Հայտարարություն

Հայաստանի Հանրապետության էկոնոմիկայի նախարարությունը հայտարարում է մրցույթ՝ իրավաբանական վարչությունում փորձագետ ներգրավելու վերաբերյալ

2024-03-28

Փորձագետը ներգրավվում է Էկոնոմիկայի նախարարության իրավաբանական վարչության  կանոնադրական խնդիրներից բխող կոնկրետ գործառույթների իրականացման ծավալների կտրուկ ավելացմամբ պայմանավորված:

Ծրագրով նախատեսված աշխատանքների համառոտ նկարագիրը՝

• Ներկայացնում է առաջարկություններ Էկոնոմիկայի նախարարության (այսուհետ՝ Նախարարություն) Նախարարությանը ենթակա մարմինների, կազմակերպությունների կողմից մշակված իրավական ակտերի նախագծերի, Նախարարության կարծիքին ներկայացված իրավական ակտերի նախագծերի վերաբերյալ, իրականացնում է իրավական ակտերի նախագծերի նախապատրաստման աշխատանքները, իրականացնում է ֆիզիկական և իրավաբանական անձանց դիմումների (այդ թվում` վարչական բողոքների) ուսումնասիրման, քննարկման և բարձրացված հարցերի վերաբերյալ պատասխան գրությունների պատրաստման աշխատանքները։

2․ Փորձագետ ներգրավելու ժամկետն է 1 /մեկ/ տարի: 

3․ Աշխատանքային պարտականություններն են`

• Ներկայացնում է առաջարկություններ Էկոնոմիկայի նախարարության (այսուհետ՝ Նախարարություն) Նախարարությանը ենթակա մարմինների, կազմակերպությունների կողմից մշակված իրավական ակտերի նախագծերի, Նախարարության կարծիքին ներկայացված իրավական ակտերի նախագծերի վերաբերյալ,
• իրականացնում է իրավական ակտերի նախագծերի նախապատրաստման աշխատանքները,
• ներկայացնում է առաջարկություններ Նախարարության կողմից կնքվող պայմանագրերի, համաձայնագրերի նախագծերի վերաբերյալ,
• իրականացնում է ֆիզիկական և իրավաբանական անձանց դիմումների (այդ թվում` վարչական բողոքների) ուսումնասիրման, քննարկման և բարձրացված հարցերի վերաբերյալ պատասխան գրությունների պատրաստման աշխատանքները,
• տրամադրել խորհրդատվություն Նախարարության կառուցվածքային ստորաբաժանումներին, ինչպես նաև Նախարարությանը ենթակա մարմիններին, գրասենյակներին՝ իրավական օժանդակության հետ կապված աշխատանքների վերաբերյալ,
• իրականացնում է Նախարարության կողմից և Նախարարության դեմ ներկայացված դատական պահանջների մինչդատական նախապատրաստման համար անհրաժեշտ ապացույցների և փաստաթղթերի հավաքագրման աշխատանքները,
• մասնակցել Հայաստանի Հանրապետության դատական բոլոր ատյաններում և պետական այլ մարմիններում Նախարարության ներկայացուցչությանը,   
• Իրականացնում է Հայաստանի Հանրապետության ընդհանուր իրավասության դատարաններից ստացված սնանկության գործերով գրությունների վերաբերյալ պատասխան գրությունների պատրաստման աշխատանքները,
• մասնակցել դատական ակտերի հիման վրա հարուցված կատարողական վարույթի ընթացքում պետական շահերի պաշտպանության իրականացման այն աշխատանքներին, որոնց կատարողական վարույթի կողմ է ճանաչվել Հայաստանի Հանրապետությունը, ի դեմս Նախարարության, անհրաժեշտության դեպքում մասնակցել նաև բանակցությունների վարմանը․

4․  Փորձագետին ներկայացվող պահանջներն են՝

     Հայաստանի Հանրապետության քաղաքացիություն,

• կրթություն, որակավորման աստիճանը՝ բարձրագույն իրավաբանական կրթություն,
• իրավագիտության բնագավառում՝ երեք տարվա աշխատանքային ստաժ․
• ծրագրով նախատեսվող աշխատանքների իրականացման հետ կապված անհրաժեշտ իրավական ակտերի իմացություն,
• համակարգչով և ժամանակակից այլ տեխնիկական միջոցներով աշխատելու ունակություն,
• գրական հայերենի տիրապետում, օտար լեզուների իմացությունը կդիտվի որպես առավելություն,
• պատասխանատվության բարձր զգացում, ճշտապահություն, տրամաբանելու և տարբեր իրավիճակներում արագ կողմնորոշվելու ունակություն։

5․ Դիմումների ընդունման վերջին ժամկետն է 2024թ. ապրիլի 2-ը ներառյալ:

6․ Աշխատավայրը` ք.Երևան, Մհեր Մկրտչյան 5։

7. Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարագապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» ՀՀ օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում։

8․ Ընտրություն կատարելու եղանակը`

Դիմում ներկայացրած քաղաքացիների փաստաթղթերի և ինքնակենսագրականների ուսումնասիրություն:

9․ Դիմող քաղաքացիները պետք է ներկայացնեն հետևյալ փաստաթղթերը.

• դիմում նախարարության գլխավոր քարտուղարի անունով (դիմումի ձևը կցվում է),
• հայտարարություն (ձևը կցվում է) ՀՀ կառավարության 02.08.2018թ. N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին,
• տվյալ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի/ների), վկայական/ների), աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները բնօրինակների հետ միասին, հայերեն ինքնակենսագրականներ (CV),
• արական սեռի անձինք` նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները` բնօրինակի հետ միասին, կամ համապատասխան տեղեկանք,
• մեկ գունավոր լուսանկար 3X4 սմ չափի,
• անձնագրի կամ նույնականացման քարտի պատճենը։

10․ Քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով՝ նշելով, թե որ ստորաբաժանման փորձագետի պաշտոնի համար է դիմում (առանց ստորաբաժանման անվանման նշման դիմումները չեն դիտարկվի)։

11․ Փաստաթղթերն ընդունվում են ամեն օր` ժամը 09.30-12.30-ը (բացի շաբաթ և կիրակի օրերից)։

Լրացուցիչ տեղեկությունների համար դիմել Նախարարության անձնակազմի կառավարման վարչություն (ք. Երևան, Մհեր Մկրտչյան 5, 7-րդ հարկ, 703 սենյակ, հեռ.` 011-59-71-98, էլեկտրոնային փոստի հասցեն naslanyan@mineconomy.am):

Տեղեկատվություն էկոնոմիկայի նախարարության իրավաբանական վարչությունում փորձագետ ներգրավելու համար դիմած և պայմանագիր կնքած անձանց մասին