Կառավարության 2023 թվականի հունվարի 26-ին թիվ 96-Լ որոշմամբ հաստատվել է «Հայաստանի Հանրապետության Վայոց ձորի մարզի Ջերմուկ համայնքում 2022 թվականի սեպտեմբեր ամսին ռազմական գործողություններից տուժած տնտեսավարողների կոմունալ ծախսերի փոխհատուցման աջակցության ծրագիրը հաստատելու մասին» կառավարության որոշումը:

Միջոցառման շահառուներն են՝ այն իրավաբանական անձը կամ անհատ ձեռնարկատերը․

• որը 2022 թվականի սեպտեմբերի 11-ի դրությամբ փաստացի իրականացրել է կացության կազմակերպման գործունեություն Վայոց ձորի Ջերմուկ համայնքում,
• ում 2022 թվականի հոկտեմբեր դեկտեմբեր ամիսների շրջանառությունը չի գերազանցել նախորդ տարվա նույն ժամանակահատվածի շրջանառության 50%-ը,
• ով դիմումի ներկայացման օրվան նախորդող օրվա դրությամբ չունի 100 հազ. դրամը գերազանցող՝ հարկային մարմնի կողմից վերահսկվող եկամուտների գծով պարտավորություններ։

Փոխհատուցման ձևը և չափը․

միանվագ` 2022 թվականի սեպտեմբեր-դեկտեմբեր ամիսների էլեկտրաէներգիայի և գազի ծախսերի 100 %-ի չափով։

Օժանդակության համար դիմելու կարգը․

Անհրաժեշտ է մինչև 2023 թվականի մայիսի 1-ը լրացնել հղումով ներկայացված հայտը ։

Միջոցառման վերաբերյալ առավել մանրամասն տեղեկատվություն կարող եք ստանալ՝ անցնելով հետևյալ հղումով ։

Հարցերի դեպքում կարող եք զանգահարել՝ 011 597 136 հեռախոսահամարով։