«Սերմերի գործակալություն» պետական ոչ առևտրային կազմակերպությունը հայտարարում է եռօրյա դասընթացի հայտերի ընդունման մեկնարկի մասին՝ սերմնադաշտերի դաշտային հետազոտություններ կատարող ֆիզիկական անձանց (այսուհետ` ապրոբատոր) հավատարմագրման նպատակով։       

Օրակարգը ներառում է կարտոֆիլի, հացահատիկային, կերային, հատիկաընդեղեն, բանջարաբոստանային մշակաբույսերի դաշտային հետազոտությունների կազմակերպման վերաբերյալ դասընթացների թեմաները:  

Դասընթացը տեղի կունենա 2020 թվականի հունիսի 17-ից 19-ը` առցանց/հեռահար եղանակով` համաձայն կորոնավիրուսային հիվանդության տարածումը կանխարգելելու նպատակով իրականացվող միջոցառումների վերաբերյալ ընդունված Հայաստանի Հանրապետության Պարետատան որոշումների։ Դասընթացն ավարտած մասնակիցները կստանան ապրոբատորի վկայագիր և 2020 թվականի հունիսի 22-ից մինչև 2023 թվականի հունիսի 22-ն ընկած ժամանակահատվածում հնարավորություն կունենան իրականացնել սերմնադաշտերի դաշտային հետազոտություններ (ապրոբացիա):  

Դասընթացին մասնակցությունը և հավատարմագրումն անվճար են:

Դասընթացը նախատեսված է ագրոնոմիական մասնագիտությամբ բարձրագույն կրթություն և առնվազն հինգ տարվա մասնագիտական աշխատանքային փորձ ունեցող Հայաստանի Հանրապետության քաղաքացիների համար։ Ապրոբատորի վկայագիր ստանալու նպատակով  դասընթացին մասնակցել ցանկացող Հայաստանի Հանրապետության քաղաքացիները պետք է sermer.poak@gmail.com էլեկտրոնային հասցեին ուղարկեն տպագիր լրացված մասնակցության հայտի և պահանջվող մյուս փաստաթղթերի էլեկտրոնային պատճենները pdf ձևաչափով՝ մեկ ֆայլով։ Ֆայլի անվանումն անհրաժեշտ է լինի մասնակցի անուն, ազգանունով։ Ներկայացման ենթակա փաստաթղթերն են՝    

1. Դասընթացի մասնակցության հայտ, (հայտը կարող եք ներքաշել հետևյալ հղումով)
2. Անձնագրի կամ ՀՀ քաղաքացու ինքնությունը հավաստող այլ փաստաթղթի էլեկտրոնային պատճեն, 
3. Ագրոնոմիական մասնագիտություններով բարձրագույն կրթությունը հավաստող փաստաթղթ(եր)ի էլեկտրոնային պատճեն (ներ)։   

Դասընթացի մասնակցության հայտերն ընդունվում են 2020 թվականի մայիսի 27-ից մինչև հունիսի 10-ը ներառյալ: Դասընթացի վերաբերյալ հարցերի և լրացուցիչ տեղեկությունների համար կարող եք դիմել «Սերմերի գործակալություն» պետական ոչ առևտրային կազմակերպություն (հասցե՝ Արմավիրի մարզ, գյուղ Մերձավան, Երևանյան խճուղի երկրորդ, փակուղի 6/1, հեռախոսահամար՝ 060 50 06 77 (ներքին համար՝ 13) կամ 095 50 06 77, էլեկտրոնային փոստի հասցե՝ sermer.poak@gmail.com):  

Ընտրված մասնակիցները հայտերի ընդունման ավարտից հետո հնգօրյա ժամկետում լրացուցիչ կտեղեկացվեն դասընթացի անցկացման պայմանների մասին: