Վահան Քերոբյանն այցելել է «Արզնի մսամթերք» ընկերություն

10 Մայիսի, 2022

ՀՀ Էկոնոմիկայի նախարար Վահան Քերոբյանն այցելել է «Արզնի մսամթերք» ՓԲԸ՝ ընկերության գործունեությանն ու առաջիկա ծրագրերին ծանոթանալու նպատակով։

Ընկերության սեփականատեր Արմեն Ջանվելյանի և տնօրեն Վահե Փանոսյանի ուղեկցությամբ նախարարը շրջել է ընկերությունում, ծանոթացել սպանդանոցում կենդանիների մորթի իրականացման պայմաններին։

Արմեն Ջանվելյանը նախարարին տեղեկացրել է, որ «Արզնի մսամթերք» ՓԲԸ-ն հիմնադրվել է 2013 թվականին: Ընկերությունում բուծվում են կաթնատու և մսատու ցեղի շուրջ 1500 գլուխ խոշոր եղջերավոր կենդանիներ։

Ընկերության սպանդանոցը հագեցած է ժամանակակից սարքավորումներով։ Այստեղ ստեղծված են սանիտարահիգիենիկ բոլոր պայմանները անասունների մորթը բարձր մակարդակով կազմակերպելու համար։ Սպանդանոցի սարքավորումները ձեռք են բերվել ՄԱԿ-ի Պարենի և գյուղատնտեսության կազմակերպության աջակցության ծրագրի շրջանակներում։ Սպանդանոցի արտադրանքի հիմքը կազմում են մսատու «սիմենթալ» և «աբերդին-անգուս» ցեղի կենդանիներ։ Սպանդանոցում կազմակերպվում է մանր և խոշոր եղջերավոր կենդանիների մորթ և փաթեթավորում։

«Արզնի մսամթերք» ընկերության գործունեությունն ուղղված է ոչ միայն տեղական շուկայի ապահովմանը, այլև արտահանմանը։ Ընկերությունն ունի «հալալ» մորթի արտոնագիր։ Գառան «հալալ» մորթն իրականացվում է Եգիպտոսից հրավիրված հատուկ լիցենզիա ունեցող փորձառու մասնագետի կողմից։ Յուրաքանչյուր կենդանու մսեղիքն անցնում է լաբորատոր փորձաքննություն։ Խոշոր եղջերավոր կենդանիների մսեղիքն իրացվում է տեղական շուկայում, իսկ ոչխարի միսը՝ արտահանվում արաբական երկրներ։ Ընկերությունը 2017 թվականին ստացել է Արաբական Միացյալ Էմիրություններ հալալ գառան մսի արտահանում կազմակերպելու թույլտվություն, որը գործում է մինչ օրս։  Բանակցություններ են ընթանում դեպի Հորդանան արտահանման թույլտվություն և արտահանում կազմակերպելու համար։

Իր գործունեությունն առավել արդյունավետ կազմակերպելու նպատակով՝ ընկերությունն օգտվել է նաև պետական աջակցության ծրագրերից․լիզինգի ծրագրի շրջանակում ձեռք են բերվել մսեղիք տեղափոխող տրանսպորտային միջոցներ։

Կառուցվում են խորը սառեցման և երկարաժամկետ պահպանման սառցարաններ, որոնք հնարավորություն կտան մսամթերքի արտադրությունը համապատասխանեցնել ցանկացած գնորդի պահանջներին, ինչպես նաև արտահանում կազմակերպել դեպի ավելի հեռավոր երկրներ։

Շրջայցի ընթացքում ընկերության ղեկավարները նախարարին ներկայացրել են մորթի «հալալ» եղանակի առանձնահատկությունները և նշել, որ ոչխարի հերթական խմբաքանակը կարտահանվի Կատար, որտեղ «հալալ» մորթված գառան մսի պահանջարկը շատ մեծ է։ Էկոնոմիկայի նախարարին տեղեկացվել է, որ ընթացիկ տարում սերտ համագործակցություն է ծավալվել սպանդանոցային գործունեությամբ զբաղվող Կատարի խոշոր կազմակերպությունների հետ։ Արմեն Ջանվելյանը հավելել է, որ ընկերության հզորությունները թույլ են տալիս մթերումներ իրականացնել առանց քանակային սահմանափակումների։

Վահան Քերոբյանը կարևորել է Հայաստանում ժամանակակից սպանդանոցների առկայությունը՝ սննդի անվտանգության ապահովման տեսանկյունից, հաջողություն մաղթել և նշել, որ Էկոնոմիկայի նախարարությունը պատրաստ է աջակցել  ընկերության նախաձեռնություններին։ 

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Հայաստանի հողերի տեղեկատվական համակարգ

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00