՆ ԹԱՓՈՒՐ ՀԱՍՏԻՔԻ ՎԵՐԱԲԵՐՅԱԼ

(ԽՈՐՀՐԴԱՏՎԱԿԱՆ ԾԱՌԱՅՈՒԹՅՈՒՆՆԵՐ)

Ծրագրի իրականացման թիմի գնումների մասնագետ

Հայաստանի Հանրապետություն

Հայաստան: «Կլիմայական պայմաններին հարմարվողական պարենային անվտանգության բարձրացման ծրագիր» (CAFSEP)

Դրամաշնորհ No. 9241

Ծրագիր No. 57088-001

Տեղեկանք No. (գնումների պլանին համապատասխան): CAFSEP-S-24-2 

Հայաստանի Հանրապետության կառավարությունը՝ ի դեմս ՀՀ էկոնոմիկայի նախարարության ( ՀՀ ԷՆ) «Կլիմայական պայմաններին հարմարեցվող պարենային անվտանգության բարձրացման ծրագրի» (այսուհետ՝ CAFSEP կամ Ծրագիր) իրականացման նպատակով Ասիական զարգացման բանկի (ԱԶԲ) աջակցությամբ ֆինանսավորում է ստացել Բարգավաճ և դիմակայուն Ասիայի և Խաղաղօվկիանոսյան տարածաշրջանի ճապոնական հիմնադրամից (JFPR) և մտադիր է ստացված գումարի մի մասը ուղղել խորհրդատվական ծառայություններին:

JFPR-ի կողմից առաջարկվող $3 մլն․ դրամաշնորհը կաջակցի Հայաստանին բարձրացնելու գյուղատնտեսական կենսամիջոցների ճկունությունը և բարելավելու պարենային անվտանգությունը գյուղական վայրերում, որոնք խիստ խոցելի են կլիմայի փոփոխության ազդեցության նկատմամբ: Կլիմայական պայմաններին հարմարեցվող պարենային անվտանգության բարձրացման ծրագիրը (CAFSEP) կենտրոնանալու է ՀՀ երկու՝ Շիրակի և Տավուշի մարզերի վրա, որտեղ փոքր ֆերմերները բախվում են բարձր աղքատության, պարենային անապահովության և կլիմայական ռիսկերի: Դրամաշնորհը կտրամադրի հետևյալը.

• աջակցություն կայուն գյուղատնտեսությանը համայնքում վերաներդրումներ իրականացնելու միջոցով ՝ 10 գյուղերի կլիմայի նկատմամբ կայուն էներգետիկ լուծումներ տրամադրելով՝ նվազեցնել էներգիայի ծախսերը և նպաստել խնայողությունների ստեղծմանը,
• կենսապահովման աջակցություն 230 գյուղական տնային տնտեսություններին՝ կլիմայի նկատմամբ կայուն գյուղատնտեսության և տեղական համայնքների եկամուտներ ստեղծող ծրագրերի միջոցով, և
• ՀՀ ԷՆ ինստիտուցիոնալ կարողությունների հզորացում՝ աջակցելու կլիմայի հարմարվողականության պլանավորմանը և մշակելու կլիմայական պայմաններին համապատասխան ներդրումային ծրագրեր գյուղատնտեսության ոլորտում:

Ծրագրի ազդեցությունը՝  կայուն գյուղատնտեսության արտադրողականության բարելավում և գյուղական աղքատության կրճատում։ Իսկ ծրագրի արդյունքը կլինի  ընտրված համայնքների և տնային տնտեսությունների կլիմայական հարմարվողականության կարողությունների բարձրացումը։

Ծրագիրն ունի երեք բաղադրիչ

• Կլիմայի նկատմամբ կայուն էներգետիկ լուծումների ներդնում, և հետագա կիրարկում,
• Սննդի անվտանգության բարձրացման նպատակով կլիմայական խելացի տեխնոլոգիաների կիրարկում, և
• ՀՀ ԷՆ կարողությունների ընդլայնում կլիմայական խելացի գյուղատնտեսության պլանավորման համար։

ՀՀ էՆ-ին կից Ծրագրի իրականացման թիմը (The Project Implementation Team (PIT)) հանդիսանում է ծրագրի իրականացնող մարմինը (Execuitng Agency (EA)), ներառյալ Ծրագրի նախագծով նախատեսված հիմնական գործողությունների հետ դրա համապատասխանության ապահովումը երաշխավորող մարմինը: Ծրագրի իրականացման թիմի տնօրենը (այսուհետ՝ PIT-ի տնօրեն) աշխատելու է որպես խորհրդատու ՀՀ ԷՆ Գյուղատնտեսական ծրագրերի իրականացման վարչությունում (Agriculture Programms Implementation Department of MOE (APID)) և պետք է հիմնականում զեկուցի APID-ի ղեկավարին և/կամ միջազգային ծրագրերի համակարգման բաժնի պետին:

Առաջադրանքի նպատակն է ծրագրի շրջանակներում իրականացնել և համակարգել գնումների ողջ ընթացքը։  Գնումների մասնագետը պատասխանատու է ապրանքների և ծառայությունների արդյունավետ գնման համար, ինչպես նշված է ծրագրի գնումների պլանում։ Ծրագրի շրջանակներում գնումների գործողությունները պետք է իրականացվեն ԱԶԲ-ի գնումների քաղաքականությանը և ԱԶԲ-ի Վարկառուների համար գնումների քաղաքականությանը համապատասխան (2017թ.՝ ժամանակ առ ժամանակ փոփոխված)։ PIT-ի գնումների մասնագետն իր աշխատանքում առաջնորդվելու է CAFSEP-ի JFPR Դրամաշնորհային համաձայնագրով (GA), Դրամաշնորհին աջակցության զեկույցով (GAR) և Ծրագրի կառավարման ձեռնարկով (PAM):

PIT-ի գնումների մասնագետը պատասխանատու է հետևյալ խնդիրների համար:

1. Աջակցել ծրագրի կառավարմանն ու իրականացմանը, հետևել ծրագրի իրականացման պլանին, դրամաշնորհի համաձայնագրին համապատասխանությունը՝ ապահովելու ԱԶԲ-ի Գնումների քաղաքականության և ԱԶԲ Վարկառուների համար Գնումների կանոնակարգերի հետ համապատասխանությունը (2017թ., ժամանակ առ ժամանակ փոփոխված),
2. Ապահովել, որ դրամաշնորհային պայմանագրում նկարագրված ԱԶԲ-ի գնումների հրահանգները և նորմերը լիովին պահպանվեն ծրագրի համար ապրանքների, աշխատանքների և ծառայությունների գնումների բոլոր փուլերում,
3. Աջակցել ԱԶԲ-ի ուղեցույցներին համապատասխան մրցութային փաստաթղթերի պատրաստմանը. համակարգել և վերահսկել ծրագրի գնումների բոլոր գործողությունները՝ սերտ համակարգելով PIT տնօրենի հետ,
4. Աջակցել հայտերի գնահատմանը և հայտերի գնահատման հաշվետվությունների պատրաստմանը և անհրաժեշտ հաստատմանը, ինչպես նաև պայմանագրի բանակցություններին և դրանց պատրաստմանը,
5. Ստեղծել մոնիտորինգի համակարգ՝ ծրագրի գնումների գործողությունները վերահսկելու, անհրաժեշտ հաստատումները համակարգելու կամ ընթացակարգերում թերությունները շտկելու, ինչպես նաև վերահսկելու հաստատված պայմանագրերի առաջընթացը,
6. Պատրաստել տարաբնույթ պայմանագրեր EA-ի և ԱԶԲ-ի օժանդակ փաստաթղթերով՝ վերանայման համար,
7. Ինչպես հարկն է աջակցել բոլոր պայմանագրերի կառավարման հարցում և,
8. Կատարել այլ հարակից գործառույթներ, պարտականություններ և առաջադրանքներ, որոնք կարող են պահանջվել PIT ղեկավարից:

ՀՀ ԷՆ-ն այսուհետ հրավիրում է անհատ խորհրդատուների («Խորհրդատուներ»)՝ ցուցաբերելու Ծառայությունների մատուցման իրենց հետաքրքրությունը։ Հետաքրքրված խորհրդատուները պետք է տրամադրեն տեղեկատվություն, որը ցույց կտա, որ նրանք ունեն պահանջվող որակավորում և համապատասխան փորձ Ծառայությունների կատարումն ապահովելու համար:

Որակավորումներ և պահանջներ

• Բարձրագույն համալսարանական կրթություն տնտեսագիտության, կառավարման, գյուղատնտեսության կամ հարակից բնագավառներում;
• Առնվազն 5 տարվա աշխատանքային փորձ որպես գնումների մասնագետ; փորձ Համաշխարհային բանկի, Ասիական զարգացման բանկի կողմից ֆինանսավորվող ծրագրերում կամ միջազգային և պետական  կազմակերպությունների ծրագրերում․ ԱԶԲ-ի հետ աշխատանքային փորձը կդիտվի որպես առավելություն,
• ՀՀ-ի համապատասխան օրենսդրության գերազանց տիրապետում,
• Սեղմ ժամկետներում մի քանի հանձնարարություն անելու հմտություն,
• Գերազանց գրավոր և բանավոր հայերենի իմացություն, անգլերենի լավ իմացություն,
• Լավ միջանձնային հմտություններ, թիմային աշխատանք և խնդիրներ լուծելու հմտություններ։

Պաշտոնավարումը տևելու է Ծրագրի ողջ ընթացքում՝ 2024-ից մինչև 2026 թվականը ներառյալ՝ 20 ամիս ընդհանուր տևողությամբ։

Խորհրդատուն կընտրվի Անհատ խորհրդատուի ընտրության մեթոդով (IC) ԱԶԲ-ի Գնումների քաղաքականությանը (2017թ., որը ժամանակ առ ժամանակ փոփոխվում է ԱԶԲ գնումների քաղաքականությանը համապատասխան) և ԱԶԲ Վարկառուների համար Գնումների կանոնակարգին (2017թ., որը ժամանակ առ ժամանակ փոփոխվում է ԱԶԲ Վարկառուների համար գնումների կանոնակարգերին համապատասխան) համաձայն:

Լրացուցիչ տեղեկություններ կարող եք ստանալ ստորև նշված հասցեով աշխատանքային ժամերին 10:00-17:00:

Հետաքրքրության հայտերը պետք է գրավոր առաքվեն ստորև նշված հասցեով (էլեկտրոնային փոստով, փոստով կամ անձամբ հետաքրքրության արտահայտման թվային պատճեններով) մինչև 2024 թվականի սեպտեմբերի 6-ը, տեղական ժամանակով ժամը 17:00-ն:

Հայաստանի Հանրապետության էկոնոմիկայի նախարարություն

Ենթակա է ներկայացման՝

Տիկին Լուսինե Անանյանին, ՀՀ ԷՆ գյուղատնտեսական ծրագրերի իրականացման վարչության միջազգային ծրագրերի համակարգման բաժնի պետ

5, Mher Mkrtchyan Str., Yerevan 0010, Armenia

Հայաստանի Հանրապետություն, ք․ Երևան, Մհեր Մկրտչյան 5

Հեռ․՝  +(374)-11-54-25-03

E-mail: luananyan@mineconomy.am