Նախարարի տեղակալ Տաթևիկ Սարգսյանը մասնակցել է «Սերմեր և տնկանյութեր արտադրողների ասոցիացիա» հասարակական կազմակերպության հիմնադրմանը նվիրված միջոցառմանը
ՀՀ էկոնոմիկայի նախարարի տեղակալ Տաթևիկ Սարգսյանը փետրվարի 7-ին մասնակցել է «Սերմեր և տնկանյութեր արտադրողների ասոցիացիա» հասարակական կազմակերպության (ՍՏԱԱ) հիմնադրմանը նվիրված միջոցառմանը։
«էկոնոմիկայի նախարարությունը կարևորում է ասոցիացիաների դերը բուսաբուծության ոլորտում քաղաքականության մշակման արդյունավետության բարձրացման գործում՝ հաշվի առնելով սերմնաբուծության, սերմնարտադրության և տնկարանային արտադրության զարգացման առաջնահերթությունը հանրապետության պարենային անվտանգության ապահովման տեսանկյունից», - նշել է Տաթևիկ Սարգսյանը։
Նախարարի տեղակալն իր խոսքում կարևորել է նաև սերմարտադրողների և գիտական կենտրոնների միջև սերտ համագործակցությունը շուկայում առկա սորտերի և սերմերի պահանջարկի, առաջարկի գնահատման և համադրման արդյունքում հանրապետությունում մրցունակ և պահանջված սորտերի սերմերի արտադրության ծավալներն ավելացնելու նպատակով։
Միջոցառման ընթացքում ՍՏԱԱ հիմնադիր Իշխան Հովսեփյանը ներկայացրել է ասոցիացիայի առաքելությունն ու նպատակները։ Այնուհետև միջոցառման մասնակիցները քննարկել են սերմնաբուծության ոլորտի ներկայիս վիճակը, մարտահրավերները և զարգացման ռազմավարությունը։
«Սերմեր և տնկանյութեր արտադրողների ասոցիացիա» հասարակական կազմակերպությունը հիմնադրվել է 2024 թվականի դեկտեմբեր ամսին։ Ասոցիացիայի հիմնական նպատակն է միավորել ոլորտի մասնագետներին, աջակցել նորարարություններին և խթանել բարձրորակ սերմերի և տնկիների արտադրությունը՝ նպաստելով գյուղատնտեսության կայուն զարգացմանը։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`