Հայ գործարարների ասոցիացիան արտահանումը խթանելու և հայ ձեռներեցներին աջակցելու նպատակով ՀՀ Էկոնոմիկայի նախարարության հետ համատեղ փետրվարի 15-ին անցկացնում է Մոսկվայում բացվող «Բուխտա Յուգ» մանրածախ և մեծածախ բազմապրոֆիլային առևտրի կենտրոնի պրեզենտացիան։

«Բուխտա Յուգ» մեծածախ և մանրածախ առևտրի կենտրոնը գտնվում է Մոսկվայի հարավային գլխավոր մայրուղիների և ծայրամասային երկաթգծերի հարևանությամբ։ Կենտրոնի տարածքում տեղակայված են լինելու շուրջ 1802 խանութներ և տաղավարներ, որտեղ կարող են ներկայացված լինել տարատեսակ ապրանքներ՝ գործվածքներ, հագուստ, շինանյութեր, սննդամթերք. այն ամենը ինչ պետք է ժամանակակից մարդուն հնարավոր կլինի գտնել մեկ տեղում՝ «Բուխտա Յուգ»-ում անմիջապես մատակարարներից: Կենտրոնը պաշտոնապես կբացի իր դռները 2022 թվականի երկրորդ եռամսյակի վերջում։

Հայ Գործարարների Ասոցիացիայի կազմակերպած միջոցառման ընթացքում «Բուխտա Յուգ» առևտրի կենտրոնների գլխավոր տնօրենը կներկայացնի կենտրոնի առավելությունները, գրանցված կոմերցիոն հաջողությունները և տարածքի վարձակալության պայմանները:

Շնորհանդեսին կարող են մասնակցել այն ընկերություները, որոնք ներկայացված են կամ ունեն մտադրություն դուրս գալ ռուսական շուկա։

Միջոցառման ժամանակ գործարարներին առևտրի կետրոնում տարածքների ամրագրումներ կատարելու հնարավորություն կտրվի:

Միջոցառումը տեղի կունենա փետրվարի է 15-ին, «Հոլիդեյ Ինն Երևան» (Ամիրյան 2) հյուրանոցի «Երևան» դահլիճում։

     Գրանցում՝ 15:30-16:00

     Միջոցառման սկիզբ՝ 16:00

     Գրանցման հղում

Հիշեցնենք, որ Հայ գործարարների ասոցիացիան ստեղծվել է հայազգի գործարարների կողմից՝ Հայաստանի և Ռուսաստանի գործարար համայնքի հզորացման, երկու երկրների շուկաները միմյանց համար առավել հասանելի դարձնելու նպատակով։