Հայտարարություն

Հայաստանի Հանրապետության էկոնոմիկայի նախարարությունը հայտարարում է մրցույթ՝

անասնաբուծության վարչությունում փորձագետ ներգրավելու վերաբերյալ

2022-09-14

Փորձագետը ներգրավվում է հանձնարարականի իրականացումն ապահովելու Էկոնոմիկայի նախարարության անասնաբուծության զարգացման վարչություն Հայաստանի Հանրապետությունում խեցգետնակերպերի արդյունագործական բուծման ծրագիր մշակելու նպատակով:

1. Ծրագրով նախատեսված աշխատանքների համառոտ նկարագիրը՝

Մշակել Հայաստանի հանրապետությունում խեցգետնակերպերի արդյունագործական բուծման ծրագիր։

      2․ Փորձագետ ներգրավելու ժամկետն է 3/երեք/ ամիս:

      3․ Աշխատանքային պարտականություններն են`

• ուսումնասիրել  խեցգետնի արդյունագործական բուծման  միջազգային փորձը․
• իրականացնել հավաքագրված տեղեկատվության վերլուծություններ․
• ամփոփել վերլուծության արդյունքները և ներկայացնել առաջարկություններ Հայաստանի Հանրապետության էկոնոմիկայի նախարարի համապատասխան տեղակալին․
• մշակել Հայաստանում խեցգետնակերպերի արդյունագործական բուծման աջակցության ծրագիր։

      4․ Փորձագետին ներկայացվող պահանջներն են՝

• Հայաստանի Հանրապետության քաղաքացիություն,
• կրթությունը, որակավորման աստիճանը՝ անասնաբուծություն մասնագիտությամբ բարձրագույն կրթություն և գյուղատնտեսական գիտությունների դոկտորի գիտական աստիճան,
• հանրային ծառայության ոլորտում առնվազն չորս տարվա ստաժ կամ առնվազն հինգ տարվա մասնագիտական աշխատանքային ստաժ, կամ գյուղատնտեսության բնագավառում հինգ տարվա աշխատանքային ստաժ,
• ծրագրով նախատեսվող աշխատանքների իրականացման հետ կապված անհրաժեշտ իրավական ակտերի իմացություն,
• համակարգչով և ժամանակակից այլ տեխնիկական միջոցներով աշխատելու ունակություն,
• գրական հայերենի տիրապետում, օտար լեզուների իմացությունը կդիտվի որպես առավելություն,
• պատասխանատվության բարձր զգացում, ճշտապահություն, տրամաբանելու և տարբեր իրավիճակներում արագ կողմնորոշվելու ունակություն։

      5․ Դիմումների ընդունման վերջին ժամկետն է 2022թ. սեպտեմբերի 19-ը ներառյալ:

      6․ Աշխատավայրը` ք.Երևան, Մհեր Մկրտչյան 5:

      7. Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարագապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» ՀՀ օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում։

      8․ Ընտրություն կատարելու եղանակը`

      Դիմում ներկայացրած քաղաքացիների փաստաթղթերի և ինքնակենսագրականների ուսումնասիրություն:

      9․ Դիմող քաղաքացիները պետք է ներկայացնեն հետևյալ փաստաթղթերը.

• դիմում նախարարության գլխավոր քարտուղարի անունով (դիմումի ձևը կցվում է),
• հայտարարություն (ձևը կցվում է) ՀՀ կառավարության 02.08.2018թ. N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին,
• տվյալ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի/ների), վկայական/ների), աշխատանքային գրքույկի (վերջինիս բացակայության դեպքում անհրաժեշտ է ներկայացնել տեղեկանք/ներ համապատասխան մարմնից/ներից) պատճենները բնօրինակների հետ միասին, հայերեն ինքնակենսագրականներ (CV),
• արական սեռի անձինք` նաև զինվորական գրքույկի կամ դրան փոխարինող ժամանակավոր զորակոչային տեղամասից կցագրման վկայականի պատճենները` բնօրինակի հետ միասին, կամ համապատասխան տեղեկանք,
• մեկ գունավոր լուսանկար 3X4 սմ չափի,
• անձնագրի կամ նույնականացման քարտի պատճենը։

      10․ Քաղաքացին փաստաթղթերը ներկայացնում է անձամբ կամ էլեկտրոնային փոստի միջոցով՝ նշելով, թե որ ստորաբաժանման փորձագետի պաշտոնի համար է դիմում (առանց ստորաբաժանման անվանման դիմումները չեն դիտարկվի):

      11․ Փաստաթղթերն ընդունվում են ամեն օր` ժամը 09.30-12.30-ը (բացի շաբաթ և կիրակի օրերից)։

      Լրացուցիչ տեղեկությունների համար դիմել Նախարարության անձնակազմի կառավարման վարչություն (ք. Երևան, Մհեր Մկրտչյան 5, 7-րդ հարկ, 703 սենյակ, հեռ.` 011-59-71-98, էլեկտրոնային փոստի հասցեն` naslanyan@mineconomy.am):