Գևորգ Պապոյանը մասնակցել է Հայաստանում Ամերիկայի Առևտրի Պալատի տարեկան ընդհանուր ժողովին
Ամերիկայի Առևտրի Պալատը Հայաստանում մարտի 21-ին անց է կացրել իր տարեկան ընդհանուր ժողովը, որին մասնակցել է նաև ՀՀ էկոնոմիկայի նախարար Գևորգ Պապոյանը։
ժողովի անցկացման նպատակն էր ներկայացնել ԱԱՊՀ վերջին երկու տարիներին գրանցած ձեռքբերումները, քննարկել առաջիկա նախաձեռնություններն ու սահմանել գործարար համայնքի ռազմավարական առաջնահերթությունները:
Միջոցառմանը ներկա են գտնվել և ողջույնի խոսքով հանդես են եկել նաև ԱՄՆ արտակարգ և լիազոր դեսպան Քրիստինա Քվինը, Աժ տնտեսական հարցերի մշտական հանձնաժողովի նախագահի տեղակալ Բաբկեն Թունյանը։
Գևորգ Պապոյանն իր խոսքում ընդգծել է, որ ԱԱՊՀ-ի հաջող գործունեությունը ոչ միայն խթանում է երկկողմ առևտրատնտեսական կապերի խորացումը՝ նպաստելով մեր երկրի տնտեսության կայուն զարգացմանը, այլև ունի կարևոր դերակատարություն Հայաստանում բիզնես մշակույթի զարգացման, ներդրումային միջավայրի բարելավման և նորարարական լուծումների ներմուծման տեսանկյունից։
«Պալատն ակտիվորեն ներգրավված է պետական բարեփոխումների քննարկումներում, ներդրումային միջավայրի բարելավմանն ուղղված նախաձեռնություններում և տնտեսության զարգացման ռազմավարությունների մշակման գործընթացում: Պալատի անդամների փորձն ու առաջարկությունները հատկապես արժեքավոր են այն փոփոխությունների համար, որոնք մենք նախատեսում ենք իրականացնել՝ բիզնեսի համար ավելի կանխատեսելի և գրավիչ պայմաններ ստեղծելու համար», - նշել է Գևորգ Պապոյանը:
Ժողովի ընթացքում ԱԱՊՀ անդամներն ընտրել են նոր Տնօրենների խորհուրդ։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`