Հայտարարություն

Հայաստանի Հանրապետության էկոնոմիկայի նախարարությունը հայտարարում է մրցույթ՝ Ֆինանսական և հաշվապահական հաշվառման վարչությունում փորձագետ ներգրավելու վերաբերյալ

2024-07-30

Փորձագետը ներգրավվում է Էկոնոմիկայի նախարարության  ֆինանսական և հաշվապահական հաշվառման վարչության կանոնադրական խնդիրներից բխող կոնկրետ գործառույթների իրականացման ծավալների կտրուկ ավելացման համար:

1․ Ծրագրով նախատեսված աշխատանքների համառոտ նկարագիրը՝

Մասնակցում է Հայաստանի Հանրապետության պետական բյուջեի շրջանակներում նախարարության կարիքների համար գնման ենթակա ապրանքների, աշխատանքների և ծառայությունների նախնական պլանավորման և գնումների գործընթացի շրջանակներում բյուջեի նախապատրաստական գործընթացի կազմակերպման աշխատանքներին։  

Իրականացնում է Նախարարության ենթակայության տակ գտնվող ընկերությունների և պետական ոչ առևտրային կազմակերպությունների գնումների հաշվետվությունների ընդունում, ուսումնասիրում, ստուգում, ամփոփում և ներկայացնում համապատասխան մարմիններին, ինչպես նաև նախարարության ենթակա ՓԲԸ-ների և ՊՈԱԿ-ների գնման գործընթացին վերաբերող փաստաթղթերի հրապարակման գործընթացի ապահովում լիազոր մարմնի ինտերնետային կայքէջ` համապատասխան ծրագրի միջոցով:

2․ Փորձագետ ներգրավելու ժամկետն է 1 /մեկ/ տարի: 

3․ Աշխատանքային պարտականություններն են`

• Հայաստանի Հանրապետության պետական բյուջեի շրջանակներում նախարարության կարիքների համար գնման ենթակա ապրանքների, աշխատանքների և ծառայությունների նախնական պլանավորում և գնումների գործընթացի շրջանակներում բյուջեի նախապատրաստական գործընթացի կազմակերպում
• նախարարության կարիքների համար իրականացվող գնման ընթացակարգերը կազմակերպում` գործող իրավական ակտերի պահանջներին համապատասխան.
• նախարարության ենթակայության տակ գտնվող ընկերությունների և պետական ոչ առևտրային կազմակերպությունների գնումների հաշվետվությունների ընդունում, ուսումնասիրում, ստուգում, ամփոփում և ներկայացում համապատասխան մարմիններին, ինչպես նաև նախարարության ենթակա ՓԲԸ-ների և ՊՈԱԿ-ների գնման գործընթացին վերաբերող փաստաթղթերի հրապարակման գործընթացի ապահովում լիազոր մարմնի ինտերնետային կայքէջ` համապատասխան ծրագրի միջոցով:
• իրականացնում է գնումների պլանների վարումը համապատասխանաբար նաև իրականացնում է փոփոխություններ/լրացումներ` համաձայն գործող իրավական ակտերի պահանջների.
• նախարարության և ենթակա կազմակերպությունների կողմից իրականացվող գնման ընթացակարգերին առնչվող փաստաթղթերի հրապարակել www.gnumner.am կայքում.
• կնքված գնման պայմանագրերի ներմուծում «armeps.am/ppsm» համակարգ` դրական եզրակացություն ստանալու համար․
• գնման հայտի կազմման համապատասխանության գնահատում գնումների մասին ՀՀ օրենսդրությամբ սահմանված պահանջներին

4․  Փորձագետին ներկայացվող պահանջներն են՝

1)   Հայաստանի Հանրապետության քաղաքացիություն,

2)  կրթություն, որակավորման աստիճանը՝ բարձրագույն կրթություն,

3)  ցանկալի է ֆինանսավարկային կամ պետական գնումների բնագավառում 1 տարվա փորձառություն կամ հանրային ծառայության 6 ամսվա ստաժ,

4)  նախատեսվող աշխատանքների իրականացման հետ կապված անհրաժեշտ իրավական ակտերի իմացություն,

5)  համակարգչով և ժամանակակից այլ տեխնիկական միջոցներով աշխատելու ունակություն,

6)  գրական հայերենի տիրապետում, օտար լեզուների իմացությունը կդիտվի որպես առավելություն,

7)  պատասխանատվության բարձր զգացում, ճշտապահություն, տրամաբանելու և տարբեր իրավիճակներում արագ կողմնորոշվելու ունակություն։

5․ Դիմումների ընդունման վերջին ժամկետն է 2024թ. օգոստոսի 2-ը ներառյալ:

6․ Աշխատավայրը` ք.Երևան, Մհեր Մկրտչյան 5։

7. Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարագապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» ՀՀ օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում։

8․ Ընտրություն կատարելու եղանակը`

Դիմում ներկայացրած քաղաքացիների փաստաթղթերի և ինքնակենսագրականների ուսումնասիրություն:

9․ Դիմող քաղաքացիները պետք է ներկայացնեն հետևյալ փաստաթղթերը.

• դիմում նախարարության գլխավոր քարտուղարի անունով (դիմումի ձևը կցվում է),
• հայտարարություն (ձևը կցվում է) ՀՀ կառավարության 02.08.2018թ. N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին,
• տվյալ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի/ների), վկայական/ների), աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները բնօրինակների հետ միասին, հայերեն ինքնակենսագրականներ (CV),
• արական սեռի անձինք` նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները` բնօրինակի հետ միասին, կամ համապատասխան տեղեկանք,
• մեկ գունավոր լուսանկար 3X4 սմ չափի,
• անձնագրի կամ նույնականացման քարտի պատճենը։

10․ Քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով՝ նշելով, թե որ ստորաբաժանման փորձագետի պաշտոնի համար է դիմում (առանց ստորաբաժանման անվանման նշման դիմումները չեն դիտարկվի)։

11․ Փաստաթղթերն ընդունվում են ամեն օր` ժամը 09.30-12.30-ը (բացի շաբաթ և կիրակի օրերից)։

Լրացուցիչ տեղեկությունների համար դիմել Նախարարության անձնակազմի կառավարման վարչություն (ք. Երևան, Մհեր Մկրտչյան 5, 7-րդ հարկ, 703 սենյակ, հեռ.` 011-59-71-98, էլեկտրոնային փոստի հասցեն naslanyan@mineconomy.am):