Չեխիայում տեղի է ունեցել հայ-չեխական գործարար համաժողով
Մայիսի 4-ին Չեխիայի Հանրապետության արդյունաբերության և առևտրի նախարարությունում տեղի է ունեցել Հայաստանի Հանրապետության և Չեխիայի Հանրապետության միջև առևտրի, ներդրումների և գործարար կապերի զարգացմանը նվիրված գործարար համաժողով, որին մասնակցել են երկու երկրների պետական և գործարար շրջանակների ներկայացուցիչներ։
Գործարար համաժողովին բացման խոսքով հանդես են եկել ՀՀ էկոնոմիկայի նախարարի տեղակալ Նարեկ Տերյանը, Չեխիայի Հանրապետության արդյունաբերության և առևտրի նախարարի տեղակալ Էդվարդ Կոժուշնիկը։
Չեխիայի առևտրի պալատի փոխնախագահ Ռադեկ Յակուբսկին և Չեխիայի Արդյունաբերության համադաշնության փոխնախագահ Ֆրանտիշեկ Չալուպեցկին ներկայացրել են Չեխիայում բիզնես վարելու, ներդրումներ և տնտեսական գործունեություն ծավալելու առանձնահատկությունների վերաբերյալ շնորհանդեսներ։ Հայկական կողմից շնորհանդեսով հանդես է եկել «Էնթերփրայզ Արմենիայի» ներկայացուցիչը։
Համաժողովի շրջանակում շնորհանդեսներ են ներկայացրել նաև «Թումո» կենտրոնի, «Jasmine Home Textile»-ի և «Արթիկի ՓՀԿ» ՍՊԸ-ի ներկայացուցիչները։
Գործարար համաժողովի ավարտին երկու երկրների գործարար շրջանակների միջև տեղի են ունեցել B2B հանդիպումներ, որոնց ընթացքում հայ և չեխ գործարարները հնարավորություն են ունեցել ձեռք բերել պայմանավորվածություններ՝ անմիջական շփումների և նոր գործարար կապերի հաստատման վերաբերյալ։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`