«Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի շրջանակում մշակվել և տպագրվել է «Պտղահատապտղատու տեսակների էտի առանձնահատկությունները» գրքույկը։ 

Ճիշտ էտը առողջ ծառի և առատ բերքի կարևոր նախապայմանն է։

• Ե՞րբ է պետք էտել պտղատու ծառերը,
• ինչպե՞ս ընտրել ճիշտ ձևավորման համակարգը,
• ինչո՞վ են տարբերվում տարբեր պտղատեսակների էտի առանձնահատկությունները, 
• ինչպե՞ս խուսափել ամենատարածված սխալներից։

Այս և բազմաթիվ այլ հարցերի պատասխանները ներկայացված են «Պտղահատապտղատու տեսակների էտի առանձնահատկությունները» գրքույկում, որը մշակվել և տպագրվել է «Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագրի շրջանակում։

Եթե ցանկանում եք խորացնել ձեր գիտելիքները և ծանոթանալ գրքույկին ամբողջությամբ, անցեք հետևյալ հղմամբ՝ /media/39157/IADAAM_Pruning%20characteristics%20of%20fruit-bearing%20species.pdf 

«Հայաստան - Ոռոգվող գյուղատնտեսության զարգացումը Արարատի և Արմավիրի մարզերում» (IADAAM) ծրագիրը, որը ֆինանսավորվում է Եվրոպական միության կողմից (ԵՄ) և իրականացվում Զարգացման ֆրանսիական գործակալության (ԶՖԳ) աջակցությամբ, նպատակ ունի վերափոխել ոռոգվող գյուղատնտեսությունը Հայաստանում։

ՀՀ էկոնոմիկայի նախարարության կողմից իրականացվող ծրագրի տեխնիկական աջակցության բաղադրիչն իրականացվում է «Ագրո քընսալթինգ Եվրոփ»-ի, «Ավենյու քընսալթինգ գրուպ»-ի, «Ռազմավարական զարգացման գործակալություն» ՀԿ-ի և «3 ԱՐ Ստրատեգիա» ՍՊԸ մասնակցությամբ կոնսորցիումի կողմից՝ գյուղատնտեսական քաղաքականության ամրապնդման և ոլորտային բարեփոխումների առաջխաղացման նպատակով: