Հայտարարություն N 1

Հայաստանի Հանրապետության էկոնոմիկայի նախարարությունը հայտարարում է մրցույթ՝ գիտելիքահենք տնտեսության վարչությունում փորձագետ ներգրավելու վերաբերյալ

2022-11-25

Փորձագետը ներգրավվում է Էկոնոմիկայի նախարարության գիտելիքահենք տնտեսության վարչության գործառույթների և հանձնարարականների իրականացման համար:

1․ Ծրագրով նախատեսված աշխատանքների համառոտ նկարագիրը՝

Նախագիծը նախատեսվում է ստեղծարար գործունեության խթանում, գիտելիքահենք տնտեսության ձևավորման և զարգացման համար անհրաժեշտ քաղաքականության մշակումը, նպատակային (այդ թվում կրթական ծրագրերի, կադրերի պատրաստման, տնտեսության թվայնացման, անհրաժեշտ ենթակառուցվածքների ձևավորման, զարգացման) և այլ ծրագրերի ու միջոցառումների նախաձեռնումը, մշակումը, համակարգումը և (կամ) դրանց դիտանցման իրականացումը, տնտեսության թվայնացման ոլորտի զարգացման օժանդակություն և այլ աշխատանքներ։

2․ Փորձագետ ներգրավելու ժամկետն է 1/մեկ/ տարի:

3․ Աշխատանքային պարտականություններն են`

1. Հայաստանում գիտելիքահենք տնտեսության ձևավորման և զարգացման համար անհրաժեշտ հիմքերի և միջավայրի ձևավորման խթանումը,
2. ստեղծարար գործունեության խթանումը և խրախուսման մեխանիզմների մշակումը,
3. Վարչության նպատակի իրականացման համար և Վարչության խնդիրներից բխող անհրաժեշտ այլ քաղաքականության մշակումը կամ օժանդակությունը և աջակցությունը այլ պետական մարմիններին կամ գերատեսչություններին Վարչության հիմնական նպատակից բխող հարակից կամ ենթաոլորտային քաղաքականության մշակման հարցերում, եթե այդ գործառույթն իրականացվում է պետական այլ մարմինների կամ գերատեսչությունների կողմից կամ վերջիններիս հետ համատեղ,
4. Հայաստանում գիտելիքահենք տնտեսության համար անհրաժեշտ քաղաքականության, ինստիտուտների, ենթակառուցվածքների և վերջիններիս արդյունավետության դիտանցման իրականացումը,
5. մասնակցություն մտավոր սեփականության իրավունքի ոլորտի, առևտրայնացման ոլորտի և գիտելիքահենք տնտեսության համար անհրաժեշտ այլ ոլորտների մասնագետների և կադրերի պատրաստման և/կամ վերապատրաստման կրթական ծրագրերի մշակմանը և օժանդակություն դրանց իրականացմանը,
6. տնտեսության թվայնացման ոլորտի զարգացման օժանդակության ապահովումը,
7. անհրաժեշտ ենթակառուցվածքների ձևավորման և զարգացման աջակցության ապահովումը,
8. պետության տարբեր գերատեսչությունների և մասնավոր ոլորտի հետ կառուցողական և արդյունավետ երկխոսության և համագործակցության ապահովումը,
9. իր առջև դրված խնդիրների և հիմնական նպատակի իրականացման համար այլ գործառույթների կատարումը:

4․ Փորձագետին ներկայացվող պահանջներն են՝

1. Հայաստանի Հանրապետության քաղաքացիություն,
2. կրթություն, որակավորման աստիճանը՝ բարձրագույն կրթություն,
3. իրավունքի կամ տնտեսագիտության բնագավառում՝ երեք տարվա աշխատանքային ստաժ․
4. ծրագրով նախատեսվող աշխատանքների իրականացման հետ կապված անհրաժեշտ իրավական ակտերի իմացություն,
5. համակարգչով և ժամանակակից այլ տեխնիկական միջոցներով աշխատելու ունակություն,
6. գրական հայերենի տիրապետում, օտար լեզուների իմացությունը կդիտվի որպես առավելություն,
7. պատասխանատվության բարձր զգացում, ճշտապահություն, տրամաբանելու և տարբեր իրավիճակներում արագ կողմնորոշվելու ունակություն։

5․ Դիմումների ընդունման վերջին ժամկետն է 2022թ. նոյեմբերի 30-ը ներառյալ:

6․ Աշխատավայրը` ք.Երևան, Մհեր Մկրտչյան 5:

7. Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարագապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» ՀՀ օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում։

8․ Ընտրություն կատարելու եղանակը`

Դիմում ներկայացրած քաղաքացիների փաստաթղթերի և ինքնակենսագրականների ուսումնասիրություն:

9․ Դիմող քաղաքացիները պետք է ներկայացնեն հետևյալ փաստաթղթերը.

• դիմում նախարարության գլխավոր քարտուղարի անունով (դիմումի ձևը կցվում է),
• հայտարարություն (ձևը կցվում է) ՀՀ կառավարության 02.08.2018թ. N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին,
• տվյալ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի/ների), վկայական/ների), աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները բնօրինակների հետ միասին, հայերեն ինքնակենսագրականներ (CV),
• արական սեռի անձինք` նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները` բնօրինակի հետ միասին, կամ համապատասխան տեղեկանք,
• մեկ գունավոր լուսանկար 3X4 սմ չափի,
• անձնագրի կամ նույնականացման քարտի պատճենը։

10․ Քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով՝ նշելով, թե որ ստորաբաժանման փորձագետի պաշտոնի համար է դիմում և ընդգծելով հայտարարության համարը (առանց ստորաբաժանման անվանման և հայտարարության համարի դիմումները չեն դիտարկվի):

11․ Փաստաթղթերն ընդունվում են ամեն օր` ժամը 09.30-12.30-ը (բացի շաբաթ և կիրակի օրերից)։

Լրացուցիչ տեղեկությունների համար դիմել Նախարարության անձնակազմի կառավարման վարչություն (ք. Երևան, Մհեր Մկրտչյան 5, 7-րդ հարկ, 703 սենյակ, հեռ.` 011-59-71-98, էլեկտրոնային փոստի հասցեն` naslanyan@mineconomy.am):

Տեղեկատվություն գիտելիքահենք տնտեսության վարչությունում փորձագետ ներգրավելու համար դիմած և պայմանագիր կնքած անձանց մասին