Ծրագրին դիմելու ժամկետն ավարտվել է, մասնակցության հայտեր, չեն ընդունվում,

սակայն շարունակվում են իրականացվել ծրագրով ստանձնած գործընթացները

Տնամերձ հողամասերում այգեհիմնման և ոռոգման արդիական համակարգերի ներդրման փորձնական ծրագրի (այսուհետ՝ ծրագիր) նպատակն է բնակավայրերի տնա­մերձ հողամասերում այգեհիմնման և ոռոգման արդիական համակարգերի ներդրման արդյունքում խթանել բարձր բերքատվությամբ, հավաստագրված տնկի­ներով այգիների հիմնումն ու ջրային ռեսուրսների արդյունավետ ու խնայողաբար օգտագործումը։

Ծրագիրը նախատեսվում է իրականացնել 2023-2024 թվականներին` Հայաստանի Հանրա­պետության Տավուշի մարզի Իջևան համայնքի Բերքաբեր և Խաշթառակ բնակավայրերում։

Ծրագրի շահառուներ կարող են հանդիսանալ առնվազն 100 քառ. մետրից մինչև 1000 քառ. մետր մեկ ամբողջական, ծառերից և այլ գույքից ազատ, տնամերձ հողամաս ունեցող տնտեսավարողները։

Շահառուները ծրագրին մասնակցելու նպատակով  պտղա­տե­սակ­ներից նախընտրելի մեկ պտղատեսակի, ծառերից և այլ գույքից ազատ մեկ ամբողջական տնամերձ հողամասի մակերեսի վերաբերյալ տեղեկատվությունը, անշարժ գույքի նկատմամբ իրավունքի պետական գրանցման վկայականի պատճենը (նպա­տակային նշանակությունը՝ բնակավայրեր, գործառնական նշանակությունը կամ հողա­տեսքը՝ բնակելի կառուցապատման) կամ բնակավայրի վարչական ղեկավարի կողմից տրված տեղեկանքը՝ տնամերձ հողամասը (նշելով տնամերձ հողամասի մակերեսը) շահառուի կողմից փաստացի տնօրինվելու, ինչպես նաև շահառուի գրավոր պարտա­վորագիրը՝ (առկայության դեպքում) գումար տրամադրելու վերաբերյալ՝ մինչև 2023 թվականի հուլիսի 30-ը ներկայացնում են համայնքի ղեկավարին։

Տնամերձ հողամասերում այգեհիմնում և ոռոգման արդիական համակարգերի ներդրումն իրականացվելու է Հայաստանի Հանրապետության օրենսդրությամբ սահման­ված կարգով գնման մրցութային գործընթացում հաղթող ճանաչված կապալառուի հետ կնքված գնման պայմանագրի արժեքի ամբողջական ֆինանսավորմամբ՝ հետևյալ համամասնությամբ՝

1. նախարարություն՝ պայմանագրային արժեքի 95 տոկոսը.
2. համայնք կամ շահառու՝ պայմանագրային արժեքի 5 տոկոսը։

Ծրագրի շրջանակում կապալառուն աշխատանքները պետք է ավարտի մինչև 2024 թվականի նոյեմբերի 10-ը։

Տնամերձ հողամասերում այգետնկման համար առաջարկվող պտղատեսակներն են տանձենի, նռնենի, հոնենի, մոշ և ազնվամորի։

Ծրագրի մանրամասներին կարող եք ծանոթանալ՝ այստեղ։

Ծրագրի շահառուների վերաբերյալ տեղեկատվության ձևաչափ։

 ԹԵԺ ԳԻԾ` 81-40