ՀՀ էկոնոմիկայի նախարարության կողմից մշակվել է «Հայաստանի Հանրապետության տնտեսական քաղաքականության հայեցակարգը հաստատելու մասին» ՀՀ կառավարության որոշման նախագիծը (այսուհետ՝ Նախագիծ), որի նպատակն է  ամրագրել տնտեսական զարգացման հիմնական հենասյուները։

Նախագիծը ներկայացվել է հանրային քննարկման իրավական ակտերի նախագծերի հրապարակման e-draft.am միասնական հարթակով: 

Սույն հայտարարությամբ նպատակ է դրվում իրականացնել առավել լայն հանրային իրազեկում։ Այդ գործընթացում Նախագծի վերաբերյալ առաջարկություններ ունենալու դեպքում դրանք կարող եք գրավոր ներկայացնել achilingaryan@mineconomy.am էլեկտրոնային հասցեին (ՀՀ էկոնոմիկայի նախարարության տնտեսական հետազոտությունների վարչության ընթացիկ վերլուծությունների բաժնի պետ Արտակ Չիլինգարյանին)։

Միաժամանակ տեղեկացնում ենք, որ Նախագծի վերաբերյալ գործնական կարծիքներ ստանալու նպատակով ՀՀ էկոնոմիկայի նախարարությունը նախատեսում է կազմակերպել շահագրգիռ կողմերի հետ քննարկում, որին մասնակցության ցանկության դեպքում կարող եք համապատասխան տեղեկատվությունը տրամադրել վերոնշյալ էլեկտրոնային փոստի հասցեով։