Տեղեկացնում ենք, որ 2022 թվականի սեպտեմբերի 10-ից կմեկնարկի 2022 թվականի մարտի  21-ի ՀՀ կառավարության  N 346-Ն և N 347-Ն որոշումներով սահմանված արտաքին տնտեսական գործունեության մասնակիցների միջև առանձին տեսակի գյուղատնտեսական ապրանքների /խոշոր եղջերավոր անասունի, խոզի մսի, թռչնամսի և  կաթնային շիճուկի/ Հայաստանի Հանրապետություն ներմուծման քվոտայի ծավալների բաշխման 2-րդ փուլը։

Ներմուծման թույլատրելի ծավալի չբաշխված քանակությունից ներմուծման նոր թույլատրելի ծավալ ստանալու համար արտաքին տնտեսական գործունեության մասնակիցները 2022 թվականի սեպտեմբերի 10-ից մինչև սեպտեմբերի 30-ը լիազոր մարմին /ՀՀ էկոնոմիկայի նախարարություն/ պետք է ներկայացնեն հայտ` ՀՀ կառավարության  N 346-Ն որոշմամբ սահմանված կարգի 20-րդ կետի և  ՀՀ կառավարության N347-Ն որոշմամբ սահմանված կարգի 18-րդ կետի պահանջներին համապատասխան:

Արտաքին տնտեսական գործունեության մասնակիցների միջև 2022 թվականի ընթացքում Հայաստանի Հանրապետության տարածք ներմուծվող առանձին տեսակի գյուղատնտեսական ապրանքների բաշխումն իրականացվում է մինչև Հայաստանի Հանրապետությանը հատկացված ներմուծման թույլատրելի ծավալի սպառումը: