Վահան Քերոբյանի գլխավորած պատվիրակությունը Մինսկում մի շարք հանդիպումներ և այցեր է ունեցել

29 Նոյեմբերի, 2021

Էկոնոմիկայի նախարար, հայ-բելառուսական միջկառավարական հանձնաժողովի համանախագահ Վահան Քերոբյանի գլխավորած պատվիրակությունը նոյեմբերի 24-ից 26-ը գտնվում էր Բելառուսի մայրաքաղաք Մինսկում՝ հայ-բելառուսական միջկառավարական հանձնաժողովի 15-րդ նիստին մասնակցելու նպատակով։

Այցի ընթացքում նախարար Վահան Քերոբյանը հանդիպումներ է ունեցել Բելառուսի  գործընկերների հետ, Հայաստանի պատվիրակությունը նաև այցելել է մի շարք կազմակերպությունների և ընկերություններ։

Մասնավորապես՝ նոյեմբերի 25-ին Հայաստանի պատվիրակությունը հյուրընկավել է բելառուսական «Բելկոմունմաշ» («Белкоммунмаш») գործարանում։

Նախարար Քերոբյանին և պատվիրակության անդամներին հակիրճ ներկայացվել է ձեռնարկության պատմությունը։ Այնուհետև հյուրերը ծանոթացել են թողարկվող արտադրանքին, որը ներառում է քաղաքային էլեկտրական տրանսպորտի ողջ տեսականին՝ դասական տրոլեյբուսներից ու տրամվայներից մինչև լիցքավորվող ավտոնոմ ընթացքով տարբերակներ, հիբրիդային ավտոբուսներ, ինչպես նաև երթուղու ելքային ու վերջին կանգառներում 5-ից 7 րոպե տևողությամբ էքսպրես լիցքավորմամբ աշխատող էլեկտրական ավտոբուսներ, նաև երկար տարածությունների համար նախատեսված գիշերային լիցքավորմամբ էլեկտրոբուսներ։

Պատվիրակությունը ծանոթացել է էլեկտրական տրանսպորտի հավաքման գործընթացին, դրա տարբեր տեսակներում գործածվող էլեկտրական տեխնիկային, տրանսֆորմատորներին, կոմպլեկտավորմամբ պայմանավորված արժեքին։

Վահան Քերոբյանն ընդգծել է Երևանում և Հայաստանի խոշոր քաղաքներում տրանսպորտային պարկի հագեցման արդիականությունը՝ հավելելով, որ առանձնակի ուշադրություն է դարձվում «կանաչ տեխնոլոգիաների» վրա, ինչի համատեքստում մեծ հետաքրքրություն են ներկայացնում հատկապես էլեկտրոբուսները։

Հայկական պատվիրակությունը եղել է նաև բելառուսական ազգային բիոտեխնոլոգիական կորպորացիայում։

Այս փակ բաժնետիրական ընկերության հսկայական տարածքում տեղակայված առանձին հոսքագծերով աշխատող երեք տեսակի գործարաններում թողարկվում են գյուղատնտեսական կենդանիների կերակրման և սպառողական մեծ արժեք ունեցող ձկնատեսակների բուծման համար նախատեսված կոմբիկերեր ու համակցված կերեր։

Հայաստանի պատվիրակությունը ծանոթացել է հացահատիկային մշակաբույսերի մշակումն ապահովող արտադրական ցիկլին և ապրանքատեսականու թողարկման գործընթացի էլեկտրոնային կառավարման համակարգին։

Գործարանների արտադրանքը համապատասխանում է ԵԱՏՄ շրջանակներում ընդունված չափանիշներին և անխոչընդոտ կարող է առաքվել նաև Հայաստանի Հանրապետություն։

Նոյեմբերի 26-ին Վահան Քերոբյանը հանդիպում է ունեցել Բելառուսի գյուղատնտեսության և պարենի նախարար Իվան Կրուպկոյի հետ։

Քննարկվել են ագրոարդյունաբերական համալիրի ոլորտում երկու երկրների միջև առևտրատնտեսական համագործակցության զարգացման ներկա վիճակը, հեռանկարները և գործընթացի ակտիվացման համար անհրաժեշտ հետագա քայլերը։ Մասնավորապես՝ համաձայնություն է ձեռք բերվել ստեղծել գյուղատնտեսության ոլորտում համագործակցության համատեղ աշխատանքային խումբ։

Կողմերն անդրադարձել են նաև Բելառուսի և Հայաստանի գյուղատնտեսական բուհերի միջև համագործակցությանն առնչվող հարցերին, այդ թվում՝ ուսանողների փոխանակման, ուսումնական պրակտիկայի կազմակերպման, ագրոարդյունաբերական համալիրի համար մասնագետների վերապատրաստման մասով։

Նոյեմբերի 26-ին Հայաստանի Հանրապետության էկոնոմիկայի նախարար Վահան Քերոբյանը հանդիպում է ունեցել նաև Բելառուսի Հանրապետության գիտության և տեխնոլոգիաների պետական կոմիտեի նախագահ Ալեքսանդր Շումիլինի հետ։ Զրուցակիցները քննարկել են Հայաստանում և Բելառուսում գիտության ֆինանսավորման մեխանիզմները, ինչպես նաև գիտատեխնիկական համագործակցության հեռանկարները։

Հանդիպման ընթացքում քննարկվել են միասնական հետազոտությունների և տարբեր միջազգային ծրագրերի ներքո համատեղ ծրագրերի իրականացմանն առնչվող հարցեր։

2021թ․ հունվար-սեպտեմբերին Բելառուսի և Հայաստանի միջև պարենային ապրանքների և գյուղատնտեսական հումքի շրջանառությունը կազմել է 24 մլն ԱՄՆ դոլար։ Բելառուսը հետաքրքրված է սննդամթերքի մատակարարումների ծավալների մեծացմամբ, մատակարարվող ապրանքների տեսականու ընդլայնմամբ, ինչպես նաև տոհմային կենդանիների և անասնաբուժական դեղամիջոցների մատակարարմամբ:

Հայաստանում 2021թ․ նախատեսվող ցուցահանդես-տոնավաճառների ցանկ

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

ԵՄ արտահանում ԵՄ «GSP+» REX միջոցով

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Հայաստանի հողերի տեղեկատվական համակարգ

Ներմուծման դիվերսիֆիկացիայի ուղեցույցներ

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԹՈՒՐՔԱԿԱՆ ԾԱԳՄԱՆ ԱՊՐԱՆՔՆԵՐԻ ԱՐԳԵԼՔ

(+374 11) 597 150, (+374 11) 597 153

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 530 333, (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00