Նախարարի տեղակալ Արման Խոջոյանը Տավուշ գյուղում ծանոթացել է AMAA ՀԿ-ի նախաձեռնությամբ իրականացվող Տավուշի զարգացման ծրագրին
ՀՀ էկոնոմիկայի նախարարի տեղակալ Արման Խոջոյանն այցելել է Տավուշի մարզ՝ ծանոթանալու Տավուշ գյուղում AMAA ՀԿ-ի նախաձեռնությամբ իրականացվող Տավուշի զարգացման ծրագրին։
Ծրագրի շրջանակում նախատեսվում է ստեղծել գյուղատնտեսական և զբոսաշրջային ենթակառուցվածքների արժեշղթա, ինչպես նաև ապահովել ԼՂ-ից բռնի տեղահանվածների և տեղի բնակիչների համար տների կառուցում:
Նախարարի տեղակալին ուղեկցել են Տավուշի մարզպետի տեղակալ Նարեկ Ղուշչյանը, Հայաստանի խաղողագործության և գինեգործության հիմնադրամի տնօրեն Զարուհի Մուրադյանը, ՄԱԿ-ի Պարենի համաշխարհային ծրագրի (UNWFP) Հայաստանի ներկայացուցիչներ, ինչպես նաև Զբոսաշրջության կոմիտեի ներկայացուցիչներ:
Նախարարի տեղակալի գլխավորած պատվիրակությունն այցելել է Իջևանի գինու գործարան, որտեղ ներկայացվել են գործարանի արտադրական գործընթացներն ու ծավալները և քննարկվել Տավուշի ծրագրի շրջանակում ներդրողների հետ համագործակցության հնարավորությունները:
Այնուհետև պատվիրակությունն այցելել է Տավուշ գյուղի հողատարածքներ, ծանոթացել ծրագրի իրականացման ընթացքին, որից հետո հանդիպել է տեղի բնակիչների հետ:
Արման Խոջոյանը ներկայացրել է պետական օժանդակության ծրագրերը՝ ընդգծելով, որ գյուղատնտեսական ենթակառուցվածքների ստեղծումը կբարելավի բնակիչների կենսապահովման պայմանները և աշխատանքային հմտությունները:
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`