Ի գիտություն սերմարտադրողների

Տեղեկացնում ենք, որ «Հայաստանի Հանրապետությունում աշնանացան ցորենի արտադրության խթանման պետական աջակցության ծրագրի» (այսուհետ՝ Ծրագիր) 2021 թվականին տեղում արտադրվող սերմերի համար սուբսիդավորում ստանալու պայմաններից է սերմերի պարտադիր հավաստագրումը, որն իր մեջ ներառում է ինչպես դաշտային, այնպես էլ լաբորատոր հետազոտություններ:

Դաշտային հետազոտություններ իրականացնելու համար պարտադիր է նախքան ցանք կատարելը, դիմել լիազոր մարմնին՝ Հայաստանի Հանրապետության կառավարության 18 օգոստոսի 2005 թվականի N 1479-Ն «Սերմերի հավաստագրման կարգ»-ի որոշման համաձայն: Հիշեցնում ենք, որ ներկայումս լիազոր մարմին է հանդիսանում ՀՀ էկոնոմիկայի նախարարությունը։

Տեղեկացնում ենք, որ համապատասխան ժամկետներում չդիմելու դեպքում, տեղում արտադրված սերմերը չեն կարող հավաստագրվել և դուրս կմնան Ծրագրի մասնակցությունից:

Հաշվառման փաստաթղթերն անհրաժեշտ է ներկայացնել «Սերմերի գործակալություն» պետական ոչ առևտրային կազմակերպություն (Հայաստանի Հանրապետություն, Արմավիրի մարզ, գ. Մերձավան Երևանյան խճուղի 2-րդ, փակուղի 6/1)։ Հավելյալ տեղեկատվություն ստանալու համար կարող եք գրել sermer.poak@gmail.com էլեկտրոնային հասցեին կամ զանգահարել (+37460) 500677, (+37495) 500677 հեռախոսահամարներով: